عبارات عن الشك والغيرة , كلمات قصيرة عن الشك بالحبيب, قصائد عن عدم الثقة

قصيدة الشك والغيره
. لاوصلت الغيره الى مستوى الشك
تبيع عمرك والحياه بدقايق
لاتفك باب(ن) صعب عقبين ينصك
وتجيك ريح(ن) منه وتصير عايق
وتزيد نفسك ضك زود(ن)بعدضك
وتضيع مابين التهم والحقايق
خله يدك بداخل النفس مادك
والفكر خله دايم الدوم رايق
وان داربك وجهز عليك وتمالك
وظيق عليك وحل بين العلايق
ولا وصل مافوق قدرت تحملك
لابدماطالتك نار الحرايق
وان حطتك وصبحت في اسفل الدرك
أعسف صعايبها تجيلك طلايق
ودرك لسانك عن تخبط وعن لك
تحسب عليك الفايته في دقايق
وأبعد عن الغدار مهماصفالك
لابدمايوم(ن)يكون الك بايق
والصاحب اللي فالشدايدمشارك
تلقاه لاظاقت عليك الظوايق
والجرح يدما لاكثر فوقه الحك
والا دما جرحك لزوم(ن) تظايق
ومن قال لي غصب الخفوق ايتحرك
اقول فكر فالوضع وأنت فايق
اما تدقق لين صاحبك يترك
ولا على موج السعاده توايق
خلك معه وبعد عن الوي والفرك
من شان ماريع الندامه توايق
ومن راح يرجي من وراهاتملك
ابعد عليه من الجبال الشوايق
لاتحفر الحفره تقع انت بالشرك
وتصير مسيوق(ن)عقب مانت سايق
اشرب عذابه خلط والاأشربه سك
صرنا بعاد(ن) عقب محنا رفايق
وهو الذي يناب الاردان يعذرك
وأنت الذي بين الهشاش الرقايق
وعوذ وعصم بسم ربي من الشرك
ان زادحبه صرت له مانت طايق
فتنه على حوض المهالك تبرك
يالله على عبدك بحسن الوفايق
ومن حجة استحكام يخرج لهاصك
حتى يوثق كل شي بوثايق
ولله صوم وصل وايظا(ن)بعد زك
ورج الاجر من عند رب الخلايق

لو خسرتك ماخسرت العمر والدنيا متاع..
وأدري إني لو خسرتك ماخسرت إلا القليل..

بس فكر زين ..تعرف من خسر فينا وضاع..
وتعرف إنك لو تلف الأرض.. وتدور بديل..

والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..

وين تلقى مثل شخصي شخص..وطباعي طباع..
ووين تلقى مثل قلبي قلب..أو مثلي خليل..

البشر واحد..نعم..لكن فرق الإنطباع..
يجعلك يمي تميل ..ويم غيري ماتميل..

يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..

وأنت ماقصرت فيني ..موقفك جداً شجاع..
طعنتك بالظهر فعلاً كانت إثبات ودليل..

بيض الله وجهك اللي ساتره تحت القناع..
ورايتك بيضا معاي وياعسى عمرك طويل..

يعني أعطيك الثقه وتردها بـ<لوي الذراع>..
ياخي ماشاالله عليك أبدعت في رد الجميل..

مدري كيف أشكرك ؟؟مدري كيف أرد الصاع صاع؟..
كنت احسب إنك عزيز النفس..تطلع لي ذليل!!..

كم وأنا عيت أصدق فيك قدر المستطاع..
من غبائي كنت أسكت وأعذرك وأثر الحصيل؟..
جرح قلب.. ميزته في كل يوم الإتساع..
ودمع عين ينهمر من ضيقتي..في كل ليل..

والله إني كنت أحبك حب.. وأتبعك إتباع..
كنت لجل أرضي غرورك بس أسوي المستحيل..

كنت أعمى فيك..لالا كنت ميت للنخاع..
كنت مدري كيف؟ لكن كنت صادق معك حيل..

كنت أمارس في غرامي لك سياسة الإنصياع..

وكنت لاغي معك فكرة أعتزل أو أستقيل..