شعر مدح المرأة السعودية , اشعار اعتزاز وفخر عن المرأة السعودية , قصائد عن بنات السعودية
النساء نصف الحياة إلا النساء كل الحياة
آه يا اسرار الخوات .. آه يا احلام البنات ..
آه يا الطيش الطفولي آه يا الحزن الشفيف ..
آه يالعشق العفيف .. آه يالجنس اللطيف
علمن حتى المرايا والشبابيك اللغات ..
والرسايل والدواة .. صارت اعذب مفردات ..
كم بكن وانكف مبصر .. وضحكن وابصر كفيف
وارمشن واهتز سف .. وهمسن وامتد ريف
كم غدن لأخونهن عزوة صناديد عصاة ..
بين صفق المرهفات .. وبين ضبح العاديات
طاحت اشناب وكراسي و وانطلق دمع ونزيف ..
واعتلى الخف المنيف .. والمقابر تستضيف
النساء ضلع عوج لولاه كل العدل مات ..
ما لهن عن فوات .. ولا لنا عنهن غناة
تبرق الدنيا على يديهن.. ويغرينا القنيف ..
نطمع بتكريم ضيف .. ونوقف بيوم عصيف
النساء موج على بحره منايا و امنيات ..
والنساء مركب نجاة .. نسأل الله الثبات
هن لباس وهن فراش .. وهن معاش وهن رغيف
ان فتك جوع مخيف و ان حد الرجال حيف
النساء حتى شراب الجنة العذب الفرات ..
تحت ماطي الأمهات .. يالهن من مكرمات
كل ماعود من الكد اقبل ابن آدم ضعيف ..
له ورى البيبان طيف .. مثل نسناس المصيف
في بلادي يحسبون ان النساء متخلفات ..
في المساء مستوطنات .. وفي الضحى مستعمرات
مادروا عن هـ البيارق .. شمخ العرض النظيف ..
فزعة الدين الحنيف .. شجرة العز الكثيف
غادة وسجادة وكفين وحجاب وصلاة ..
من صبايا محصنات .. من عروق طيبات
اطهر من الفين منظر كلها فتنه وزيف ..
في رجاء الصبح الكسيف .. واجرة الليل السخيف
كم مكان يعرض اعراض آنسات وسيدات
والهوى له بايعات .. والغلاف وله فتاة
والحسن تشبير عنق وطول وخصر نحيف ..
وش ماينشاف شيف .. لأجل الأول والوصيف
شهب تشابه رسوم الشاشة المتحركات ..
ما لزمتهن طراة .. ولا لهن ملح وحلاة
لا ربيع فيه خير ولا به إلا بروق صيف ..
والشتاء ما به رفيف .. يحي اوراق الخريف
لي مناحل لي خلايا كلها سكر نبات
لي حصون ناعمات .. لي غصون شامخات
لي قوارير ملاها العقل والدم الخفيف ..
خلفها العمر الكليف .. ودونها الحد الرهيف
يا زمن وش جاب حلوى غلفوها بالعباة ..
جنب حلوى للمشاة .. وللغبار وللشتات
شف بدل ماهي لواحد صارت لجمع لفيف كيف ؟
أنا اخبرك كيف شوفها فوق الرصيف
يقولون العرب صوت البنية يذبح الرجال
وانا اقول البلا بالصوت ألا يلعن ابو حية
ترى قولة آآلو منها تسوي داخلي زلزال
خصوصا لا طلعت قولة “آآآآلو” من سعوديه
اذوب ان قالت شلونك .. عساك بخير …كيف الحال؟
واضيع اسم جداني اليا قالت شماليه
حلاها شي مو عادي وميزتها …وسيعة بال
هواها يذبح العاشق ..وفيها الشمس و الفيه
واذا قالت انا من نجد .. صدقني يجيني هبال
وانا أدري ان الحلا نجدي ..وساس الزين نجدية
ابثني خطوتي للزين.. وبطوي في لقاه أميال
وينبض قلبي بسرعة ليا قالت حجازية
خفيف دمها سكر …عليها من الوصوف اشكال
تحير من يوصفها …لأنها غير عادية
واقوم ألعب على طروق الشعر ..وآجر لي موال
على ألحان الجنوب.. أن قالت بنية جنوبية
رقيقة كنها النسمه ..جمال وحسن عال العال
وهي اصل الشقا والطب… لقلوب الشقاوية
وأجوب الساحل الشرقي.. واغني للبحر يامال
وأردد ياهوى بالي ..إذا قالت لي شرقية
دلعها غير عن كل البنات.. وتشهد الأمثال
وتكتبتها القصائد ..ثم تغنيها الغناوية
وأنا لممن سئلتوني..؟ ترى عشقي ثرى ورمال
واموت واحياء على عشقي ..وأنا أحب السعودية
