قصائد ذكرى ثورة 25 يناير, شعر عن ثورة الشعب المصري , خواطر وكلمات عن ثورة 25 يناير

ياشباب الفيس اثبتو السيادة
لأنّكم جيلن بأفكار ٍ جديده

وانكم اعصار جارف لاهواده
وانكم ابطال للأمة المجيدة

وانكم رمز السماحه والوداده
وانكم اهل الرقي تمشون سيده

وانكم بالعزم سادات الارادة
وانكم للعز غاية مايريد ه

وانكم اعطيتو للعالم افاده
اننا شعب(ن)اراداته عتيده

وانكم فيذا الزمن غاية مراده
وانكم احييتم قلوب ٍ بليده

وانكم بالزين عود بشتداده
وانكم للعز الهام القصيده

وان واحدكم اخذ احسن شهاده
انتم انتم للشرف قلبه ووريده

صوتكم يطرب قلوبن بارتداده
له جرس يرقص معه قلبي يعيده

لأن واحدكم صمد حتى الشهاده
لارصاص (ن) حي لامدفع يحيده

لن واحدكم وقف كله جلاده
يالنصر يايفعل الله مايريد ه

وانتصرتو وتستحقون الاشاده
سطّر التاريخ فيكم شي يفيده

وسلامتكم

مصر الشعب تملي بخير
واقفين في ميدان التحرير

لما الصبح يهل عليهم
ينده لنا ياصباح الخير

ياصباح الورد ياثوار
ياصباح الخير للتغير

ياصباح الهنا والحرية
ياصباح الرضى والتباشير

ثورة مصر الحلوة ياناس
جمعت بين فلاح ووزير

جمعت مسلم ويا مسيحي
فوق سجادة حب حرير

عيش وملح وحبة بركه
وقلوب فرحانه وبتطير

ايوه يامصر ياأم الدنيا
ياأصيلة والقلب الكبير

احنا فداكي قلوبنا معاكي
ايوة يامصر الدنيا بخير

مين اللي قال ؟؟

شعر : ماجد كمال أبادير

مين اللي قال ان البلد عايزة ولد ؟؟؟؟؟؟
طاب يبقوا مين الملمومين حوالين بلدهم ف الميدان ؟؟؟
وف كل شارع ف البلد ؟؟
ومهملين حالهم ومالهم
مزروعين …
سايبين عيالهم ..
كانخيل اتصب طوله للسما !!
واللي مايشوفشي امتداده ..
ده اكيد يبقي اتعمي ….
والله يا مصر عمار .. عمار
مسروقه طول عمرك ..
ويوم منك .. ماينقطع الخضار ….
والقطة والكلب اللي ضالين ف الشوارع
ما يباتوش من غير عشا ..
يا مصر قومي اتكحلي .. واتزوقي …
واترسمي فوق كل البلاد …..
ياه ع السنين …
حبة ولاد..
يفرحوا القلب الحزين
بيموتوا لجل ما تكوني الاميرة ..
اضفري . واتبغددي.. وريني مقدار الضفيرة ….
شوفتي … سيف الله وسالي ؟؟
شوفتي اسلام ويا احمد ؟؟
مينا .. جرجس ..والا مريم ..
مصطفي وابانوب.. محمد .. ويا غيرهم …
شوفتي وائل …
بدر طالع م السجون ..
لجل يقول الثورة مالهوش فضل فيها ….
واتفطر ساعة ما شاف تصاوير خواته م العياط
اللي طلعوا عشان يموتوا
ف الميدان مستشهدين ..
الواد أمين …
ذي كل ولاد بلدنا الطيبين
اه يا بوي ع الولد دول
متعلموش الكذب كيف ف المكرفون
وازاي تكون .. وانت لا شئ ولا يحزنون ..
متعلموش الغش فوق ساحة القمار..
ولا يعرفوش الا العمار …
ماباعوش بلادهم .. او عليهم يوم تهون ..
الخلق كله ف كل عالم
شاف ولادك …
اللي ليهم .. يامه كل الاحترام
واللي ليهم .. فضل حق الاختراع…
ثورة طالعة بالغنا .. وب لابتسام
وبيعزفوا …
وبيرسموكي ف احلي صورة باكتمال …
طاهرة في غاية الجمال
ياه ع العيال ..
لأ .. ويقولوا …
مصر قال
عايزة .. ولد ؟؟؟؟؟؟