مع حفظ الألقاب ( للشاعر علاء البلتاجي )
مع حفظ الألقاب ( للشاعر علاء البلتاجي )
يا صلاح يا جاهين أسست بنيت و حطيت للشعر العامي أساس
و ياريت يا جاهين تسامحني ياريت لو كنت غلط يا عـم نـاس
و أن قولت انا زيك أبقي عبيط مين عنده في قلمه ميزان حساس
تلميذك حب يقول فتافيت و أتمنـي أعيد ذكري الأستـــاذ
علي أيدك حب و كتب الشعر
مع فرق الجوده و فرق السعر
و انت من البوز و احنا من القعر
بنصب الشعر العامي ف كــاس
انا طبعي جرئ و مش خواف والطبع اكيد ياصلاح غلاب
و أن كنت بنادي بأسمك حاف ده طبعا مع حفظ الألقاب
هـ أفضل أتعلم من شعرك أبـداعـك كامل متكامل
و ياريتني أكون كنت في عصرك و أتعلم من فنان شامل
شاعر رسام و كمان زجال
وبصوتك أجمل شعر أتقال
سيناريست ممثل صحفي كمان
دي حقيقتك فاقت اي خيال
ليك فضل عليا أن انا أئلف و كان لازم أقولك ده الواجب
و ان كنت غلطت انا بتأسف دي العين مابتعلي عن الحاجب
انت أللي بفنك و مواهبك و بشعرك أبهرت العالم
وانحني قدامك لو شوفتك وبحبك اوي ربنا عالم
ولو أقدر او كان بأيديا انا كنت اديلك كاس عالم
وهيبقي قليل يا صلاح يا جاهين
ولا حتي أوفيلك نص الدين
و أن شوفتوا كلامي او سامعين
بأدعيله بالرحمة و قولوا أمين
