أفضل قصائد الشاعر عمار الزين
لابد وأن ننتبه جيدا إلى أن الشعر والأدب ليس له وطن ، ولكن يتواجد في قلب كل إنسان ومشاعره ، ولذلك يخطئ من يظن ان الشعر العربي مكانه بشبه الجزيرة العربية فقط أو في مصر فقط أو في الشام فقط ، بل في كل مكان بالدول العربية وفي كل العالم نجد الأدباء والشعراء ، ولولا تنوع الشعر والأدب لما وجدنا كل هذا الكم من الثقافات المتنوعة في كل العالم ، اليوم نذهب مع لون جميل من ألوان الشعر العربي مع الشعر السوداني المميز وخاصة مع الشاب الرائع الشاعر المرهف المشاعر عمار محمد الزين والشهير بعمار الزين ، والذي أبدع في الكثير من القصائد والتي سوف نقوم بعرض أفضل قصائده خلال السطور التالية .
قصيدة يا غايب
ياغائب وسامعين نبضاتك
اشتقنا كتير ليك وحياتك
طولنا وكاتمين انفاسنا
ما كنا بنستنشق ضحاتك
ما عارف انك لما تغيب
جوانا مضوية شمعاتك
ما كنا بنتحمل غيبتك
وما بنحمل في يوم دمعاتك
والشــــــوق حراق
والشوق جوانا بصابق الريح
شان يكشف عودتك يستناك
مع انو قليبنا هو لسه جريح
أتناسي نزيفو وبترجاك
وان شو اللبيصير لو أصبح عندي حبيب مجون
وتري مين غيرك يشفيني
ويقول لي ويزيدني وله وجنون
ويش عامل فيني وكيف أنساك
وغيابك زاد اشجوني شجون
وبكتب حرفين
واسرح ساعة
وارجع للدفتر أتماسك واتلعسم مليارين مرة
شان أوصف جواي إحساسك
ما بطلع شئ
ما الفيني هو اكبر من مقطع
ولسه ياداب ابتسامتك
وماسك راسي
ما لسه مصدوم من ماسك
ماسك كهرب شوقي وزادو
ولسه قليبي علي ميعادو
ومين دا اللعادو الريد
الودع وساب اسيادو
ومين الجابك
هما اللسابونا في وحدتنا
ولا مرة ازاي الحال سألو
نسيونا في اوقات محنتنا
ولكل اللبيناتنا اعتذلو
وتملي في بالنا وذاكرتنا
ودموعنا لواحدها أنستنا
قصيدة مسافر عشانك
مسافر …عشانك
مفارق الدروب التسوق لي مكانك
مودع بلاد فيها شلتك محنه
ونكرت العيون اللي شالت حنانك
مفارق خلق بالظروف تستبيحني
وأسيب الكؤوس التجرع هوانك
أضيع في بلاد يمكن القاني فيها
وألاقي الكيان اللي ضاع من زمااانك
مسافر….بدونك
بدون ما أفكر بوجهة طريقي
وأشاور دليلي الزمان….كان عيونك
ولا في سماك برجي نجمك يسوقني..
ويزيد احتراق_ اشتياقي_لجنونك
أكيد الشوارع بلاك اصطفيتا
وأريت الوادع يبقي خارج ظنونك
فيا زكريات الحنين امشي غادي
رويت من كؤوسك مرار حد شرقت
وحلقي البفتش نداك لسه صادي
وإذا ما نويت إني أرحل وأسافر
تدفق غيومك علي وتنادي
ولا فارقه تاني
غيومك تعاند تحرق- تغرق
ولا فارقه أصلا
إذا ما خطاي عزة ساقت بعادي
مسافر عشانك
مفارق اماكن معاك كم غشيتها
شوارع بدونك مشيها بيحرق
دا نفس الشوارع المعاك كم هويتها
بلاد لسه نجمك بزيين سماها
قصايد عشانك براك اصطفيتها
صفات فيني حلت عشان بس هويتك
أصول الغرام العشانك نسيتها
مسافر عشانك
ولا لي سواك كنت قاصد اجافي
ولا كت بطيق يوم فراق المدينه
اذا ما هي صبحت شبيهة المنافي
ويزيد الجنين بالقصايد الحزينه
تعكر مزاج ديمه كان فيني صافي
وتقصقص ضفاير الحبيبه الحنينه
دي نفس الحبيبه اللي ملت طوافي
وشاكت دروب فيها كان بس مشينا
مسافر عشانك
مشافر عشان القي دونك قوافي
وأحرر قصايدي المعاك كان سجينه
قصيدة اتمنيتك
أديني إحساس إنك عشق
أو لسه فيني كما النسيم
مايكون وجودك كالعدم
ماتكون جنانك في الجحيم
يا راميه ضلك هسي لي
أنا عارف إنك كالسحاب
ومطرك علي مامستديم
أتمنيتك يوم معشوقه
تبدلي فيني برودك لهفه
واستنيتك تفتحي بابك
وتشرعي لي مداين الإلفه
واترجيت الريد جواك
يصارع موجي ويسيب الضفه
وزي ما إنتي ماخليتي غرورك لحظه
ولا أتخطيتي دروب العفه
وكنت بحاول أضاري عليك
وأنقص مني واعدل الكفه
إلا وحاتك__
كل ما أحاول أوزن ريدك
بلقي سرابك زايد خفه
وياني زمان وريتك ياما
إنو الريد زينا بتنفس
وبكبر فينا
وبمرض بينا
ومننا بشفا
بس ماسمعتي….
وهسي إتودر كل البيننا
لحدي ماينبوع ريدك جفا
بقت بيناتنا مسافات شاسعه
لا بالريد حنسمي البيننا
ولا بالصحبه حيرضي البيننا
واتبدلنا كتير في السكه
وحتي أسمائنا بقت مختلفه
قصيدة كتر خير المطره
كتر خير المطره………
الدقت فيني حنين أجراسك
وهزت شوق جواي متخبي
وضغطت وجعي الكان متماسك
وإتزكرت خريفنا الروح
وكان الغيمه بتشهد شوقنا
وريدي الكان مستوطن كاسك
وخلت فيني سؤال بتردد
مين يا غاليه نزل مرساك
وسرق انفاسك
مين البعد قربك مني
وشال احساسك
وخلي دموع الحسره تدفق
وشال التاج الكان فوق راسك
ميــــــــــــــــــــــــن
مين خلاك تتناسي وعودك
ومين العوج الناعم عودك
وخلاك تمسحي فيني وجودك
وانا يا..غاليه زمان وريتك
