شعر مدح الويلان , عبارات عن قبيلة الويلان, اشعار عن وايل العنوز , خواطر حب الويلان
شعر مدح الويلان , عبارات عن قبيلة الويلان, اشعار عن وايل العنوز , خواطر حب الويلان
الـعــز مايـبـنـى عــلــى جــــرف وهــيــال=والـطـيـب ماتـخـفـيـه نــفــس(ن) رديــــه
والمـجـد حـيـد جـبــال ومـنـاطـح رجـــال=مــاهــي سـوالـيــف وحــكـــاوي فـضــيــه
يابنـت عـن هـرج الخطـاء ذبـي الجـال=وعــــن الـعـلــوم الـفـاضـيـه قــيــد نــيـــه
إن عـــــودت لـــــلأب والــجـــد والــخـــال=حـنــا هــــل الـتـاريــخ صــبــح وعـشـيــه
أنــــا مــــن الــويــلان ذربــيــن الأفــعــال=حـكــام نـجــد أهـــل الـشــرف والحـمـيـه
حــنــا دول تسـلـسـلـت مـنــهــا أبــطـــال=وزادو عــلــى كـــــل الـخــلايــق شــويـــه
ماهوكـبـر لـكـن مـثـل ضـمــن الأمـثــال=ويـبـقــى لـعـصـمـان الــشــوارب هــديـــه
وكـــل الـقـبـايـل والـنـعــم عــــز وجــــلال=إعـــدودهـــم بـالـطــيــب دايــــــم مــلــيـــه
منـا آل سعـود أهـل الـذرى حكـم بـتـال=روس الـعــرب نــعــم الـفـعــول الـزكـيــه
حكـامـنـا الـلــي سيـلـهـم خـيــر لاســـال=ويــبـــدلـــون الــعــاصــيـــه بــالــرضــيـــه
وآل الصـبـاح مـنـوخـة كـــل مـــن مـــال=شـجـعــان خـلــقــه بـالـنـفــوس الـفـتـيــه
وآل الـخـلـيـفــه درع وحـــــــزام ســـــــلال=سـقــم الـمـعـادي بالـسـيـوف الـعـصـيـه
وإن كـان همـك داخــل الـصـدر يخـتـال=مـــن مـاجــرى بــاقــي ســوالــف هـنـيــه
أنــــا الـحــريــري والـحــريــرات غــربـــال=ولادعـــــــه يــابــنـــت مـــــــن ولــدعـــيـــه
فــرســـان شـجـعـانــاً مـجـانـيــن عــقـــال=يــردون حــوض الـمـوت فـــرد وسـريــه
جـــدي خـلــف فـــارس وبـاشــا وقــتــال=هـــذا لــقــب مــــن تـركـيــا لــــه عـطـيــه
من فعله اللـي يجـدع الـروس بالحـال=ولاخـــضـــع راســــــه لـمـخــلــوق زيــــــه
وكـيــل لـلـبـاشـا عــلــى كــــل الأعــمــال=مــــن تـركـيــا لـمـكــه بـسـيــف ومـطـيــه
بـالـوجـه لـــه سـيــره تـسـجــل وتـخـتــال=مـــع إبـــن رفـــاده خـــوت(ن) عالـمـيـه
ثــلاث وثـلاثـيـن إكـتـمـل عـقـدهـا فـــال=ونــالــوا مــــع الـتـاريــخ ســيــره وفــيـــه
فـعـلاً يـخـلـي صـاحــي الـــراس يـهـتـال=بـســيــوف ورمــاحـــاً بــروحـــه وجــيـــه
وخـالـه الأيـــداء رمـــز والـفـعـل مـثـقـال=شــيــوخ فــعــل ومــاكــر الـطـيــب ريــــه
كـسـارة الطـابـور مـــن هـــول الأهـــوال=مـاهـمـهـم بـالـكــون نــفــس(ن) لــويـــه
إخـــوان بـقـشــه مــرويــة كــــل بــهــلال=خــزامــت(ن) لـلـفـيــل تـطــمــي طـمــيــه
خـوالــه الـلــي فـعـلـهـم يـسـبــق الــفــال=فــعــلاً يـخـلــي عــقـــرب الأرض حــيـــه
وأبــوي شـيـخ الـجـود والطـيـب والـمـال=يـنـفــذ مـــــن يــديـــن الـكــريــم الـنــديــه
فـارس كريـم وسيرتـه شمـس وضــلال=وأشـجــع مـــن الـسـيـف المـهـنـد وبـيــه
سـفـيـر ربـعــه يــــوم حــــزات الإخــــلال=يــــــذود عــنــهــم بـالـســيــوف الـنـقــيــه
مـــع الـسـديــري بـالـعــلا بــــدل الــحــال=وحـــل القـضـايـا بـيــن شــيــخ ورعــيــه
وضــع حـــدوداً للقـبـايـل عـلــى الـجــال=حـســب الأوامـــر مـــن حـكـومـه عـلـيـه
نـــال الـثـقــه والـطـيــب والــعــز شــــلال=حـــتـــى تـــوجــــه عـــنــــد رب الــبــريـــه
ورحـنـا الـعـراق وشيخـهـا وإبــن هــذال=نـــارد عـلــى النـهـريـن شـــرب وخـويــه
شيـخـاً عـلـى كـبـر الصعـيـبـات حـــلال=وبــيــتـــه لــخــطـــاره جــنــوبـــه قـــويــــه
ورحــنــا دمــشــق وبـالـنــا يـمـهــا بــــال=وراحــوا بـهـا حـمــر الـطـواقـي ضـحـيـه
جــاهــم إبــــن شــعــلان يــــاوي خــيــال=أبـــــــا الــشــيـــوخ وزغـــرتــــي يـابــنــيــه
داسـوا علـى حمـر الطرابيـش الأشــوال=وصاحوا عليهم صيحـت(ن) شوشريـه
وإســتــرســـل الـطـيـاربـالـسـيـف بـــتــــال=وأجــلــى الفـرنـسـيـه عــلــى راس مــيــه
فـي ذبحـت(ن) يدريبهـا كــل مــن قــال=ويـــــلان يـاطــيــب الــفــعــل والـسـمــيــه
وصارعبهاإبـن سمـيـر والملـحـم أقــذال=وسـادوابــهــا الإثـنــيــن كـــــل الـنـحــيــه
بسـيـوفـهـم وأفـعـالـهـم مـابــهــا جـــــدال=طـاعــت لـهــم فـــوق الـرمــك والـعـبـيـه
وجوها آل مهيد وعقبوا روس الأشبال=أســــود كــانـــوا دولـــــت(ن) عـنـجـهـيـه
مـــــن فـعـلـهــم تـفـكـكــت كــــــل الأزوال=الـــــروم والــفـــرس وجـيــوشــاً ســـويـــه
وخـيـالــة الـعـرفــاء لــهــم دور مـــــازال=وأفـعــال إبـــن مــرشــد وربــعــه شـفـيــه
وهـذا العـواجـي مـقـدم الــروس مـامـال=تــاريـــخ تـشــهــد لـــــه قـبــايــل عـتــيــه
وساجرمن الشملان فارس وكـم صـال=يــــم الـشـمــال ووســــط نــجــد الـعـذيــه
والـمـرتـعــد صــيـــاح فـــــارس وهـــمـــال=ســـتـــر مـعــزبــتــه بـــدهــــن أجـــوديــــه
وسـعـران بــن مـجـلاد للطـيـب مـدهــال=مــدهـــال لـكــبــود الـــرجـــال الـضـمــيــه
وإبــن يـعـيـش وفعـلـهـم مـالــه أشـكــال=أهـــــل الـشـجـاعــه والـــكـــرم بــاذخــيــه
وبـجـايـده يــــوم الــكــرم غــــول غــــوال=أبــالــخــســايـــر مـــــدتــــــه حــاتـــمـــيـــه
ومنابـهـه فـــي شـعـلـة الـحــرب جـــلال=مـرويــن مـــن ذبـــح الـمـعــادي رويــــه
عـــد الفـقـيـر ومـــارد الـطـيـب خـلـخـال=وخـمـاعـلــه بـالــجــود ربــعـــن سـخــيــه
وإبــــن ظـويـهــر نــاقـــداً كـــــل فـنــجــال=غـــضـــاوره نـــعـــم الــيــديـــن الـمــلــيــه
ومـطــارفــه والــمـــدح مـثــنــي بـجــفــال=فــي وســط يــام أســس علـومـاً غـنـيـه
وســاكـــر دلالـــــه لـلـنـشـامـا بـمـكــيــال=خمشـه ودقــم خـشـوم الأعــداء ظـريـه
وعـبـادلـه وأشـاجـعــه تــهــدي الــضــال=وردو عـــــــدوداً مـــاوردهــــا الــكــمــيــه
مدحـت جـزء وجـزء بـاقـي عـلـى الـبـال=أســـــــــود مـاتـجـهــلــهــم الـصــيــرمــيــه
روح الوفاء عطر اللقاء طيب الإقبـال=تـاريـخـهــم بـالـطـيــب نــعـــم الـسـجـيــه
خاضـوا بحـور المـوت سـربـال سـربـال=هـــــذي قــصـــص والـسـالـفــه واقـعــيــه
كـــنـــا ولازلـــنــــا دول ذكـــرهــــا هـــــــال=الانـجـلــيــز أهــــــل الــنــوايـــا الـغــبــيــه
يـابـنـت مـاحــدك عـلــى الـهــرج طـبــال=وتوبـي تـرى بعـض السـوالـف شضـيـه
ما أسمح لمثلـك والحكـي بـرج الأقـوال=وعـــن نـفـسـي وربـعــي تــراهــا حـمـيــه
جتك العلـوم إجـزال مـن مصـدر إجـزال=وكــبـــي سـوالــيــف الـنــفــوس الـدنــيــه
قصـيـت لــك نـبـذه مــن الـجـال للـجـال=إقـــــري كـتــابــي يـالـهــنــوف الـشـقــيــه
حــنـــا نــعـــز رجـــــال ونـمــيــل عـــقـــال=إووقت الخطـاء ناطـاء علـى كـل هيـه
إنـزعـل المخـطـي ونـدمــح لـمــن عـــال=ولا يـجـيــكــم مــــــن طــرفــنـــا خــطــيـــه
إلا الخـطـاء يـرجـع عـلـى شـكـل زلــزال=مــــن فـعـلـنـا يـقـطــع جـمــيــع الـدلــيــه
الـــرس مايـشـبـه تـــرى الــعــد لــوطــال=والله خــلــق بـالــكــون رجـــــل وحـلــيــه
لسـانـك حصـانـك عـلــى كـــل الأحـــوال=يحـفـظـك مـــن ســـود الـلـيــال الـعـمـيـه
ولياجهـلـت إنـشـد مــن الـنــاس جـــوال=جــــوال فــــي تــاريــخ ربـــــع(ن) أبــيـــه
ليانـزلـوا فــي فيـضـت(ن) حــي مـنــزال=يـبــدلــون الـشــمــس بـالـطــيــب فـــيـــه
ولـيـاطـلـبـتـي حــــــق لــلــحــق عـــــــدال=وشــهـــادة الإثـنــيــن تــنــهــي قــضــيــه
الشاعـر/ سعـود فهـد خلـف الحـريـري
