قصائد عن الردي , اشعار عن الصديق الردي , شعر عن أصحاب القلوب الردية
قصائد عن الردي , اشعار عن الصديق الردي , شعر عن أصحاب القلوب الردية
درب الردى مايسلكه غير الرخوم
واللي يشوف النور يكره ظلامه*
..
ولا الردي من فعله الطيب محروم
والحر يفرق // والنعامه نعامه*
..
تربط هل المعروف عادات وسلوم*
واهل المصالح ماعليها ملامه*
..
والحق عندي له براهين *وختوم*
واللي في قلبي في لساني كلامه
..
والكذب في قلب*ٍ به الصدق معدوم
و الله حسيب العبد يوم القيامه*
..*
البارحه والعين مازارها النوم*
*ضايق صدر ..والليل ماقدر انامه*
..
ياصاحبي غالين صارو لنا خصوم
وكل*ٍ على مبداه غير نظامه*
..*
تقدر تقول اني من الوقت مصدوم
حسيت هالمره بطعم الندامه*
..*
ليت الردى من طبع الانسان معدوم*
او ليت في وجه الرديه علامه*
..
اللي بعيوني كان غالي ومحشوم*
ماعدت اشوفه شي .. قل احترامه*
..
ياكثر ماشافت عيوني من رخوم*
وعرفت اميز بين حر و نعامه*
تـرى الـردي خوتـه ماترفـع الـراس !!!
تبغـا تعيـش بخيـر وتـريـح الــراس
لا لا تـخـلـي أكـثــر الـنــاس هـمــك
خلك عديـم إحسـاس قـدام الأجنـاس
لاحـدن يهمـك غـيـر والــدك وأمــك
والصاحب المطنوخ مكسب ونوماس
وأخيـك مـن شاركـك هـمـك وغـمـك
يفزغ معـك لاصـار فالبـال وسـواس
ولاحـدتــك ســـود اللـيـالـي يـلـمــك
وأحـذر مـن الغـدار ياطيـب السـاس
الـلـي لـيـا جــات المـواقـف يسـمـك
الناس يابن الناس تفرق عن الناس
تــرا الــردي يــم النجـاسـه يـخـمـك
تـرى الـردي خوتـه ماترفـع الـراس
بــحــذرك خــوتــه حــــذرا تـعـمــك
والناس فيها أنواع وأشكال وأجناس
ولـنــت خـــاو كـــل طـيــب يـهـمـك
هــذا كـلامــي ولاتـفـكـر وتـحـتـاس
وأفهـم مـرادي وخـل الابيـات يـمـك
قلتـه قبـل لايضـرب براسـك الفـاس
وإن كـان طـاح الفـاس بيثـور دمـك
يالادمي هرج القفا لا يكدرك
خل الردي في هرجته لا يلهيك
الذم من بعض العرب ما يصغرك
والمدح من بعض العرب ما يعليك
وان صرت رافع هامتك في مخابرك
هرج القفا عن هامتك ما يوطيك
وان زان منطوقك وزينت خاطرك
تثني عليك الناس لا جيب طاريك
وان طاب ذكرك كل الاجواد تذكرك
وليا حضرهم صاحبك يفتخر فيك
نصايحٍ سطرتها لجل ابصّرك
وصيت من قبلك بها وانت اوصيك
والعلم يهديك السبيل وينورك
ولا الجهل يحجب سبيلك ويعميك
والحلم عن بعض المشاكل يكبرك
والخوض في بعض المشاكل يدّنيك
مد النظر حتى يقّديك ناظرك
قصر النظر يالادمي ما يقّديك
واحذر تقدر واحدٍ ما يقدرك
ولا تداني واحدٍ ما يدانيك
ولا تقاشر واحدٍ ما يقاشرك
ولا تعادي واحدٍ ما يعاديك
واذا تبي هرج القفا ما يكدرك
فالحلم عن بعض المشاكل يكفيك
