قصائد رثاء في وفاة الملك عبدالله بن عبدالعزيز خادم الحرمين الشريفين رحمه الله
ذيعي ياإذاعه وانشري ياجريده=مشاعري جاشت صد حزن وافكار
مشاعرن مبداء عزاها قصيده=عزا لكم ياسادة الشعب والدار
واهدي لنفسي من عزاها واعيده=لابنا الوطن فخر العروبه هل الكار
في خادم البيتين فزعت حديده=فهد ليا قالوا فهد والزمن جار
يالله ياكاتب لنا ماتريده=ياعالم مافي الضماير من اسرار
ويالله يامعطي الصفات الحميده=صفوت قريش اهل النبوه الابرار
ياربنا المعبود وإنا عبيده=بمرك تصاريف الليالي والاقدار
ارجيك يامن دبرة الكون بيده=تحرم جسد فهد العروبه على النار
وترحم فقيد الشعب وأكبر فقيده=فقيدةٍ يبكونه اكبار واصغار
عطفه لهم رصخ غلاه ويزيده=ويبقا مدى التاريخ للعاهل البار
غيث الوطن خادم بيوت العقيده=رشيد راي وفالمهمات مغوار
المملكة من نفح جوده فريده=سعى لنهظتها بتعليم واعمار
وقفات ابو فيصل كبار وعديده=للعرب والاسلام في كل الاقطار
وان عاندت روس الطغاه العنيده=يحل ما بالروس لو صار ماصار
له كلمةٍ تحسب ونظره بعيده=فخر العروبه هيبته واف الاشبار
رحل عسى مدة يمينه تفيده=في جنة الفردوس من ضمن الاخيار
وعسى عوضنا في بو فيصل عضيده=عبدالله الوافي ذراء كل محتار
ملاذ شعبه فالسنين الشديده=مدت يمينه باتله سر واجهار
وفقك ربي في الامور الجديده=ارجيه من منشي هماليل الامطار
ويمد في عمرك سنين مديده=ويحميه من صكات بقعا والاشرار
يحفظك ربي للوطن يارصيده=ويحفظ ولي عهدك لنا نسل الاحرار
