كلمات و عبارات عن السجن ، اشعار عن المسجون ، اشعار و خواطر عن السجن قصيدة ابيات شعر عن السجناء
يمه ليا جاك الخبر سامحيني
هذا نصيبي جـــــــــابته لي الأيام
يمه أنا غلطان بس اعذريني
حظي الردى تعــــــــــــربــي ولاقام
يمه عليك اجر خافي ونيـني
من همك اسهــــر طول ليلي ولا نام
يمه أنا عقبك مريض حزيني
صكـوا علي الباب وأصبحت منظام
لي قصة صعبه روتها سنيني
قــــصة طويلة فيها حســرات والآلام
صارت حياتي لونها اسود بعيني
ماهمني لو احكموني با الإعدام
صعت في درب التعاسة سنيـــني
ومستقبلي يضــيع عام وراى عام
حتى قريب الناس عيا يجيني
دنياي هاذي أصبحت كــلها أوهام
حلفت لنسى اليوم منهو نساني
ويشــهد على ما قول ربي والأقلام
اللـه على بلواي ربي يعيني
ارجـــــي فـــــرج ربي لنـــاس علام
البارحة ونيت من جور ما صاب
قلب من افراق القرايب عطيبي
شاف العداوة من قريبين وأصحاب
من عقب صك الباب صرت الغريبي
من أول كنا الولايف والأحباب
واليوم راحو ضيعو كل طيبي
ياكم سعيت لهم على فك الأنشاب
بأسبابهم صار الشقى من نصيبي
هذا جزى من هو تخير ولا صاب
الصاحب الصادق ونسله عريبي
الصاحب اللي لا نصيته بنى باب
دون المصايب يمنعك لا تصيبي
هذا كلام مجرب من الخطا تاب
بانو له أصحاب الرخا في المضيقي
بانت له الدنيا مع كل الأبواب
وميز بها الصافي قبل كل عيبي
فيا بو محمد عزوتي ردو الباب
دوني ودون آشوفكم يا عضيدي
يابوي أنا قلبي من الهم قد ذاب
من خلف بيبان وشبك قطيبي
ذقت المراره من ورى خمسة أبواب
ما شفت منك واحد يستجيبي
أبكي وعيني تسهر الليل يـا ريــم
مدري بلاها الشوق والا الظليمـه
يا ريم دمع العين مدري على الريم
والا على قلبـن تواكـل صميمـه
تقول لاطمني علـى نونهـا سيـــــم
أبكي وعندي لأزرق الدمع قيمـه
ويمكن يكون الدمع للعيـن تكريــم
ويمكن يكون إلها عذاب وحريمـه
والله يا لولا دمعتـن كنهـا الديــم
راحت ضلوعي من عـذابي حطيمه
ودام البكا ياريم ما فيه تحريـم
يا عنك والله لأرخص الدمع شيمه
وابكي على حالي من الـوجد وآهيم
لين الزمن يخلـف عليّـه نسيمـه
أبكي حياتن صافيه ما بهــا غيـم
وين المحبـة والقلـوب السليمـه
أبكي قهر وابكي من الغبن والضيم
وابكي من طعونن بقلبـي قديمـه
غدر الزمن خلّى بوجهي مـــراسيـم
وما يذبح الرجال مثـل الهزيمـه
بعض المصايب شرها ياكل الـهيـم
وشلون بكبود الرجـال الكريمـه
وبعض المصايب يخلفن المفاهيــم
تبغى على ما قيل صبر وعزيمـه
