قصائد عن الامن والامان , شعر عن امن الوطن , اشعار عن أمن المواطن , خواطر عن الامان والامن
يالله ياللي بالسمى معتلي فوق
ياواحدن كل البشر ترتجي له
تحفظ وطنا من غدر كل مطفوق
وتحط في نحر العدو مايزيله
وتحفظ ملكنا وكل منهم يقومون
في خدمه الموطن وخدمه محيله
هذا وطنا ياعرب عزته فوق
ويخسى بعيدن ناويٍ له رذيله
أنت الغلا يا موطني منبع الخير
وغيرك أبد لا ماندور بديله
امن وسكينه نعمهٍ مابها عوق
والغير منا ماهتنى في مقيله
الحمد لله دوم في ليل وشروق
نعمه من الله واشهد انها جليله
لا غبت عنك ياوطن هزني الشوق
يصعب على قلبـي يخليك ليـله
لا مالقينا من ديار الكفر خير
كل المشاكل من وراهم نزيـلـه
أسلوب مخفي والظواهر لنا غير
أغلب فتنـّا من وراهم رسـيلـه
واللي زعم بإصلاح وزين التدابير
ومثل على بعض البشر بالجميله
محتال خاين للعهد جد محتال
واللي يطيعه صار فعلا هزيله
حلات من دمّـر هـل الخبث تدمير
وتبرد قلوب اللي عليهم غليله
خسران من خان الوطن جد خسران
واعزتي للي غدر عزتي له
والغبنه إن كان العدو فيك مولود
يوم أدرك الشبعه بدا في هبيله
نسى حنينك يا وطن وانكر الجود
خان العهد عقب السنين الطويله
ما يلزمك يا موطني خاين عهود
خلـه جعل ربي يعجـّل رحيـلـه
لجلك نسوق أرواحنا للعنى سوق
ومهما عملنا يا وطن لك قليله
وأقول للعابث بعيد التفاكير
ريـّح عن أحلامك ترى مستحيله
اغلي شي امن الوطن
انت مصدر للأمن
وانت مامثلك وطن
وانت اغلى مااشوفه
يابلادي في هالزمن
الأمن ويا الأمان
فيك من ماضي الزمان
والرخا في كل مكان
في القرى وكل المدن
كلنا نصبح جنود
نحمي ارضك والحدود
تحت راية بن سعود
ندفع ارواح وثمن
يابلادي لك سلام
والتحية للامام
الله يجعلك في سلام
من تصاريف المحن
من عيون الحاقدين
اللي صاروا مجرمين
وارتدوا الارهاب دين
خالفوا كل السنن
فكرهم فكر وضيع
وفعلهم شي فضيع
يقتلون حتى الرضيع
وتبقى امه في حزن
ياللي فكرك انحرف
ضاع دينك والشرف
فكرك اليوم انكشف
للملا اصبح علن
حنا مانرضى الفساد
والتطرف في البلاد
لا تقول عنه جهاد
هذاارهاب وفتن
كل شبر نفتديه
في المشاعر نحتويه
مانساوم يوم عليه
مانبي غيره سكن
الوطن عشقه قديم
في القلوب قدره عظيم
بلغوا ذاك اللئيم
اغلى شي امن الوطن
