ديوان الشاعر عبدالله بن شايق القحطاني رحمه الله
ديوان الشاعر عبدالله بن شايق القحطاني رحمه الله
ديوان / الشاعر عبدالله بن شايق
هذا يعتبر ديوان صغير لشاعر عبدالله بن شايق يوجد مجموعة من القصائد الجميله لشاعر
انا أحسب حساب الكل ماحب الأستبساط = ولا أداني أهل الكبر والبخر والتقنيط
لاكن حظي مال وجهي معه مقلاط = وأنا ظالمة في ذا الأمتحانات بالتسقيط
فرشت له ذهب ثم ورد ثم زل ثم بساط = ولاشاف مني غير الأهمال والتفريط
أضيع عمل حظي بالإهمال والإحباط = تأبطت منه وقال ماينفع التأبيط
خسرت النتيجة واللقاء من ثلاث أشواط = ولاعاد ينفع دورت مستوى التنشيط
وخسرت الدبل والفرق كله ثلاث أبناط = ولاعاد لي خطة ولاعادلي تخطيط
ربطني هواء خلي رباط وراه رباط = وأنا حالف ماجفاه لوراح جسمي خيط
ولا أنساه لين طريف ينزل بجنب الغاط = وبغداد يصبح في ظواحي خميس مشيط
وأذا ماحصلي قربوا طلقت المخباط = أموت وتروح الروح جعله مراح مقيط
وإلا عطوني جركل القاز والمشخاط = وخلي عليه الصبر والقبر والتحنيط
حبيبي فريقاً يصدر أمره على الضباط = عطاه الله السلطة وسلط على تسليط
لقيته صلاة العصر داخل على الخياط = على الحجتين مشط قذلته تمشيط
تعال أكتب أسمة داخل القلب ياخطاط = تبصر ودقق وأنقشة وأضبطة تضبيط
ألاجواد واجـد والمراجـل لهـا كسـاب= لكن واعد العشـرة ليـا صـرت جمالـي
يطير الشـرار وكـل نـارٍ لهـا شبـاب = ومن ولع النيران يصبـر علـى الصالـي
تجارب حياتي معجـزة وادروب أصعـاب = ولقيت الرجال انـواع والـوان وشكالـي
صديق الشدايد ما خذا منك علـم وجـاب = وسيع الصدر يضحـك ولا هـو بزعالـي
صديـق الشدايـد لا ينافـق ولا يغتـاب = يدلـه غريـب الـدار ويزيـن الجـالـي
وصديق الرخى عقاب ومصادقـه عقـاب = شجاع الحكي والمـدح بالقيـل والقالـي
وصديق الرخى ما غير صورة ولبس ثياب = يا ليته يبرقـع مالـه شمـاغ وعقالـي
وعنـدي نصيحـه جـد ماقلتهـا لعـاب = أقول الصحيح ونايـم القلـب يصحالـي
ترا خوة أهل الطيـب يالطيبيـن أطبـاب = يطيـب السقيـم وخـوة الاش سـلالـي
تغانم شبابك يا بيض الوجه دامك شـاب = ترى البدر لو يطلع قمـر عـود أهلالـي
فلا تهجر المسجد وخلـك ورى المحـراب = ترى روضة المسجد لهـا منـزلٍ عالـي
ولا تترك اللي يزهمـك خايـفٍ مرتـاب = ترى الذل ما نجـى الثعـل بـا لتحيالـي
ولا لندى غير الفدى لـو تـروح أرقـاب = ومن ضاع شوره يا خذ الشـور ويمالـي
ومن با شـرك بالعـذر لاتلحقـه بعتـاب = ولا تشوف نفسك شيخ والنـاس عمالـي
ولا تهين نفسك لو تجي بين ضرس وناب = وهيبتك لا تنقـص ولـو ربـع مثقالـي
وبنت الردي لا يعجبـك زينهـا الجـذاب = تراهـا كمـا المخيـال خيـل وتخيالـي
ولو شفت حمر خدودها وثمـان أعـذاب = لا بدك تمنى ليـت مـا جالـك أعيالـي
ولدها لا ياشاف النقـى والملاقـى هـاب = ذليـلٍ بخيـلٍ فيـه خفخـاف وجفـالـي
أخذ بنت قرمٍ طيـبٍ ساسهـا مـا عـاب = تنومسك بنت الشبـل ويجيلـك أشبالـي
أعيال الذياب تصير مثل الذيـاب أذيـاب = وعيال الثعالـب مثلهـا زهـر الاذيالـي
وفرخ الصقر مثله وفرخ الغـراب غـراب = وبوم الخـراب ايقابـل العـش ويلالـي
الي صار راسك فوق يا طيـب الا نسـاب = فـلا ينحنـي لقـدام رجليـن ونعـالـي
لكن الله اللي يكتب الـرزق يـا خطـاب = هو اللي يفك البـاب ويقـص الا قفالـي
ولا يهمـل الا واحـدٍِ عايـفٍ الاشبـاب = ولا ضيع أحقوق البشر غيـر الا همالـي
وترى للقصايد كيف والكيف لـه شـراب = وانا ما مشرب الا كيف راسـي بفنجالـي
ولا طاوع الجاهـل ولا جامـل النصـاب = أقـدم يميـن الحـق واحـط معـذالـي
ولا نيب و الله طيبن له مـع مـن طـاب = ومن طاب لي برخص له الحال والمالـي
أكذب وانا خابـر واجامـل وانـا كـذاب = سنين مضت هـي صـدق والا يورالـي
تلخبط جهاز المخ وانهـارت الاعصـاب = وفورت دمـي وارتفـع ضغطـه العالـي
لكن في رجى اللي من رجى رحمته ماخاب = هو الواحـد العالـي وهـو ربناالوالـي
وهو الخالق الرازق وهو المعطي الوهاب = لـه الملـك كلـه والكمايـل والاكمالـي
رئوفٍ رئيـفٍ رحمتـه تنقـذ المنصـاب = يغيث الديـار الممحلـه عقـب المحالـي
شديد العقاب ويعتق المذنب اللـي تـاب = عسى مـا يوخذنـا بسيـات الاعمالـي
كما قالـه الله فصبـروا يأولـي الالبـاب = ترى الصبر زين وكلمـة الحـق تنقالـي
واصلي واسلم عد مـا تنبـت الاعشـاب = وما لاح بـراقٍ سـرى يشعـل أشعالـي
على المصطفى اللي وحد الدين والاحزاب = شفيع أمتـه يـوم الهوايـل والاهوالـي
آه من جرحاً بقلبي عطيب = يوم قالو لي حبيبك رحل
هل دمعي فوق خدي صبيب = سيل الوديان واسقى الهمل
فاضت الفيضة وفاض الشعيب = سالت الرمله وسال الجبل
من يجيب أخبار ذاك الحبيب = ولا وين ولا فين حل ونزل
من فراقه عشت عيشة غريب = ليت عرف حبيبي ما حصل
جيب ياصدري من الصوت جيب = تو ما زان اللحن والمثل
حط نبذة على قاف(ن) عجيب = صور اللي بالجمال أكتمل
أدعجاً بالوصف شكله غريب = في هدب عينه يبين الخجل
من مشاله فيه حظ ونصيب = اشهد انه ذاق شهر العســل
ابكتب على خدك عباره وذكريات = هدب عينك الريشه وحبري من دموعي
لك خدتين وشفةٍ من نظرها مات = ولك مبسمٍ سهر الهوى فيه مزروعي
ولك هيبةٍ منها المطوع نسى الايات = ولك سلطةٍ من حكمها يسلم الشيوعي
ردايف وصدر وكتف ومعنق الهيهات = عنق الغزال اللي من القفر مصيوعي
ولك عين ترسم نظرةٍ ترسل القوات = صناعات وسلاح من الموت مصنوعي
صواريخ طيارات عسكر ودبابات = بركسات وافراد وطوابير وجموعي
تسيدت وانت السيد يا سيد السادات = اصور طبق الاصل بالشكل والنوعي
قمر شمس لمبة غاز واصفى من اللمبات = رفيع النسب عندك تقاليد وطبوعي
تحير دقيق الوصف وتسبب الآفات = طويلٍ قصير دقاق مليان مربوعي
من المستحيل انساك وانت الأمل بالذات = خطيتك تدمح والغلط منك مرجوعي
اشاهدك سبع سنين عندي سبع ساعات = وسبع الدقايق عقبكم عندي اسبوعي
احبك ولا اسمع فيك عاذل ولا شمات = واقدرك واعزك ولو انك دلوعي
ترا بالهوى جنه وللحب تأثيرات = مقسم على جزئين مرئي ومسموعي
منامي هني لين اتذكر زمان فات = يبين الشفق وانا عن النوم ممنوعي
تمر السنه ما نمت كني مخزن قات = ياليتك تسوي خير تنظر بموضوعي
وهذي قصيده بن شايق في خوياه عبيده ،،
انا البارحه يا طول ليلي غدا ليلين = تبين شعاع الشمس ما ارتحت للرقادي
اعد النجوم الساريه والعرب ممسين = واعد الاسامي وارفع الصوت وانادي
ابتعبك يا فكري مع الصوت والتلحين = اجاوب حمام الورق واشدي مع الشادي
سرا النوم من عيني مع هجعة السالين = وصارت هجوس القلب سرداد مردادي
هواجيس وافكارٍ تشيب برمش العين = تخليني اقصد لو ماني بقصادي
ولولا الحيا هليت دمعي على الخدين = وبكيت الرجال اللي لهم جد و امجادي
ابا ابكي عليهم داري ان الدهر يومين = وللعمر عند الله نهايه وميعادي
وببكي عليهم جعلهم كلهم حيين = عسا الله يعديهم خطر كل حسادي
وانا ما بكيت الا على ربعي الغالين = و لاني بحسب حساب عاذل ونقادي
اقوله و انا ماعشت بين العرب مسكين = انا ابخس بمصداري و انا ابخس بميرادي
ولا اهين نفسي لو على السيف ابو حدين = اموت بشرف لعيون مركوز الانهادي
وارد الوفا مطبوق والصاع بالصاعين = ومن لا نشد عني ماني عنه نشادي
معي ذاكره واحس و الوصل قطعه شين = و لاخير باللي للمعاريف جحادي
انا اقول يا قلبي تصبر الى بعدين = برجوى الكريم اللي له العبد عبادي
متى الوضع يتحسن متى يدخل التحسين = متى نجتمع لو صدفةٍ دون ميعادي
على الله متى بنقول هيا بنا ذالحين = اسج القدم مع عزوتي عقب مقعادي
اسجل عدد رحلاتنا كلها واقين = ولا فيه يومٍ مرنا قلت لا عادي
وقمت اتمنى و اطلب الله و اقول امين = يعودك يا عيد اربعه وتسعين ميلادي
نهار الاحد واحد و الاثنين يوم اثنين = و يوم الثلاثا ثلاثه ايام الاعيادي
مع الاربعاء عيد رمضان اربع وتسعين = تذكرت فيها خوة الربع الاجوادي
مسكنا طريقٍ بره الساعه الثنتين = على ست سيارات و الخط منقادي
تجاه الشمال الله اعلم ميه وسبعين = ورا تمير دون الشعب في فيضة الوادي
نزلنا صلاة العصر ديره وجوٍ زين = عز الله لقينا ديرةٍ جوها هادي
و انا بين ربعٍ كلهم بالوفا وافين = وجيه قحطان ونعم بذولاك الاولادي
شيوخٍ من ادنى كل ابوهم يمين يمين = ثلاثة عشر رجال رقمٍ وعدادي
سلامي عليهم عد غرس النخل والتين = وعدد ما جنا حب الثمر كل حصادي
وسلامي عليهم عد من يسكنون الصين = و ما باع وارد موسكو وسط بغدادي
و سلامي عليهم عد من ينطقون السين = و نطق العرب للغين والصاد و الضادي
وسلامي عليهم عد من بيع بالتثمين = و ما بثه التلفاز و اعلن به الرادي
و سلامي عليهم عد ساس الحجر و الطين = سلامٍ عطوره غرشة المسك و الكادي
عدد من عرف ماجد ودييجو الارجنتين = و عدد ما صرف مدربه ريس النادي
حقيقه ثلاثه ايام تسوا ثلاث سنين = لها جلسةٍ تغني عن الشرب و الزادي
مقيمين مرتاحين سالين و متسلين = سوالف و شبة ضو يندلها الغادي
صماليل سمرٍ نورها يجذب السارين = على جالها مدخن ودله وبرادي
ومن مرنا قلنا هلا مرحبا واهلين = تفضل و هذا سلمنا سلم الاجدادي
قحاطين مذكورين بالاصل مشهورين = و بالفعل نعرف يومها حرب وجهادي
سلاطين عنتر نجد منا ومعروفين = وشيخ المشايخ شيخنا سم الأكبادي
لنا يشهد ابن حميد و الشيخ ابن حثلين = و كلٍ عرف ذيب ابن شالح و ابن هادي
نعم و القبايل مثلنا و العرب دارين = احد ثور و احدٍ مثل عنتر وشدادي
و ركزنا النصع قدام نمشي و حن عجلين = ومن صاد قلنا له كفو عاش من صادي
عام الفيـن وثلاثـه واربعـه عطنـي يديـك
ياحبيبٍ صار حبك في هـواي اخـر موديـل
بس قبل تموت فيني صـح ولا امـوت فيـك
خـذ شروطـي فالمحبـه لا توهـق ياجميـل
شرطـي الاول سـؤال موجهـه منـي اليـك
فالبدايـه هـل تحملنـي تـرى دمـي ثقيـل
وشرطي الثاني ما ابيك تحط مع حبي شريـك
والعهـد والله مـا ادوّر فيـك يالغالـي بديـل
وشرطي الثالث ما ابيك تشوف نفسك بل ابيـك
شخص متواضع ولو بالزين مـا مثلـك مثيـل
وشرطي الرابع نواصـل ترتجينـي وارتجيـك
فالحياه ان كـان ربـي مدنـا عمـرٍ طويـل
وشرطي الخامس وعدنا يحترينـي واحتريـك
بالامـانـه والميـانـه فالكثـيـر وفالقلـيـل
وشرطي السادس لا تسمع هرج ذاك وهرج ذيك
ولا خلك مع حبايب قـوم قـال وقـوم قيـل
وشرطي السابع اذا ردتني ظروفي مـا اجيـك
لا تشـك ولا تعاتبنـي تـراي اوفـى خليـل
بعد هـاذي كلهـا بالـروح والعمـر اشتريـك
لا جل نضرب اروع الامثال جيلٍ بعـد جيـل
بس لو ازعل عليك اموت ما ارضـى عليـك
انـا لا قفيـت يالغالـي رجوعـي مستحيـل
ويقول عبدالله
معاد منها شي بينت مخفيه .. مليت اجامل والدموع افضحتني
غصبن علي ابكي ليا حل طاريه .. تظهر دموع العين ما شاورتني
…………………
من يوم دربي خالفه سير دربك …. وغيرت طبعك ونظراااتك وممشااااك
لاتحسبن الزيــن يــازين . قربــك … الزين والله ياريــش العــين فرقااك
……………
حبيبي ترا الخط المباشر عليه ازعاج = لكن مبغي الا اسمك ورقمك وعنوانك
ولو يجون خلق الله معك فى الطريق افواج = مايسون عندي رمش عينك وحجانك
عطاك الكريم احلا عيون وخشم وحجاج = وحمر الشفايا موت والسحر فى لسانك
وجسمن رقيق وارق والين من الديباج = اتصدق عليك اغار حتى من اخوانك
وخدن عطاه الله بياضن بلااا مكياااج = وهبته جمال الحور يارب سبحااانك
وترا القلب جوالن جهازه يجيب ابراج = ثلااثين برج وكلبوها من اسنااانك
والله العظيم انك حبيبي ولا يحتاج = ولا اقدر على صدك وبعدك وهجرانك
تحمل على شاني لجل موقف الاحراج = مثل ما تحملت المشاكل على شانك
حبيبي تراني ما تحمل افراقك يوم = لكن الخطا خلاني انساك بالمره
لو العين عقبك ماعناها لذيذ النوم = اجامل وانا كبدي من الشوق محتره
معنك قمر والناس عندي بعدك انجوم = خذاك الغرور وتحسب الناس مغتره
وانا رجل لي كلمه وراي وخبر وعزوم = ولا اطرد ورا المقفي ولا امشى على الجره
ادوس الخطر وانجا واغوص البحر واعوم = اخوض البحور السبع واطلع الدره
حبيبي حرام اتروح ذيك الليالي احلوم = و اذا عيشتك حلوه ترا عيشتي مره
فراق(ن)حل ماله حل حله مستحيل يحال= بحلت بحالتي ياحيلت الله يا قوي الحيل
ليا طال الطويل وطالت المدة وصبري طال= طلب ت الله يا لله الفرج عجل بلا تأجيل
تهل الدمع عيني هل هملولن من الهمال =ليا هلت هماليله على الوادي وسال السيل
ألا وجول قلبي جول جولن جال ثم أنجال =اجل وش عاد يالمجمول جل مجملك تجميل
جمالك يا جميل أجمل جمال مر بالأجيال =قهرت الجيل كله يا مليك أجمل جمال الجيل
تعال آهلا وسهلا يا هلال هل عقب هلال =هلا بك عد حب الهيل والتسبيح والتهليل
أقوله قول قايل صح ماهو قول قيل وقال =مقال اليوم أقوله ماتقول مثل قال وقيل
ألا يا عاذلي عذلك كفى تعذل وأنا عذال= أعذلك ياعذولي كف عذلك واترك التعذيل .
أبرحل رحلتين مرحلتها تتعب الرحال =وبحل بمحل محتمل حلا بلا ترحيل
غريب(ن)غربلتني غربتي يا غربه الغربال =غليل (ن)غلني غرو غلاه الغل والتغليل
تزلزل الأرض ويزل القدم من هزه الزلزال =ولا زلت استزل من الزلل وازعل من التزليل
هدف مجهول أخاف اجهل جهالة جاهل الجهال =أجامل وأتجاهل واجحد الجهال والتجهيل
الموضوع الأصلي: ديوان / الشاعر عبدالله بن شايق || الكاتب: ابن عذبه ||
