قصائد عن الترقية والتعيين , شعر عن الترقية العسكرية , اشعار عن المنصب الجديد , شعر قصير عن الترقيه في العمل
تسـتاهل الرتبــة وتســتاهل الـطيب
يلــي على فعــل المراجــل مضرا
انشهـدنــك من طـوال الاشانيب
واللحيـة اللى فـي شنبــها تـــذرا
رايتــك بيضـا فوق روس المراقــيب
ولهـا على روس النــوايف مقــرا
عبـدالله ابن سعــود عـطب المضاريب
حرا تســلسل من مواكيــر حرا
رجــلاً يوفي كامــلات المواجـــيب
بعـزوم رجلاً فالصعايب تجرا
ماقلتها ياخـوك قصدي مطالـيب
يكــود أبـيـن حاجتـن ماتــدرا
وختامهــا مبروك كثر الاصاحـيب
وعـد النـجوم الساريـة بالمجـرا
مبـروك ياالشيهـان قـالـوا ترقـيـت
رتبـة عميـد وقلـت : ماهـي غريبـة
عليـك يالشيهـان ياطيـب الصـيـت
عــز الرفـيـق وضــد منـتـه حـريـبـة
يـامـعـرب الـجــدان بـالـعـز وفـيــت
رتبة شرف ماهـي عليـك بصعيبـة
تــوي انــا يـاغـازي الـلـي تهنـيـت
يـاعـز قلـبـي وافـتـخـر واعتـزيـبـة
عساك بالتوفيق فـي كـل مانويـت
وادعي لك اللي عالم الكـون غيبـة
يــاعــدّ ريّ ومــــيّ لــيّْــه وروّيـــــت
يـاقـصـر لـيّْــه يـافـهــد واذتـريـبــة
وادخل على الله فيك لَقمت صليـت
عن الحسد واللي حسد في قريبة
وتحـضـر الدكـتـور واقــول وفـيّـت
وادعيلـك اللـي مـا يخـيّـب طليـبـة
اقـــــرأ رسـالــتــك الـعــزيــزة وفـــزّيـــت
والـدمــع يــجــري والـمـشـاعـر مـهـيـبـة
صفّـق لهـا قلـبـي وزغــرد لـهـا البـيـت
ومنها اصبحت كل الهواجـس عطيبـة
اقـــول جـعــل الـعـمـر سـاعــة تمـنـيـت
فـــدوة لـراعـيــة الـحـسـب والنـسـيـبـة
عـلـى قـدمـك اطـيـح حـــقٍ لـيــا جـيــت
اقــبّــلــه واحــــــب ســـاعـــة تـجــيــبــه
ولو فوق متني شلت جسمك وحجيت
وزرت الـمـشـاعـر فــيــك مــكــة وطـيـبــة
ابقى مقصّـر معـك بالعـون مـا اوفيـت
وتبقيـن فــوق الــراس حشـمـة وهيـبـة
يحـفـظـك ربٍّ لـــه أنــــا الــعــام لـبّـيــت
يـاغـالـيـة يـــــا طـيــبــة يـــــا حـبـيـبــة
مبروك للتعليـم ولحـرب مبروك
ومبروك للي في اللزوم إيعنيله
ياخـالـد أهنـيك والنـاس هنـّــوك
تستاهل المنصب ياذخر القبيـلة
نايب على التعليم بالخرج سمّوك
الاسم أخــذته بالعــلوم الجزيـلة
كفـو التحـدي تكسبـه لا تـحـدوك
سامي ونفسك تعشق المستحيلة
درب المراجل عسر ملغوم بالشّوك
يصعـب على اللـي مايشيل الثقيلة
وانته مشيته مابها ريب وشكوك
لحيــث حـمـل المـرجـله ترتـكـي له
تملك على الفزعات ياخالد صكوك
ولا فــيــه عــلــم إلا مـثـبـّت دلـيـلــه
لله در اللـي عـلـى الطـيـب ربوك
مـن يـزرع النـومـاس يـحصد حصيله
واخـتـامــها منـي تحية وأنا أخوك
أرفـع لك الـبـيـضـا براس الـطـويــلة
