عبارات عن البراقع , كلمات غزل عن البرقع , ابيات شعر في البراقع
يا لابس البرقع على نااعم ااالخد ____ اسود سواد الليل في وسطه القمره
يومي عليهااا ويسبل نااااحره حد ____ زين المتون ااتغازله تبغي االنظره
حد الشعر يصل المتون ومتنها سد ___ ودي عليه اشرف واطول النظرره
وامسح على البرقع من جبينن كد ____ ولاجات شمسه في ظله السمررره
نسمة عطرآشمها واحسب لها عد ____ في ظلها ليل واشم اناااا شعرررره
اعروقها توحي باحساسها من بد ____ من بد كل الخلق ابحبنا الفطرررره
ريحة بها المسك والريحان بالخد ____ واحلاه سن المبرقعه في صغرررره
يا لابس البرقع على ناعم اااالخد ____ اسود سواد الليل في وسطه القمرره
يالابس البرقع على المهل برفوق
ارفـــق عـــلى قـــلبي تراني معنى
ارحم رحمـــك الله ياكامـــل الذوق
خل العـــيون من المحــاجر تهنى
شفتـــك وكـني قبل ماشفت مخلوق
ياغصن مــوز مــن الـــرياح يتثنى
يعجز عن التوصيف لك كل منطوق
واللــي يــشوفـــك كل يـوم يــتــمنى
حالف قسم لولا الحياء غالط الشوق
لاطــبع علــى صفحــات الايــام عنا
وش عاد باقي بعد ما غازل الموق
دمّعــت عيونــي لين قـــمت اتــجنى
لـــي حـــق اهوجس واتخيل وأتوق
وارسم صــور في خاطري واتغني
اثرت فينــــي يابعـــد كل مــمشوق
واخشى ضلوعي من غيابك تجنى
البراقع عمرها ماغطت القلب وحنينه
والليالي عمرها ماغطت بروق السحايب
يا كثر ما جر صوت القلب بلحون الغبينه
وأنطرب دمعي وحوّل مع لحون القلب ذايب
خيّل الحظ وتركني يا الله انك لا تهينه
للظروف القاسيه / والوقت / ويدين النشايب
يا العيون الناعسه يا أم المراميش السنينه
والله ان وقعك علي أشد من وقع الحدايب
لا تصدين النظر عني وتبدين السكينه
دامني آشوف في نظراتك أطراف اللهايب
ماقدرتي يا الحزينه .. في الهوى لا تظهرينه
دمعة المشتاق .. ماهي مثل دمعة عين تايب
لاحت الذكرى بعيني – من لمحتك يالحزينه
وأبتسم من حيرتي وأقول : يا دنيا العجايب
كيف كنا نلتقي …. والسعد يرعانا بعينه؟
وكيف صرنا نلتقي … وإجروحنا حمراً عطايب !
أختلف وجه الزمن – وأشحب وعقّد حاجبينه
كنت اشوفك حاظر / وذا اليوم اشوفك بس !! غآيب
ما نسيت العهد الأول – لو بغيتي تنقضينه
حافظه حفظ الحواجب للعيون وللهدايب
يالله اليـوم يـا رب علـيـم بحـالـي
يا عليـم علـى اللـي بينـه والخفيـه
عذبتنـي غرابيـل الدهـر والليـالـي
أقضي الحال وأطـراف الليالـي نديـه
الليالـي طويلـه والعنـا لـه توالـي
بيدتنـي مباديهـا وهــي سرمـديـه
كل ما سل شعـر وكـل مبـداه نالـي
قلـت كـود يجيـد الشعـر ولا قفيـه
مير لا قلت اباخذ مـدت عنـه سالـي
ذكر القلب صوت اللـي ينـادي سميـه
فز قلبي ولامـن فقـت لانـي لحالـي
المداهيـن منهـا كالمحـيـا خلـيـه
إلتفـت اليميـن وإلتفـت الشمـالـي
ما تشوف العيـون مـن الأوادم حليـه
والله اني عليه اشفـق مـن ابالعيالـي
شايـب لـه عيـال وفالبـلاد ادوميـه
كل ما غاب منهـم واحـد قـال غالـي
ما تغمض عيونـه ليـن ينكـذ نجيـه
يا حلي الغزال اللـي بـروس المفالـي
فيك وصف الغزال وفيك وصف العبيـه
فيك بعض الوصايف من وصوف الغزالي
يا سباب عذاب أهـل القلـوب الشقيـه
يا عيون أشقـر حـر يصيـد الجزالـي
من عيونك ونظراتـك سهـوم المنيـه
خف من الخالق المعبود منشا الخيالـي
لا توثـم وتذبـح لـك انفـوس بريـه
لا تسبب بذبح اللي يقول انـت غالـي
نظرتك بالعيون السود تكسـب خطيـه
كان بـه فالعـذارى ملكـات الجمالـي
انت سـر الجمـال وغايـة الجاذبيـه
لا بسات البراقـع والذهـب والشيالـي
يخلفن الهـواوي عـن هـواه ونويـه
عقب ماني بصاحي قام يظهـر اهبالـي
اطلب المستحيـل وهـو صـد النجيـه
وكل ما لاح برق في حقـوق الخيالـي
قلـت هـذا جبيـن الزيـن ولا حليـه
ما تهل الدمـوع الا علـى فقـد غالـي
والسهر ما يـدوم الا لراعـي الشكيـه
طال وقت الغياب وبيـد الصبـر حالـي
والمواجه وشوف العين صعـب عليـه
البرقع اللي تل قلبي من اقصاه
انا أشهد انه تل قلبي وسوى
سوى بوسط القلب بيته وسواه
وشلون لامنه على القلب خوى
انا أشهد انه شال قلبي وعناه
وانا اشهد انه بالضماير تحوى
يابو عيونن حور والرمش ماحلاه
خلي عيوني من عيونك تروة
ناثر جديله فوق متنه وخلاه
اسود جديله فوق متنه تطوى
وست البناجر في يمينه لها جاه
والخاتم اللي في اصبعه لف جوى
واليا ابتسم ياناس بانت ثناياه
حد البريقع تحت خشمه يسوى
يابنت يكفي ماحصل من معاناه
قلبي من اسبابك تراه يتكوى
وخلي عنادك واتركي العز والجاه
وخلي يديني في يدينك تلوى
والبرقع اللي تل قلبي من اقصاه
مافيه زيـُه تحمله بنت حوى
