ودي اسولف عن مشاعر جديده
ودي اقول بعالي الصوت وين انت ..؟؟
انت غلا المشتاق وانت وريده
ودي اسولف للبشر كيف كنت ..؟؟
حب بقلبي ما ادور بديله
يا ضما قلبي لقلبك
وغربة عيوني عن عيونك
وينك انت ..؟؟
ياترى الليله بصدري … لا في جفني
لا في الشعور اللي خطفني … آه لو تدري بشوقي آآآه
يا ظما فرقاك بعروووقي وآآآه من وقت قسى في غيابك
ابطي وخلي .. سؤال يلهث بفكري
مدري يصون الغلا ؟؟ مدري يخونه
ويوم اني اسج بين ادري ومادري
عقب البطاجا يقول الدار وش لونه
قلت انت دارك هنا
واشرت على صدري
قال
انت دارك هنا
واشر على عيونه
في ذمتك ماساقك لصاحبك شوق ؟؟
في ذمتك ماضامك البعد واضناك
انا اشهد ان الشوق لك ساقني سوق
ماعاد فيني عرق الا وناداك
في غيبتك حلو الكرى عاند الموق
في غيبتك طعم الهنا راح وياك
يابسمة الشوق يارمز الغلا السامي
يا اروع احساس صادفني وحسيته
جاني خيالك يسوق الحب قدامي
واقبل بطيفك وعانقني وضميته
انت حياتي وروحي واجمل ايامي
واغلا بشر بين كل الناس اغليته
نفسي اقول
اني حزين
اني سجين
لكل ذكرى لي معك
وابغى اقول
اني انا
اشكي العنا
واقول للذكري ارجعي
وارجع واقول
ليت الهوى
يجمع سوى
اهل القلوب اللي تعي
ونسيت اقول
بعد الفراق
الصدر ضاق
والعين هلت مدمعي
ناظرني بطرف عينه وقال ( لو تفارقنا اموت ))
وافترقنا
لا رسايل
ولا صوت
وكنت دايم اسأل :
ياترى وش صار فيه ؟
قالوا (( طيب )) ماعليه
صار اجمل ..!!
ابتسمت
وقلت هذا اللي ابيه
لكن مدري ليه صدقته يوم قال ( لو تفارقنا اموت )
