ولاتساوي غلاي بواحد ثاني
وان كانك تحبني صدق وتغليني
لامني خطيت اسمح لي على شاني
اما انا في محبتك مايلزم توصيني
من يمك الروح تامرني وتنهاني
…….
كنت اظن الحب في وسط القلوب
اثر حبك مالي الدنيا علي
دايم مشرق ولايعرف غروب
منور ونوره تعدى كل ضي
كان حبك غلطتي ماراح اتوب
راح احبك لو كواني الحب كي
لي فواد في هواك دايم يذوب
من عرفتك وانت عندي كل شي
…….
لو يصير البحر أحلى من الغدير
ولو تعتم صبحنا وأصبح ظلام
ولو تبدل طبعنا وأصبح ذميم
ولو غدى الشاهين زوج للحمام
ولو يصير ولو يصير ما يصير
لك محبة مايفسرها الكلام
…….
فيك لايمكن اغير موقفي
انت محبوبي على كل الظروف
ثابت رايي ومهما تختفي
لك مكانه فايقه كل الوصوف
ترجمي يادمعتي له واوصفي
حالتي في الحب مكسور الكفوف
…….
لا … لاتلوم القلب يوم إنه اغلاك
وش حيلتي مدام قلبي عصاني
غصب علي قلبي يوديني هناك
جيت اشتكي لك من عذاب الزماني
ياروح روحي وش حياتي بلياك
لاشفت زولك ارتبك في مكاني
…….
والله احبك محبه مالهاآخر
افرح بشوفك وتسعدني جياتك
انتي قصيدة وانا ياحبي شاعر
يحلى لي الشعر في وصفك وفي ذاتك
وانتي زماني وامسي ويومي وباكر
وماحدن غيرك سكن في قلبي وحياتك
