عادي معك ابقا…وعادي اخليك
مثلك مثل غيرك…….مجرد (صداقه)
~*¤ô§ô¤*~ ~*¤ô§ô¤*~
انا السما وانت مثل واطي القاع
مهما كبرت بالمساحات………((تحتي))
~*¤ô§ô¤*~ ~*¤ô§ô¤*~
منك نتعلم لعبة الصد ونصد
مدام قلبك والليالي علينا
منك نتعلم كيف مانحفظ الود
وشوف منا ماتسويه فينا
الحيــن لازم تاخذ المسأله جد
علمتنا نقسى و شفنا قسينا
~*¤ô§ô¤*~ ~*¤ô§ô¤*~
لا تنصدم لا قلت انا اليوم مابيك
القلب عافك وانتهى اليوم دورك
اعميتني بحبك عسى الله يعميك
وارميتني يازين بأعمق بحورك
يالله توكل لا تجيني ولا اجيك
يالله حبيبي قوم رتب امورك
~*¤ô§ô¤*~ ~*¤ô§ô¤*~
لحظه حبيبي وقف هناك بالدور
ماني بفاضي يمكن افضى لك شوي!!
لازم تذوق المر و تعيش مكسور
واكويك من جمر الهوى لا غدى حي
ولو بعتلي عمرك فلا قلت مشكور
لانك بعيني صرت كلك “ولا شــي”
~*¤ô§ô¤*~ ~*¤ô§ô¤*~
وفر كلامك ورني عرض الاكتاف
قلبي كره هرجك ولا هو بمجبور
ترى القلوب بطبعها شي شفاف
الكسر فيها صعب تلقى له جبور
ولا تحسب اني من الهجر بخاف
ياشيخ خد حبك وقلبك و مشكوور
~*¤ô§ô¤*~ ~*¤ô§ô¤*~
لا تقول وينك تدري وين تلقاني
على غيري اكذب و تعذر يانظر عيني
المشكله مايتوه درب عنواني
اللي يبيني يسأل عني يلقاني
~*¤ô§ô¤*~ ~*¤ô§ô¤*~
حبيبن خاين العشره جمع حزن البشر فيني
كذب قلبي اذا بلحظه نساه او تناسيته
نسى حبي بعد عمري وخلى الهم يطويني
وخله الدنيا في عيني كئيبه ليت ماجيته
يجي منه اكثر طعن قلبي معنيني
يناديني على الفرقى واقول ابشر ولبيته
~*¤ô§ô¤*~ ~*¤ô§ô¤*~
تحسب اني في غيابك بذكر في كل جزه
واتندم و اترجى واعتذر وابوس راسك؟
للأسف كنت زقاره تنتهي في كل مزه
وانتهيت و ماطفيتك و احرقك غيري و داسك
