همس القوافي
قصيدة ساعات العمر , خالد الفيصل
قصيدة ساعات العمر , خالد الفيصل
ليت عقل العود في سن الشبـاب
وحكمة الستيـن فـي عشرينهـا
كان ما جرَ القـدم درب العـذاب
وانتهزت ظروفهـا فـي حينهـا
وكان ما ضاعت دقايقهـا هبـاب
وكـل لحظـه أستغـل سنينهـا
كم تركت من الفرص واقفلت باب
بعتها واهـل الفـرص شارينهـا
وان نصحني ناصح أحسب حساب
قلـت يمـدي .. توَنـا بادينهـا
العمـر بـاوَل زمامـه لا تهـاب
والليـالي طـوال يـا سارينـهـا
ما هقيت إن الزمن مثل السـراب
والليالـي خيبـت راجينـهـا
أثر ساعات العمر مثل السحـاب
بالظلام تمـر مـا نـدري بهـا
