كلمات حزينة عن سفر الزوج , اشعار وخواطر عن سفر الزوجة , وداع عن سفر للزوج والزوجه , شعر عن السفر للحبيبة والحبيب
يا مسافر لا يطول بك البعاد .. لا تزيد نار شوقي و الوقيت
انت ياللي ما سكن وسط الفواد .. غير حبك دوم يالغالي يزيد
شوف غيابك كيف يتركني رماد .. شوف وصالك كيف يجعلني سعيد
شوفها الاشواق في بعدك بلاد .. ما تهنى شعبها في يوم عيد
في بعادك كانها تعلن حداد .. تحتضن ذكراك في غيبه فقيد
انت حبي وانت لي كل المراد .. كيف بصبر وانت لي نبض الوريد
ما يعوض غيبتك كل العباد .. ما اجامل بس ذا شي اكيد
درس بعدك منهجه اربع مواد .. دمع و احزان وتناهيد ونكيد
لا غدى ذكراك لي شرب و زاد .. لو خذااني الموت تبقالي الوحيد
لي غزا حبه وسط قلبي و ساد .. ولا لغيرك بالغياب اصبح وعيد
ليت للاشواق يا خلي مضاد .. كان ما بيحت شوقي بالقصيد
العشق جبار و متوني شداد .. والصبر له حد والضيقه تزيد
لو ذبحني الشوق من طول البعاد .. قلي بربك وش اللي مستفيد !!!
استأذنك .. بسافـر ايـام .. وآجيـك
وان طالـت ايّـام السفـر .. لاتحاتـي
حتى ولـو طوّلـت .. مانـي بناسيـك
ياللي بدونك .. ويش تسـوا حياتـي؟
تامر على حاجه؟؟ .. بودّعـك واليـك
عسى عوّض الايـام .. فـي المقبلاتـي
حتى يدي .. ماودّهـا تفـارق يديــــــك
ساكت .. وانا اشوف البلا في سكاتـي
ماشفتني لارحت منك .. التفـت فيـك
بـلاي والله (( روحتـي والتفـاتـي))
لكن قبـل مـاروح .. ودي اوصيـك
وانت الوحيـد اللـي يقـدّر وصاتـي
لاحدٍ سالك .. وقالك ((وين مغليك؟؟))
قلـه: ” لـوازم لاقضـاهـا بيـاتـي ”
وان طروا النسيـان .. مانـي بناسيـك
يـاراس مالـي فـي الحيـاه .. وغناتـي
وان طروا السلـوان .. مانـي بساليـك
طيفك معي حتـى وانـا فـي صلاتـي
قلبي .. وهـو قلبـي اذا مـرّ طاريـك
لولا ضلوعـي .. كـان عـزوا مماتـي
لو جض صدري .. كان يمديـه ياتيـك
ويبـات عنـدك .. ويهنـى بالمبـاتـي
انا .. وقلبي .. والغلا .. ساكـنٍ فيـك
وانته .. وقلبك .. والغلا .. وسط ذاتـي
غلاك .. مثل الحكـم عـــنـد المماليـك
اكـبــر طموحــــي .. لا .. كـل امنياتـي
شف فـي غيابـي ايّ حاجـه تسليـك
لاني بعدك .. اسلى مـع (( ذكرياتـي))
احــــاول اذكـــر .. اي شـــيٍ يـطريــك
“واقول هو سوا .. وانـا ذي سواتـي ”
كني مـوادع .. كــل شـيٍ حــواليـك
وكني حسبت حساب ((حزة وفاتـي))
احب … لاني مقدر انسـاك … وآبيـك
ولا اقـدر اخليـك .. ياللـي تحاتـي
معنى احب .. وماقدر انسـى واخليـك
((يعني بدونك ويش تسـوا حياتـي؟))
ماكنت اظن الحـب للقلـب بـواق
وماكنت اظن العين في يوم تبكيـك
توي عرفت اني لك اليـوم عشـاق
في ساعةٍ حسيتنـا البعـد قاصيـك
اثر المحبه ماكنـه وسـط الاعمـاق
بركان خامد وانفجر قلـب يغليـك
يوم السفر ناوي على بعـد وفـراق
وعلى طريق البعد سارت خطاويـك
ضاق الصدر والكون من ضيقته ضاق
وحسيت وسط القلب هم ودواكيك
والدمع من عيني على خدي انسـاق
