تدري شوكت انساك كلش فرد نوب***من تسمع الشيطان تاب من الذنوب
@@@@@@@@@
شوف اشكثر بذات ذاك الاحبة… جايبلة ماي العين ومن ايدي ذبة
@@@@@@@@
زين انت ذب الماي وبارد احساسه … جدامي يابن الناس ابرجلة داسة
@@@@@@@
متروسه روحي هموم محد حملها*** مدري من اشوفك ليش انساها كلها
@@@@@@@
مسودن وسولف بيك صرت بغيابك — مو جنت صافي البال منين الله جابك
@@@@@@@
ليش التريدة الروح يصعب عليهة *** والما تريدة يصير محبس بديهة
@@@@@@@
يل العافك المحبوب ليش المناحة**** عوف الغرام وجوز واخذ استراحة
@@@@@@@
علمني وكتي دروس وكل درس معناه *** المايحب ملكاك لاتحب ملكاه
@@@@@@
خضر العيون كبار والوجه شحمه *** بس انه رب الكون خالقني فحمه
@@@@@
الدهر والحسرات وجماله الهموم***ترادفن ياصاح كلهن فرد يوم
@@@@@
لوما أكولن عيب كل ساعة أسبك *** ناسيني خايب ليش والكعبة أحبك
@@@@@
لوتجي وبيدك سيف كتال اليه*** صدكني افرح بيك واحسبها جيه
@@@@@
گلبك يحب اثنين عندك زلاطه***مايرهم بماعون دبس وطماطه
@@@@@
صار الكلب نصين علعلني ابعاد *** نص للقهر والضيم ونص لهل بغداد
@@@@@
ثق واعتقد اهواك ما اهوى غيرك *** وبعشرتك وياي انته وضميرك
احبك اكثر من سكان الصين وعدد قواطي البيبسي بالدكاكين وازمه الكاز والبنزين
محبتكم بالقلب كومه ومنك ماتجيني نومه يروحلك فدوة المالكي والحكومه
احنه بالحب مدفعيه وبالرسايل قاذفات صدكني لو يخلص رصيدي تشتغل الهاونات
ارهابي ليش اصير مو انت حباب فجرت قلبي شبيك سويته عطاب
هواي من البشر حلوين بس انت لك ميزة تدخل القلب تهريب مايحتاجلك فيزه
هم قصف هم قناص هم مدفعيه هم شوفه الغالين حسره عليه؟
كون انكلب قانون واحكم حكم عام واحكم على الينسون كلهم بالاعدام
لاغاز لاكاز لارؤيه الاعزاز لاماء لاكهرباءلارؤيه الاقرباء لاتموين لابنزين ولارسائل من الحلوين
سلام ميسلمون سؤال ميسألون رساله ميدزون راح افخخ روحي بلكي بالفاتحه يجون
احب حب عجيب حب ارهابي بس شغله مو تخريب ومايفرقني عنك حتى لواء الذيب
من قلبي أجر اسلاك حتى اتصل بيك فدوه الرصيد يروح بس كون احاجيك
لاالو لاترميش لا منك اخبار ردنه خمس سنتات ماردنا دولار
مجبور ادك ارقام تجبرني ايدي دم قلبي اخلصه عليك موبس رصيدي
ارسلك الف بوسه بوسه من بوسه تغار وارسلك حنين وشوق ويسوون القلب هوسه
من تجي منك رنه احس روحي بالجنه يرحون فدوة لعيونك اكراد وشيعه وسنه
احبك حب ماينكتب وصفه او عليك القلب مثل الذهب وصفه عليمن يكتب الدكتور وصفه اذا عينك والشفايف صيدليه
اموت حسره وقهر لو انت تنساني وارضى اعيش بقهر لو انت سجاني
عن حبي اذا سألوك لاتنطي تفسير سر مثل دم قليب وي سالم الزير
لاتضن يوم انساك يلتسوه كل شي تسوه العدل والمات والتوه يمشي
خيط وخرز ضليت سبحه اني بيدك موصوجي صوج الروح هي تريدك
مخبل واحبك موت حب يهدم الحيل عاد انت شوف شلون حب المخابيل
فهمني يالمحبوب موقف حضرتك بالقلب كاعد ليش قابل غرفتك ؟
احبك والنبي المرسل اموت عليك والزهره مثل حبي فلا موجود من دهوك للبصره
أسال عليك شصار ماراسلتني سنتاتك مخلصات لو زاعلتني
كلك ذهب ياذهب مابيك ذره تراب والصادقك ماخسر لاوحك داحي الباب
هاك القلب والروح وعيوني اخذهن دوم الك مشتاقات خلصني منهن
نسيانك شبيه الموت وذكرك في وسط جنه حبك بالقلب منحوت اموت بقربك اتمنى
والحجر واهل البيت والكافل اخته والله من اعد احبابي اولهم انت
تسلم يابعد هالروح يسلم لسانك بين القلب والروح صاير مكانك
من اغمض احلم بيك ومن ازعل احن عليك ومن اصفن افكر بيك والكعبه اموت عليك
لو راح عطر الورد عطرك يظل يفوح شما طال بينا البعد ساكن تظل بالروح
ذبحني الشوك ياروحي واحس الروح محتاره تمنيت القلب يمك تطفي بشوفتك ناره
ابقى حبك دوم لمن اموتن وخل يكتب الدفان على قبر المجنونه
معذبتني هاي الروح بس تسأل عليك اتمنى عندي اجناح كل ساعه امر بيك
تدري شوكت انساك وبخاطري تهون ؟ من تلكه اسمي هناك بالنجف مدفون
شكد اخاف عليك وشكد اهم بيك حزب الله لو يرضون نصر الله اسميك
