قصائد عن الصيف , شعر قصير عن فصل الصيف , خواطر جميلة عن الصيف , قصيدة عن الصيف والحر

متى على الله تنطفي جمرة الصيف
ويهب من صوب الشمال البرادِ
ونشوف بيض المزن بالجو تصافيف
وميض برقه مثل قدح الزنادِ
لا هلّ سيله بالحزوم المجافيف
أقعد جمال الارض عقب الرقادِ
وصار الثرى مابين حبران وطريف
زلٍّ مزخرف مثل صنع الايادي
هناك أبا استانس ويكمل لي الكيف
مع رفقتي يمشون غاية مرادي
لامن شكيت الهم قاموا مخافيف
ثم وجهوا صوب الشمال الشدادِ
يبون بالقطّار عالى المشاريف
وإلا ورى الحره بذيك الوهادِ
لامن جلسنا بين حمرٍ مقاييف
عقب العصر والليل أقبل يهادي
هبت علينا باردات الهفاهيف
عطره مخلط بين نبتٍ وكادي
الله إلى مدّت زوالٍ مناظيف
ثم صفف الولاّع حول الرمادِ
صفر الدلال اللي بها ناعم الليف
والتمر قِرّب توّ وقت الجدادِ
صفّوا ومدّوا ينتقون السواليف
سوالفٍ بالصيد ما هي دوادي
في مجلس ما عذبوه الملاقيف
ما غير ربعٍ مصفيين الودادِ
وقت الرخا ربعٍ كرام مواليف
وعند العسر يعجبك صبر المهادِ
يا مرّني عصرٍ جميل تقل طيف
شرقٍ عن المظهور باتْلى جمادي
عصرٍ مضى واليوم مثل الخذاريف
مازال يحرق لاذكرته فؤادي
حوّل على قلبي خفيفٍ كما الضيف
وروّح وانا أصوّت باثاره وأنادي
ما شاقني والله حسن التواصيف
ريمٍ بعيدٍ مزبنه ما يصادِ
لكن يكلفني من الشوق تكليف
شمة ذعاذيع الهوى بالبوادي
ولا اظن باسْلى لو تزود التعانيف
حب الخلا بالقلب قصرٍ مشادي

يامنيف جتنا مقبله عطلة الصيف ؛ ؛ والبوك فاضي مامعي كود فكه

والناس شدت عفشها والمصاريف ؛ ؛ تبغى تغير جوّها والمضكه

ناسٍ تبا باريس ناسٍ تبا جنيف ؛ ؛ والصنف الاخر جالسٍ فوق دكه

وناسٍ نوت بالشرق سجه وتكييف ؛ ؛عند البراد ولاغشى القلب شكه

ناسٍ تذوق البيف من طبخة الشيف؛ ؛ وناس يدك كبودها الرز دكه

وانته وانا يامنيف من غير تكليف؛ ؛عفنا من الظهران حاره وسكه

نبغى نغير جوّنا بالمصاييف ؛ ؛ مير الدراهم صابت القلب وعكه

الحظ الاقشر في حياتي كما الضيف؛ ؛ لاقلت روّح قال ماعنك فكه

وادلّه النفس الحزينه على السيف؛ ؛والا على البيلوت تقزير صكه

ماقول ليت ان الليالي على الكيف ؛ ؛ يسعد بها رجلٍ بخافيه لكه

وان كان تبغى العلم ياخوك يامنيف؛ ؛ عمره في بيت الله في دار مكه

اخير من باريس واطيب من جنيف ؛ ؛ تبري عنا نفسٍ من الوقت ضنكه

ياللي مصيفك بين باريس وجنيف *** جلك على ذيك الير وش جذبها

وفر على جيبك كثير المصاريف *** والنفس ريحها وخــــفــف تعبها

وانص المصيف اللي على غاية الكيف *** بالحال حول حجز رحلتك لابها
يقول الشاعر :

كل ما حل وقت الصيف جاني بلاي *** ينتحي سيد حبي واتعذب عليه

اما طلال السعيد فيقول :

حان وقت السفر والعين عيت تنام *** ول يالصيف كم فرق حبيب وحبيب

ويقول احد الشعراء ممن لا يستطيع الفر للمصيف :

قالت بصيف بين لندن ومدريد *** ونته حبيبي وين ودك تصيف

قلت اتركيني للحزن والتناهيد *** الله يخلي غرفتي والمكيف

وفي ذلك يقول الشاعر

سقوى الى جت نقضة الحر بالصيف *** وابعد ثرى نقعه وكنت مزونه

ويقول اخر

بالربيع وكل بيت بله مكاني ***واتحرى الصيف يجمعهم عليه

نكتفي بهذه المقتطفات مما قاله الشعراء في فصل الصيف