شعر مدح العم , اشعار عن عمي , صور وعبارات عن بنات عمي , قصائد فخر عن عمامي
هذه قصيده تبين قيمة العم ورد ايضا على احد الابيات والذي تقلل من قيمة العم وترفع قيمة الخال اكثر من العم والبيت هو :
(( الصبي ان طاب طيبه من خواله وان تردى فاعرف انهم خايبيني ))
…………….
وهذا هو الرد بقصيده :
يالله اللي خالق الخلق وآجاله000ومحصي الانام أحيا وبايديني
ربنا راعي المهابه والــعـداله000دون شوف وكلنا له عابديني
حظ منو لا دعاة الله وساله000فايز في مسلكه دنيا وديني
بابدع من القول هرج له دلاله000ناس ترضى به ويزعل الاخريني
لكن ان الحق لاجا الباطل وشاله000ما عليه من الحكي زين وشيني
ما نشد من كلمة قيلت جهاله000شرع ربي ما يحرفه جاهليني
جاهل بدل من الرحم ووصاله000وقال له قول يشوق القاطعيني
قال طيب فلان من طيبه خواله000وان تردى فاعرف انهم خايبيني
باطل سلمه ومخطي في مقاله000كلمته لاهيب حق ولايقيني
راينا في الحق ما نرضى بداله000الردى والطيب من ساس العريني
كان راعي البيت اوصى بالجماله000وللولد صار الموجه والعويني
وغارس طيب المراجل في عياله000يبشر انه بين خطلان اليديني
وان تركهم للمره عزي لحاله000ابعدتهم عنه صوب الريفيني
صوب منهو من الفراغه صار خاله000وان لزم به الامر وجهه ما يبيني
خاله من ايران ولا من صلاله000 او بعد من ديرة ترطن رطيني
لاتلوم الخال ما حالك بحاله000وارتبط في العم بالحبل المتيني
اوصل بخالك وخل الطيب فاله000بس ما هوب السند في الحاجتيني
الاوله في الغرم ما مالك بماله000وفي المثار يجوز يالرجل الفطيني
كلها للي المحبه والولاله000في الشدايد عمنا قضاي ديني
لازم يلزم ولو كانه لحاله000ناقل حمله على العسرى وليني
الولاء للعم ولغيره هباله000هو شريك الدم والحد السنيني
حالتك حاله ومالك ماله000والقدر له ما تكفيه السميني
هيبتك هيبته وخصالك خصاله000وانت وعياله معا متكاتفيني
مقصر في العم يبشر بالخجاله000اترك اللي في العمام مقصريني
والختم باقول يا صبي الشكاله000اختر من الطريق درب الغانميني
واحفظ لدينك واده في كماله000ولا تصير من الشباب الغافليني
والصلاة اتم لمحمد واله 000عد خلق الله حيا وبايديني
فديت بنت عمي
اللي دمها من دمي
اشيل همها وتشيل همي
ياجعلها دوم تبقالي
ذكيه و ذوق معروفه فيها الأدب
عاليه المقام اصيله في النسب
متربيه على الصدق وتكره الكذب
الدين وخوف الله لها مبداء
بصدق وصراحه يضيع الكلام
مهما اقول في اصل الطهاره بنت الكرام
اخاف ماوفيها وهذا ظلم وحرام
لنها غير عن الغير تتميز
تهمني كثير لنها كنزي ومكسبي
انتي اثمن واغل شي امسكته يدي
انتي فوق كل الوصف ياغايتي ومقصدي
مالك شبيه من اليوم حتى عهد النبي
هذا كلام الصدق نابع من كل وجدان
على ذكر الرجال اللي من الطيبه لها عنوان
وعلى ذكر الرجال اللي تنومسنا طواريها
لفيت اكتب حروف المدح واحيي ليلة القيفان
على مدحك يابو صالح ارتبها واغنيها
لفيت بداخلي مدحي ودعاني للشعر انسان
عجزنا نوفي بدينه وذمتنا نبريها
دروب المرجله قالت انا وانته غدينا اخوان
وخوة مثلك من الناس والله نفتخر فيها
تكفينا مسيرتكم غدت للمرجله عنوان
مسيرة شيخ نكتبها بحاضرها وماضيها
وانا ماقولها باسمي بإسم اولاد بن تمام
سباع الكون ولاثارت علينا مانخليها
وهذا اسمنا في دفتر التاريخ من ازمااان
رجال وحاجتن نبغي نسويها نسويها
ويكفيني يابو صالح نسبنا داخل الميدان
بني تمام وياويله بني ادم طمع فيها
سفينتنا لها ياسيدي طبع الكرم ربااان
وعلى بحر الشهامه واضحه داخل شواطيها
رسمنا للفخر صوره وسيرتنا مطر هتان
تجف الارض وسيرتنا طويل العمر ترويها
وانا ماقول غير الله يديم الود والعرفان
ودروب المرجله تبقى تسايارنا خطاويها
قصيده جيت ابكتبها لها حصر الغلا عنوان
على ذكرك يابو صالح ارتبها واغنيها
