شعر حزين عن غدر الصديق , اشعار خواطر عن الخيانة , شعر عن الصدمة في القريب , عبارات عن الصدمة
صدمه تجيك من ابعد الناس تجرحك
يمكــن تعــديهـا بحـسبـة ثــــوانــي
،،،،،،
لكن لاجتك من اقرب الناس تذبحك
عـشـان تنسـاهـا تـبـي عمــر ثـانـي
،،،،،،
ياقـلب انا كـم لـي اعاتبك وانصحك
واقــول لـك ياقـلب وانت تعصــاني
،،،،،،
اتعب على اللى كل ماجيت يفرحك
لاتضيـــع ايامــك تــرا العمــر فاني
،،،،،،
اللـي يبي يخسـرك ماراح يربحــك
واللــي يبــي يربحــك لجلك يعــاني
،،،،،،
واللى يبي يسترك ماراح يفضحك
يفضحك من يرضى عليك الهواني
،،،،،،
واللى يبي يشتمك ماراح يمدحك
حتى لو انك مجنى تصير جاني
،،،،،،
واللى يبي قربك لو ابعدت يسبحك
حـتى لــو انك بحـــر مابك مــواني
،،،،،،
واللى يبي بعدك لو يدل مطرحك
ماجــاك لــو كنتم قراب المبــاني
،،،،،،
اتعــب على عيون اذا جــات تلمحك
تلمـــح بنظــرتهــا وقــدرك معانــي
،،،،،،
ولاتـقـــرب مبعــد القلب تلـفحـك
هبايـب الصدمــات ســـم المحاني
،،،،،،
صدمه تجيك من ابعد الناس تجرحك
يـمكـــن تعـديهــا بحـسبة ثـوانـــي
،،،،،،
ياقـلــب ريحـني علشــان اريحـــك
بيـت الصحيـح ولا بيــوت الامــاني
ياصدمتي في أكثر احبابي .. وياخيبة ظنوني
ياضيق صدري .. لاذكرت انّي عليهم ما كذبت
ياطعنةٍ خلّتني انسى من سبايبها .. طعوني
ياجرح ماله طبّ .. حتى لو أقول: اليوم طبت
البارحه .. والله يكون بعون احاسيسي .. وعوني
أحاول اهرب من عمايلهم ولكن ماهربت
ماكنت احسَ انّي أنا .. وهذا الكون كوني
أمُرَ في حالة ضياع . .وشبه غيبوبه .. وكبت
أحباب .. أي أحباب ذولا اللي على موتي خذوني
الظاهر اني شبت .. ياعالم .. وانا مابعد شبت
اللي لهم مُدّه وهُم في داخلي .. واستغفلوني
ياما استغلّوا طيبتي معهم وكل اللي وهبت
وهبتهم قلبي .. وشعري .. وكل ماحولي .. ودوني
تعبت معهم بس ماكنّي رغم هذا .. تعبت
شعرت فعلاً بالعذاب .. وغصّة الدمع بعيوني
قرّبتهم منّي .. وانا اللي كنت احسبنّي قربت
عشانهم قررت ابيع اللي من العالم .. شروني
لو ادري آخرها كذا .. من أوّل الدرب انسحبت
أحبابهم واجد .. ولا ادري ليه بالذات اخدعوني؟
مع انّ عمري ماخدعت انسان أوحتى قبلت
يا قوّها صدمه .. وانا لون الغدر ماهوب لوني
مصدوم خِلقه .. لين مات الحب فيني وانعطبت
