وينك..! ترى جانا ممطر

وينك .. !
ترى جانا مطر
غطّا شوارعنا ..
كل الشوارع امطرت ..
ماغير شارعنا !

مارحت ..
الاّوالمطر
نادالـك بصوته :
ياللي توادعنا …
غـرْقــت شوارعنا !

~ { ..وينك ترى جآنآ مطر .. !

طشـّت سوالفنا حنين
صبـّت دفاها للحنين
وأكثر غرابيل السنين .. ما عاد تجمعنا
وينك .. ترى جانا مطر ؟؟

~ { .. وينك ترى جآنآ مطر .. !

وينك .. ترى جانا مطر ؟؟

مرتني البارح طواري في محطات العمر
وانا من البارح
عرفتك
تحتريني من امر
مـرّيت .. بيديني عطر
و أنفاس و آهآت و كلآم
بعضي فرح بعضي خصآم

تربكني خطواتي
فيني عمر آآآتي
ان عاش يهديك العطر
وان غاب بسكاتي
يكفيه يشعرك اهتمام يا نبض اوقاتي .. !!
وينك ؟؟
ترى جانا مطر ..!!

الله يا صوتك
وانا اتسمـّعه المطر ذكرني بسكوتك
تـعآل (( لا يفوتك ))
شوف الزهر
شوف الأغاني والشعر
شوف البساتين بأمانينا يعانقها الشجر
شوف الحنان اللي تركني ليله البارح وجاك
اليوم … ينسآني معاك !

قــوم
نسـّيني الجراح
مالقت هالروح اجمل من وفاك ..!!
يا وفاك ..!!
لاتخيبها ..ظنوني !! في وفاك

وينك .. !
ترى جانا مطر ..
غطّا شوارعنا ..
كل الشوارع امطرت ..
ماغير شارعنا !