اشعار عن النذل والنذالة ، خواطر قصيرة عن الانانية والانذال
أكبرغلط سـرك للانـذال تبديه
وتصاحب الخاين قليـل المـروه
وتسوي المعروف في غير راعيه
وتجامل الغلطان وتقـول خـوه
وتشره على اللي مايعرف المشاريه
ويلقا على سبـك طريق المفـوه
وتبع المقفي نقص لو كـان تغليـه
تونس غلاه بسـرة القلـب جـوه
واكبر خطأ راع الجهاله تلاغيـه
بنفس الكـلام اللـي تفـوه تفـوه
وتلعب على الحبلين والحق تخفيـه
وعلى نظيف القلب تقـدر تمـوه
ونفس الكلام اللي تجيبـه توديـه
ولسمعـة الاجـواد تقعـد تشـوه
وتعجبك قوة سلطة الجـاه وتيـه
وتقول انا اللي منزلي فـي علـوه
أعلم تراك انسان وظعيف ياهيـه
ماغير قـوة خالـق الكـون قـوه
هذي نصيحة من تحكمـه مباديـه
من المجتمع ماراق بالـه وجـوه
ولاقول كل المجتمع ماذكّـر فيـه
الناس فيهم مـن براسـه حمـوه
خصيت فيها اللي عريبه مجانيـه
ومن باب حبي له وبـاب الأخـوه
أنت استلمت رسالة الؤد قول أيـه
الله يجنبـك المنـافـق وســوه
إذا إتعضت أشكرك هذا اللي ابيـه
وإذا جهلت اللـي يناسبـك سـوه
ولاني وكيل أدم على أخطأ ذراريه
حبيت أحذر عن بعضهـا وأنـوه
____________
ترفّعت عن رجا الأنذال همّتنا
ولو دهتنا الليالي ما أهمّتنا
وصروف الايام لو بالشر أَمّتنا
لا تعتقدنا نذلَّ لها ولو متنا
شعارنا الصبرُ والتفويض شيمتنا
ياما حلا المسرى بعيد عن الأنذال
في ليلتن يطربلها كل ساري
مسرا مع الفج الخلا عز وجلال
متشطرن ماخضت في عرض غاري
على خطات مشومرن يقطع اللال
تدفن مداهيله هبوب الذوراي
أجمع من البل عشر وتصير وبال
وأختر فحلها مع جنبها يباري
البل لها في مهجت القلب منزال
منايح القصار سفن الصحاري
مراجلن يشقابها كل رجال
أفلاس بايعها نواميس شاري
يكفيك ابن هندي ومسلط وهذال
ومن شمر العاصي وبرغش وضاري
لقيت في الوحده سكون وسعت بال
بعيد ماعندي من الهم طاري
ارجع الذكرا على روس الاجذال
وأمرح خلا بين الحجل والقماري
ماهمني جمع المرابي للاموال
عزيز لو امسيت جيعان عاري
ياصاحبي راسي من الفكر منداش
قامت عواصيف الطواري تسوقه
احاول ابَعّد عنه عنا الفكر وانحاش
أطرد سرابٍ ماحصل لي لحوقه
ولاشفت في دنياي مايبرد الجاش
تعبت من وقتٍ توسع فتوقه
الله من صبرٍ صبرته على ماش
ولا كل من يصبر يحصل حقوقه
البوم صار اليوم سعره ورى الكاش
والحر الاشقر خرب الوقت سوقه
حتى الثعالب قامت اليوم تهتاش
والذيب جنب والعشاء مايذوقه
هذا زمانٍ فيه الانذال تعتاش
واخس خلق الله يلحس شدوقه
هذا زمان الخبل والهيس والاش
والا الكفو صار الزمن ذا يسوقه
وياطول صبري بين حاقد وغشاش
ناسٍ على عرض المقفي شفوقه
أنت الخوي اللي على الهيب رشاش
نعم الرفيق اللي يعدّه رفيقه
لو ينفرش قلبي لك القلب مفراش
تجلس بوسطه والخدم حولك عروقه
إن كنت تنشد يارفيقي .. عن الحال
مالي على .. كتمانها عنك .. حيله
الصبر عن بوح الاحاسيس .. قتال
والبوح في بعض المواقف ، فشيله
لو كل مايطري على البال ينقال
ماكان شفت ان الثقيله …. ثقيله
ابطيت اكافح ضيقة البال بالبال
. وادفع بلاء .. هاجوسها كل .. ليله
لين اقبلت مثل .. السحابه بهمال
تشفي غليل اللي .. تزايد غليله
طاحت ، ولاْوفق من حناياك منزال
وابطلبك .. يابدر ( تكمى ) المخيله
ان قيل ترعد .. قلهم : صوت زلزال
وان قيل تبرق .. شف لها ادناة حيله
مابي .. تناقلها هل القيل والقال
.. وتصير من بعد القصيره .. طويله
يابدر .. ماني عال .. لو صحتي عال
.. شفني من الصدمات نفسي عليله
اشيل حملٍ .. لو يشيلنه .. جبال
.. الله ، وامانه .. غير تصبح نثيله
أرمي .. من هموم الزمن .. واسحب أدبال
وانزل عن ( الجوكر ) وغيري يشيله
من كثر ماشفت بحياتي من انذال ….!!
.. بديت اشك ان النذاله … فضيله
ماطاح من عيني رجل ..!! طاحوا .. رجال
ورجال ( يابن حنيف ) ماهي قليله
اقرب من اللي قالهم ضمن ماقال .. :
راكان بن حثلين .. راعي الجزيله
( هذا .. ولد عمٍ ، وهذا .. ولد خال
وهذا .. رفيقٍ مالقينا .. بديله )
سبحان منهو يابدر غيّر الحال ..!!
. .. وحط الجفا بين الخليل .. وخليله
هذا الزمن يبغاله .. لسان دلاّل .. !
من يستحي هالوقت .. واعزتي له
وقتٍ به ( الراعي ) غدى .. راعي دلال
كلٍ على طاريه .. ينفض شليله ..!!
ومن كان ساسه للردى مضرب امثال
اليوم .. يحسب من كبار القبيله ..!!
المال .. يابن حنيف ملعون .. ابو المال
// .. ذل العزيز .. وعز .. ناسٍ ذليله …!!
لا اعرف قائلها لكنها درر وحكم
….
المراوغ والنذاله
ما مع الانسان غير اللي معاه
والله اللي كل خلقه تسأله
ياخذ ويعطي ونطلب من عطاه
وابرك بداية للكلام البسمله
يا ملوك الجن يالجن العصاه
من عصاه نهايته في مقتله
يحتويني حب تعظيم الاله
لا أمرني قلت أبشر وازهله
النجوم معلقه باعلى سماه
عارف اللي كل خلقه تجهله
يالله المعبود ما عدل ٍ سواه
خالق الانسان خلقه مذهله
تغفر ذنوبي وتبعدني الوشاه
يا طليع بكل ذنب ٍ نفعله
ساتر اللي ضايع ٍ ساتر عراه
من يخافه من عباده وكله
يا شموخ ٍ ضيع العزه وراه
ما معه غير يتأخر مرحله
لي خوي ٍ خوته ما هيب هاه
اقدم على فعل الغلط واستعجله
وإن عطيته ما عطيته ما كفاه
فيلسوف يحب لف المسأله
كل درب يناقض العزه مشاه
المراوغ والنذاله مدهله
حط يمناه بيمين اللي شراه
ما وفا له بار فيه وبدله
من عرفته ما طعنته في قفاه
آتحاشى ما اغثه وازعله
