كلمات تصبحون على خير , كلمات جميلة قبل النوم
تصبح على خير ياصوت(ن) يسامرني
يدفي شعوري ليامن عانق اسماعي
ليمن سمعته يسرّيني وياخذني
مدري على وين ياخذني وانا واعي ؟
أنسى من الناس دام انه مواصلني
أبحر معا نبرته وارفع له اشراعي
إفتح شبابيك الهوى جيتك اليوم
بإحساس من زود الوله عده يطير
جيتك مثل طفلن له أيام محروم
عن حضن أمه أبعدته المقادير
وجيتك مثل عودن له أيام مهموم
وده يلاقي بأخر الوقت تقديــر
وجيتك حضن عاشق وهايم ومغروم
وده يضمك لين تصبح على خير
متى تحس إن الهوى شي مقسوم
من قسمة الخالق على خلقه يصير
ومتى تحس إني لك أطيح وأقوم
وأتعب على شانك وأقدرك وآغير
لي في هواك أحلام وأمال وعلوم
وأحزاب وأصحاب وقصيد وجماهير
وهموم وأفكار وهواجيس وحلوم
ودروب وأخطار وعذاب ومشاوير
وحب وغلا وإخلاص ومعاند ولوم
وإحساس وإلهام وشعور وتفاكير
وصحبة سهر ومقاطعة لذة النوم
وأشواق جياشه وعشق وتعابير
في ذمتك مابان لك شي مكتوم
من بعد ماصورت الأوضاع تصوير
لاتحسب إنك شي عابر ومعدوم
وتاريخ حبك فاق كل الأساطير
كني لقيتك ……..وكني قريتك
في كل شي أتخيلك وأسمعك دوم
وأتأملك في الوقت الأول والآخير
من ماضي الأيام لايومك اليوم
وغلاك عندي ماحصل فيه تغيير
وأنا لك الله ماأقبل البيع والسوم
ولا أرضى علي ولاعليك المخاسير
لاْني الوحيد إللي على بحرك يعوم
وإللي عرف مرساه في رحلة السير
لحظه حبيبي قبل يسبقني النوم
بضم صدرك لين تصبح على خير
مدري متى تصبح عيوني على خير
ومدري متى وانا وحزني ثنائي
أشعر بعزلة حس .. اشعر بتأثير
شي أكبر من اني اكون انطوائي
في بيئتي لكل الاحلام تفسير
وعجزت افسر واقعي وانتمائي
انا انتمي للشمس.. للعشب .. للطير
لحزن شاعر .. لفضيلة روائي
انا انتمي .. للمظلمات المناوير
اللي بها تمددي .. وانزوائي
احبك .. ولا زلت كل آخر عصير
احرق قرابيني .. واجدد ولائي
انا الفقير اللي بعد حبك امير
وانا الامير اللي فقربي رجائي
وانا الثقيل الممتلي صدق تعبير
ومعاك احس اني شقي ومرائي
خذني معك .. للصبح .. للحلم ..للغير
كل شي من غيرك كئيب وبدائي
عيّا يجيني نوم سهران من امس
والحال من زود السهر فاتر الحيل
ياساهرين الليل نادو على الشمس
ماعاد فيني حيل اسهر مع *الليل
نم يا قمر دنياي .. تصبح على خير
خل النهار يحس بإنه بقى حي !
كل يوم أحبك غير .. والبارحة غير
بديت أحس ان الخلايق .. ولا شيء
ودي احب ، احتاج ، واموت ، واغير
مثلي مثل باقي العشااق ، والناس
واسمع قبل لانام ( تصبح على خير )
واحلام ورديه ، على صدر الانفاس
لا طال .. بعدك ما تفيد المعاذير
في غيبتك جفني من النوم محروم
وينك ؟ ابيك تقول تصبح على خير
قد لي / ثلاث ايام ما جاني النوم
*تصبح على خير وعسى عمرك يدوم /
حتى لو أنك بالقسى ظلمتني ،
بسامحك في كل حاجه .. إلا يوم /
ترقد عيونك وأنت ما كلمتني
هذا السهـر ضربة וشواق وهموم
يعني على مَ قيل سهران سهران
وحده : من الثنتين ما تجلب النوم
ياھي همومک וو مشتاق لـ أنسان
يالي تركت النفس تسهى بالابيات*
بتنـام نام ياعسى نومتـك . غيــر
تصبح علي عطروفرح وابتسامات
تصبح على حبي وتصبح علي خير
تصبح على ما تحب وأصبح على جَرح،
ذي حالتي كانك تَبي شَرح حالة،
بقول لك شطرٍ ويغني عن الشَرح،
ماظن في دنيا المحبة عدالة،
*ناس تنام و ناس تبدأ هواجيس
و الفرق واضح بين نايم و سهران
أحدٍ قبل نومه تعوذ من إبليس
و أحدٍ يعاني هم و فراق خلان
من غير صدرك يا المساء يحتويني*
من اولك ل آخرك ، واحزاني ايتام !*
حتى السهر ، من كثر ما مل عيني*
يقول لي تصبح على خير و ينام !!
