قصيدة تصبح على خير
هناك العديد من القصائد التي تضمنت تحية للحبيب قبل النوم، ومن أجمل هذه القصائد:
حمد سعد المسرع
تصبح على خير
تصبح على خير ياصوت يسامرني*** يدفي شعوري ليامن عانق اسماعي
ليمن سمعته يسرّيني وياخذني*** مدري على وين ياخذني وانا واعي
انسا من الناس دام انه مواصلني*** أبحر معا نبرته وارفع له شراعي
حسّه جميل ومن الفرحه يداعبني*** ومن زود حسنه اضيّع درب الاسناعي
متعوده كل ليله يوم يطربني*** وان غاب صوته احاسيسي له جياعي
ياناس كافي ترا ذا الشخص عاجبني*** هو لحن حبي وفيه القلب ماطاعي
خلوه يخطي وراضي به يعاتبني*** حبه عفيف ولا به زيف وخداعي
مالوم قلب عليه اليوم يدفعني*** متولع في محبة زين الاطباعي
نعم أحبه ومن يقدر يحاسبني ***دام اني اهواه ما للمعذره داعي
قصيدة تصبح على خير لسعد علوش:
مدري متى تصبح عيوني على خير
ومدري متى وانا وحزني ثنائي
أشعر بعزلة حس .. اشعر بتأثير
شي أكبر من اني اكون انطوائي
في بيئتي لكل الاحلام تفسير
وعجزت افسر واقعي وانتمائي
انا انتمي للشمس.. للعشب .. للطير
لحزن شاعر .. لفضيلة روائي
انا انتمي .. للمظلمات المناوير
اللي بها تمددي .. وانزوائي
احبك .. ولا زلت كل آخر عصير
احرق قرابيني .. واجدد ولائي
انا الفقير اللي بعد حبك امير
وانا الامير اللي فقربي رجائي
وانا الثقيل الممتلي صدق تعبير
ومعاك احس اني شقي ومرائي
خذني معك .. للصبح .. للحلم ..للغير
كل شي من غيرك كئيب وبدائي
(( ودي أظمك لين تصبح على خير ))
إفتح شبابيك الهوى جيتك اليوم
بإحساس من زود الوله عده يطير
جيتك مثل طفلن له أيام محروم
عن حضن أمه أبعدته المقادير
وجيتك مثل عودن له أيام مهموم
وده يلاقي بأخر الوقت تقديــر
وجيتك حضن عاشق وهايم ومغروم
وده يضمك لين تصبح على خير
متى تحس إن الهوى شي مقسوم
من قسمة الخالق على خلقه يصير
ومتى تحس إني لك أطيح وأقوم
وأتعب على شانك وأقدرك وآغير
لي في هواك أحلام وأمال وعلوم
وأحزاب وأصحاب وقصيد وجماهير
وهموم وأفكار وهواجيس وحلوم
ودروب وأخطار وعذاب ومشاوير
وحب وغلا وإخلاص ومعاند ولوم
وإحساس وإلهام وشعور وتفاكير
وصحبة سهر ومقاطعة لذة النوم
وأشواق جياشه وعشق وتعابير
في ذمتك مابان لك شي مكتوم
من بعد ماصورت الأوضاع تصوير
لاتحسب إنك شي عابر ومعدوم
وتاريخ حبك فاق كل الأساطير
كني لقيتك ……..وكني قريتك
في كل شي أتخيلك وأسمعك دوم
وأتأملك في الوقت الأول والآخير
من ماضي الأيام لايومك اليوم
وغلاك عندي ماحصل فيه تغيير
وأنا لك الله ماأقبل البيع والسوم
ولا أرضى علي ولاعليك المخاسير
لاْني الوحيد إللي على بحرك يعوم
وإللي عرف مرساه في رحلة السير
لحظه حبيبي قبل يسبقني النوم
بضم صدرك لين تصبح على خير
