ابيات شعر عن حب القهوة , قصيدة عن عشق القهوة , اجمل الاشعار عن رائحة القهوة
ويقول الشاعر محمد بن عبدالعزيز القحطاني وهو يوصي ابنه
يابو محمد شب واقضب مكاني
في غيبتي قهو الرجال المشاكيل
وفل الحجاج لكل من جاك عاني
وابدا التحيه قبل سوق الفناجيل
ويقول شاعر من قبيلة مطير واسمه شليويح وهو يوصي ابنه نمر
امل الوجار وخلو الباب مفتوح
خوف المسير يستحي ماينادي
يانمر مافي صكة الباب مصلوح
ولاهي لهلكم يامظنـة فـؤادي
======================
ويقول خلف بن هذال شاعر عتيبه
سوولي الكيف وارهو لي من الدله
البن الأشقر يداوي الراس فنجالـه
كيف لنا نحرقـه بالنـار وانزلـه
واليا انقطع لو ورى صنعاء عنيناله
==========================
ويقول الشاعر ابن خشم الذيب العجمي
اشرب الفنجال واكب البيالـه
طيباً واحـب سلـم الطيبينـي
الولد ان طاب طيبه من خواله
وان تردا فاعرف انهم خايبيني
====================
ويقول الشاعر دغيم الظلماوي من قبيلة شمر
ياكليب شب النار ياكليب شبه
عليك شبه والحطب لك ايجابي
وعلي انا ياكليب هيله وحبـه
وعليك تقليط الدلال النجابـي
=================
ويقول الامير راكان بن فلاح ال حثلين اثناء اسره
في تركيا (يصف حالته)
يابوهلا صرنا سوات الدراويش
والكل منا خبزته فـي يمينـه
لا عاد به دله ولا عاد به عيش
ولا عاد به فطحة خروفاً سمينة
===========
ويقول الشاعر الامير محمد بن احمد السديري
يابجاد شب النار وادن الدلالـي
واحمس لنا يابجاد ما يقعد الراس
============
ويقول احد الشعراء
الدله اللي ماتبهر من الهيـل
مثل العجوز اللي خبيثاً نسمها
============
ويقول الشاعر ناصر بن عبدالكريم من اهل سدير
خمسة عشر فنجال لحنيف صبيت
لو ان بطنـه قربـةً قـد ملاهـا
فرد عليه الشاعر حنيف بن سعيدان المطيري وقال
لا تحسبني من دلالـك تقهويـت
قللت في طبخهـا وكثـرت ماهـا
ياموصي الحرمه على صكت البيت
تقول منتـه فيـه وانتـه وراهـا
يقول الشيخ تركي بن حميد :
وبهارها هيلٍ بليا حواسيس =وكيفٍ يعد للنشاما القرومي .
يقول الشيخ راكان بن حثلين :
راعي دلالٍ كنها الغرانيق =فيها العويدي وأشقر البن فاحي
يقول الشاعر محمد بن مشعي الدوسري :
فنجال أشقر زعفرانه مجمد = بريةٍ شريت من اللي جلبها
يقول الشاعر محمد العبد الله القاضي :
مع زعفران الشمطري ليا أنساق = والعنبر الصافي على الطاق مطبوق
يقول الشاعر عبد الله بن برعاش :
القلب مع زين المعاميل مشقور = ولو تصبر ساعةٍ ما صبرها
يقول الشاعر عبدالرحمن الرديعان :
شفي ثلاث دلال هن والأواني =ومحماسةٍ للبن ما هي رهيفة .
يقول الشاعر شامان بن عمر الرشيدي :
هذي فعول محرقين المحاميس =كرام السبال محرقة كل محماس
قول الشاعر محمد أبو دباس :
يا حمس قلبي حمس بن بمحماس =وياهشم حالي هشمها بالنقيرة
يقول الشاعر سليمان بن شريم :
لادك في قلبي من الهم هوجاس =حطيت فوق النار زين المحاميس
يقول الشاعر سعد بن قطنان :
نجرٍ الى حرك تزايد عباره = يازين حسه بين عوج المداوير
يقول الشاعر سعد بن مناور الدهمشي :
هذي يلقمها والأخرى على النار =والثالثة كبه بعين النقيرة .
يقول الشاعر محمد البازعي :
يافهيد قرب معاميل رسلان للنار =إحمس بهن وكثر بهاره
يقول الشاعر سالم بن عيد :
يا مقلط الدلال البغاديد =وبهارهن هندي خالط له زباد
يقول الشاعر سليم عبد الحي :
في دلةٍ مثعوبها كنه الفاس = قريشيةٍ ما قابلوها الدلاليس .
ماذا قال أكبر الشعراء في القهوه العربية؟؟
تقهو واسمع وش يقول الامير راكان بن فلاح ال حثلين
يامحلا الفنجال مع سيحة البال = في مجلساً مافيه نفساً ثقيله
هذا ولدعمً وهذا ولد خال = وهذا رفيقاً مالقينا مثيله
*****************
ويقول الشاعر محمد بن عبدالعزيز القحطاني وهو يوصي ابنه
يابو محمد شب واقضب مكاني = في غيبتي قهو الرجال المشاكيل
وفل الحجاج لكل من جاك عاني = وابدا التحيه قبل سوق الفناجيل
**********************
ويقول شاعر من قبيلة مطير واسمه شليويح وهو يوصي ابنه نمر
امل الوجار وخلو الباب مفتوح = خوف المسير يستحي ماينادي
يانمر مافي صكة الباب مصلوح = ولاهي لهلكم يامظنة فؤادي
********************
ويقول خلف بن هذال شاعر عتيبه
سوولي الكيف وارهو لي من الدله = البن الأشقر يداوي الراس فنجاله
كيف لنا نحرقه بالنار وانزله = واليا انقطع لو ورى صنعاء عنيناله
********************
ويقول الشاعر ابن خشم الذيب العجمي
اشرب الفنجال واكب البياله = طيباً واحب سلم الطيبيني
الولد ان طاب طيبه من خواله = وان تردا فاعرف انهم خايبيني
وفي الختام أترككم في رعايه الله وحفظه مع هذه الأبيات لصاحب الموضوع
الشاعر فلاح بن مبخوت العجمي
انا شفي منا روحي اشب النار بالخلوه = وازيد البن من هيله واكيف بدلةً صفرا
على وجاراً تقيد النار لجل الراس والقهوه = واهيم بصفوة اشعاري غزل في عشقتي العذرا
