شعر عن الراتب , اشعار حزينة عن الراتب الشهري , قصائد عن زيادة الرواتب
مانـي متابع للسيـاسة والأخبــار
ولا همـني أوباما ولافوز ماكـــيـن
ولا همني وش قال حسني وبشار
وما همني لو زادوا الهند والصين
وما همني لو سوق الأموال منهار
وماهمني لو كان خسروا ملايـين
ماهمني الا راتبي ذا الشهر طــار
كله صرفته يوم خمسة وعشرين
بعثرت مدخولي على يمين ويسـار
وقعدت وعيالـي نصفّـق بـكفــين
1300 عـلـى طـــول فــ إيــجــــار
و400 مصروف جوال في زين
و 1150 في شــركـــة إعـــمــار
قرض ٍ أخذته وشفطـوه الشياطين
و1100 تجديد وأتعـاب سـمــسار
عندي استمارة مطوفة حول عامين
و400 فــاتــورة المــاء والأنـوار
حـتـى ولـو كـنّـا للأنــوار مـطـفـيـن
وأمــا 800 بـســوي بها الــكــار
سـيارة ٍ جـربـا ثــلاث وثــمـانـيــن
لا شـمـة الراتـب يجـيها كـما الزار
تنـفض مكيـنتها كما نـفض بوكليـــن
وام العيال تـصـيح يا زوجي البار
هذا الشهر عندي في القصر عرسين
احتاج انا فستان من عشرة امتـار
وأفصـله يا فـالح الـراي بـألفــــيـــن
وأخر مئة بتروح في جيب كومار
الحارس الهندي عسى فـاله الشـيـن
ويقـول ما تـكفـيـه للفـلفـل الحــار
زعلان يبغى فوقها زود خـمســـيــن
وزادت معانـاتـي مع زود الأسـعار
أصبح مثل ما قيل طاق ٍ بطاقـيــــن
أزمة مسـويها مــداهن وتــجـــــار
وراحوا ضحيتها الضعوف المساكين
منـحاش من نـار ٍ وطـبيـت في نار
ويا ويل حـظ اللي وقــع بيـن نـاريـن
وإن الجمل صابر على الضيم صبّار
وان طاح تكثر في جنوبه سكاكـين
أبديت ما في الصدر من هم واسرار
بأقولها واخلي الخافي يــبـيــــن
يا شيوخنا لا لا تغضون الأبصار
صار المواطن يشكي العسر والدين
وانتم به ادرى ياطويلين الأعمار
بالله عليكم شوفوا الوضع بالعين
..
نظرت والخوف بعينيها تتأمل
راتبي المحسوب
قالت يا ولدي لا تحزن
فالفقر عليك هو المكتوب
ستطير رواتبك سريعاً
كماء في صحن مثقوب
وسيقرع بابك بقال
يطالبك بما هو مطلوب
وستجلدك فواتير الجوال ،
مالك والموبايل يا مغضوب???
فابحث بين جميع الجزارين
وستلقى الفول هو المحبوب
فاللحمة صارت أحلاماً
أسعارها لا تناسب الجيوب
ولو طلبها العيال منك
انهرهم بالصوت المقلوب
فأنت موظف يا ولدي
جمعت راتبك العيوب
ما بين الفواتير يذوي
والباقي بنار الغلاء يذوب
لا أمل يا ولدي لا امل
فالأسعار تزداد صعوداً
وتشتد رياحها بالهبوب
فكلما قبضت الراتب يا ولدي
اعلم سلفاً انه مسحوب
فلا هو لأكل الفلافل يكفي وأنت
أمامه مغلوب مغلوب مغلووووووب
كيل المطفف طغى بالكيل تطفيفه = وأهل الحوايج غلاء التاجر يكلفها
والعاطل اليوم عاجز عن تكاليفه =ووجيه الأجواد ملّت من تعففها
هذي قصيدة عن زيادة الرواتب . . .
———————————————–
الراس صاير فيـه ورشـة حـداده = قام يتحلل فيه مسمـار …مسمـار
قلت الركـاده ميـر ويـن الركـاده = كنّي مع الحجاج في رمي الاجمـار
من عقـب ماجانـا قـرار الزيـاده = من مجلس اهل الجود وافين الاشبار
كـلٍ مـن الفرحـة بيقـدح زنـاده = جبنا القروض نضارب السوق وانهار
وجينا نبي بـس الرجـا والهـواده = والله وكيلك شبّت اسعارنا .. نـاااار
والراتـب الماخـوذ جتـه القـراده = ماينزل الا..صافقه مثـل الاعصـار
فاتـورة الهاتـف وعاجـل سـداده = والقرض والكهرب وتسديد الايجـار
والتاجر المليـان جـاب الوسـاده = يبـي يوصّـل راس مالـه لمليـار
والا المواطن صار..سهل اصطيـاده = جته الهوامير بوسَط غـب الابحـار
واصبح نهار وليـل وسـط العيـاده = مابين طب الراس والقلـب وشهـار
يامـن يوصّـل كلمتـي للقـيـاده = للحاكـم المحبـوب والوالـد البـار
ماعاد نبغى فـي الرواتـب زيـاده = اللي نبيه اليوم تخفيـض الاسعـار
منقولة
