همس القوافي

شعر عن البشت , قصائد عن مدح البشوت , اشعار عن بشت العريس

الحر لو ماحط له بشت و عقال
يكفيه بين الناس فعله و طيبه
و راع الردى لو بأجمل اللبس يختال
تلقى الردى مابين كمه وجيبه
ومن لاكسب كلمة نعم بين الاجيال
يكسب بدلها ياهل العرف خيبه
ومن لاشرب لمواجه الوقت فنجال
يقضى العمر بين الطمان وشعيبه
ومن لاتحدى في الزمن بحر الاهوال
اللول و المرجان ماهو نصيبه
ومن لاحسب قبل النسب معدن الخال
لاينشد المولود من وين عيبه
ومن لادفع في ماقف الربع مثقال
لا ينتظر تعطيه ربعه زبيبه
ومن لاطلب للمشكله ناس عقال
يجيه من عميان الاريا كتيبه
ومن لا حفظ سمعه عن القيل و القال
تلقى ورم مخه نميمه و غيبه
ومن داس عرض الناس لو كان بالمال
من عرضه المصيون دفع الضريبه
ومن لاحسبها صح في عمر الاقبال
ماهو بحاسبها ليا بان شيبه
سمعت ماقالوه قبلي بالامثال
من لاكسب كلمة نعم وش تبيه
جنب عن الرديان و كبار الازوال
وتلقى من اهل الخير من تعتزي به

البشت مايزها على كل رجال
يزها على راعيه لاجاك قده
لياصار وارث طيب مايارث اموال
ياكثرهم وفلوسهم ماتعده
هذي تسما شيخة شماغ وعقال
لياصار ماهي ورث من طيب جده
وانا صبورن ماتمايل ولو مال
لو مال وقتي ماتمايل واحده
اكوي هواجيس العنا بسبعة ريال
واشكي همومي لخالقي جل وحده
ياعالمن حالي وانا اشكي لك الحال
من واحدن دمعه جرا فوق خده
يبكي يصيح ينوح في كل موال
على هل الرده ولا شاف رده
عزي لرجلن وقتنا لعزته زال
عقب المعزه زاله الوقت هده
اليه شفت الحزن في ليلتي طال
وش بالسهر ابرتمي للمخده
ماكل رجلا يلبس البشت رجـــــــال —- البشت مايطيب قصير الــــــذراعي
ولاكل من يركب على الخيل خيال — ولاكل من يجلب على السوق باعي
ولاكل من يشري معامــــيل ودلال — تلقى في بيته شبة” واجتمــــاعي
ولاكل رجلا عن عناء الدرب ينسال —– احذرك من شور الغشيم الهكاعــــي
ولاكل رجلا للثقـــــيلات شيــــــال ——– الحمل مايشيله هزيلا رعـــــــــاعـي
شاور على القاله خبيرا بالاحــوال —— ينبيك من قاسي الامور الوســـاعـي
والعلم عند معلم العــــــــــــلم دلال —— والارض تحتاج الخبــــــــير الزراعـي
الناس تفرق بالصخا وسْعة البــــال —– وزين الكلام ليا خلا من الخداعـــــي
السوق يوجد به هناديم وعقـــــال —– وكلاً بماله يشتري ماستطـــــاعـي
وش قال بن رشيد في زين الامثال —- شربك من الفرتك بقو الذراعـــــــي
ومن لاخلق للطيب في كل الاحوال — الناس ماتعلم قصير المساعـــــــــي
يغتر بعض الناس في كثرة المال —– والمال له في قمة المجد باعــــــي
يلبس من الهندام وينصب ويهتــــال—– يقول مامثلي مع النــــاس داعـــــي
بس المهم انه من الطيب يكتــــال——– يعرف بعلم الطيب والقلب واعــــــي
اللي مقاصدهم لبس ثوب والشـــال—– يقصر عن الطوله دقيق النخـــــاعي
يازين لبسه يدخله شك وهبــــــال —– يقول انا مثل الزعــــــيم الشجاعي
بس اجتهد يالعبد عن درب الاهمال ——- برق بنفسك عن طريق الضيــــاعـي
الفرق بين الناس مسقي وجـــوال —– ورد على بيرا وخذله متاعـــــــــي
الفوز بالي كاسبا حسن الاعمــال — لاتحسب انك هاملا دون راعــــــــي
خذ الزهاب وزد في كثر الانفـــال —- ماخسر الله عـــــبد لرب طــــــاعي
حبل الرداء مايطلعك من جبا الجال —- ولا يزبن الخايف ردين يراعــــــــي

بشتـي علومـي والوفـاء هـو معمي البـشـت ماطـيـب عـفـون الرجاجـيـل
ربعـي غلاهـم وســط عقـلـي ودمــي الطيـب ماهـو بـس صــورة معامـيـل

سيـرت أبـا سليـك يانفـس وبْلـشـتت خارجـي يـا نـفـس لا مــن بلشـتـي
اطلب من الله عزتك طول ما عشتي عزك يا نفسـن علـى العـز عشتـي
من لايقدرنـي وانـا مـا علـي بشـت فــلا يقـدرنـي عـلـى شــان بـشـتـي
اللـي مثـل هـذا ليـا شفتـه انحـشـت لـو هـو علـى بيبـان رزقـي نبشتـي
بعطي على فرقاه جميـع مـا حشـت واذبـح ولــد ملـحـاً لفـرقـاه مشـتـي
وكم نشمي لا جيتله فـز ثـم ششـت شـواش لا جينـاه يـا نفـس ششـتـي
القـدر للـرجـال مــا هــوب للبـشـت مالـي بتقديـرن علـى شــأن بشـتـي

زر الذهاب إلى الأعلى