كلمات غزل عراقي

شعر غزل عراقي

سنورد لكم في هذا المقال بعض الأبيات الشعريّة باللهجة العراقيّة التي تتحدّث عن الغزل.
هو: اشلونچ يا أعز

النّاس عندي

هو: الكلب چم أحبيبه عنده

هي: هزني الشوك

عالموعد أتانيك

وأعد بيدي الدقايق

وحدة وحدة

وحدة اثنين

هاي الثالثة تروح

أتاني وصار هالموعد اشبعده

نمت حسبالي

أشوفك بالحلم جاي

وكلت دمعاتي أحطهن وسط خدّه

هو: نمتيه نيالچ غفيتي

وآنة ليلي يمر على

عيوني صبح

الينيَّم وردة ويمسد عليها

مو مثل ليلولي وينيم جرح!!

والغفة بكلمة محنة

مو مثل اللي ينام وبعينه ملح!!

هي: لا حبيبي

آنه هذا الليل من يمرني دمعة

وحزن وأشواك وحنين

آنه عيني عليك ما بطل دمعها

تبچي ما تسكت العين

هو: لا لا تبچين

امسحي دمعتچ

وارجوچ لا تبچين

يل دمعچ جمر

وخدودچ أحلى ورود

خايف على اخدودچ من دموع العين

لا تبچين

وردة وتحترك ما تحمل النيران

يذبل كل وركها وتستحي من الطين

هي: وانت تكلي لا تبچين ؟

مو عمري انتهى وأيّامي كلها تروح

لو راح العمر متكلّي أجيبه منين؟

هو: لا تبچين

المن بعد المن تسوه دمعة تطيح

هو ايش باقي بينّا

ونحترك كل حين

تعبنا القهر ممشى جزيرة وخوف

صار الماضي غلطة وچنة غلطانين !!

لا تبچين لو يسوه العمر يمكن بچينا اسنين

هي: اشلون اتكلي لا تبچين

هو: لا تبچين !!

هي: تدري انت اللي يحب

ما يكدر أعله النار

ويا نار اللي بيَّه أتفزز الميتين

أحتاج الدمع من ما اشوفك يوم

لأن يصبح عليَّ اليوم خمس سنين !!

حبيبي لخاطري

لا تبتعد أرجوك

ما أحمل فراكك

تدري كلش زين

هو: بس ارجوچ لا تبچين

خوفي آنه عليچ من الدمع والله

مرّات الدمع

ياخذ حلاة العين

ويل كلچ ترافه أرجوچ لا تبچين

ما أحبّك جذب صدكَني ذايب بيك

وإذا إدوّر عليه بيك تلكاني

وإذا هذا الاكَوله تظن أبالغ بيه

تكدر تنسحب بس تكدر تنساني

وما أكلك جذب كَبلك ما حبّيت

بس يوم اللي عرفتك انولدت من ثاني

وهسه أني طفل ما يعرف يضم أسرار

وتلكه البلكََلب بسرعة على لساني

أحبّك كلمة ما تستحقّه والله

لأن كلمة احبك ما تروي وجداني

وما تهمني حروف الكلمة من تنكَال

بس همني الفعل وشتحمل معاني

لأن أنا من أحب اختلف عن الناس

وما أكَلك طبع ولا سر ربّاني

ولا أكَلك ملاك أني يفلان

بس تلكه الصدك من تدك بيباني

أحبك كَالوهه كَبلي هواي

وبيه ما أهم واتركه تعاني

عندي لهفة إلك شايله من سنين

وأظن كلمة أحبك ما تطفي نيراني

ما معقول أعوفك وانا لسة أهواك

ماهو انصاف هذا وانا ما قبل

خلص كل شبابي ويّا غيرك راح

جاوينك ولك ما جيتني منول

ولو أنا اعتقد هذا الجمال البيك

من ربّك هبة وما صانعك معمل

خليلك ثقة وخلّي اكلب بيك

وتركني بمزاجي كون ما تزعل

أوصفنك وصف ما يخطر على البال

بس كون بشرط كلشي احجي تتقبّل

شعرك من تحلة ايتيه الخيال

والوادم غفت جن ليلهم جلجل

وخدودك إشارة وكف بيها السير

ورموشك سنابل عوزهن منجل

حزورة الشفايف وانحجت للناس

وما واحد كدر الهسة يلكى الحل

بياضك مو طبيعي ما حواه مخلوق

تعكس بيه الصورة اطلعك أجمل

أحط عيني اعلة صدرك ونضر المكفاك

حتّى الدم اشوفه شلون يتحول

كصّت شعرها الخلك بس مو مثل كصتك

وما شفت بين الخلك طولك ولا كصتك

جن انتا ولا انس كلي شني قصتك

عجبني طيفك معاي يبات عجبني

وكلما أروح بدرب الكاك عاجبني

تدري انت شنهو الفتني وبيك عاجبني

عاجبني كلك حلو من جدمكلكصتك