قصائد اسيا للهلال , اشعار هلاليه عن اسيا , شعر زعيم اسيا للهلال
الشاعر البقمي يحفز الهلاليين قبل النهائي: ولا يرضي الجمهور غير السابعة
هذا الزعيم اللي على العليا رقا
ما تختلف عند (اللقا) روابعه
في آسيا باقي، وغيره ما بقى
ولا يرضي الجمهور غير السابعة
تاريخك الحافل على بيض الاوراق
يشهد بأنك: تستحق (الزعامه)
أرضيت يا شيخ البطولات الأذواق
ولك من سنام المجد عالي سنامه
ينساق لك جمع الجماهير ينساق
ياللي لك الجمع الغفير احتدامه
خصمك على الميدان قافيه الإرهاق
يتعب ولا له مكسب إلا الندامه
لأنك على مجد البطولات تواق
مابه غرابه كل شخص ومقامه
تتعب على ذلك ودرب الذهب شاق
ومن يعشق القمة يزيد اهتمامه
عينك على كسب النواميس تشتاق
هامه على مجد البطولات هامه
أنت الهلال اللي له الكاس ينساق
وأنت الزعيم وتستحق الزعامه
قصيدة الـ ATTACK لـ زعيم آسيا
يا هاجسي هذا القلم ويّا الورق
بكتب لي من الشّعر أبياتٍ جزال
والشّعر ذوق وفن عن غيره فرق
يا حيّ مكتوبه… ويا حيّ المقال
شف الزّعيم اللي على لونه برق
هذا الزّعيم اﻵسيوي صعب المنال
يوم اندفع وحش البحر غيره غرق
العَوم صعب الاّ على نادي الهلال
من يلعبْ بنار الزّعيم،؛ الا احترق
ومن واجه الـATTACK مايقوى النّزال
هيبة ملك… من واجهه هاب وذرق
المملكي ‘شموخ’ وله قدر الرّجال
هذا الهلال (الموج) في لمعِه زرق
هذا الكيان (المجد) ما مثله مثال
هذا الجمال اللي له العقل انسرق
هذا الجواب اللي يبي ردّ السّؤال
وختامها.. بختم على بِيض الورق
بالختم الازرق واطبع شعار الهلال
كلمات BandarHabob بندرالخنيفر
هـذا الزعيم اللي يسوي الهوا يل @ اللي يولع في خصومه وقيده
هــذا الهلال اللي عليه الصما يل @ لا من بغيت العز شفلك وليده
زعيم لعناق الذهب دوم طـــــايل @ حتى المنصة منه دايـم سعيده
يحرص على التتويج مــاله مثايل @ ويجمع الكيسـان يـالله تـزيده
هـذا الفريق اللي للأ مجاد نـــايل @ هــذا فــــريقاً صـار حاله فريده
يــاحظ من يهتف لزرق الفــنــايل @ لاصــــار حبه مــاشياً في وريده
اللون الازرق هـــو دواء للعـــلايل @ والابيض يــداوي جروحاً اكيده
جــمهوركم مــابين جده وحـــايل @ عشـــاق فنك واصــلين الجديده
ومن الكويت الين قرية مـــحــايل @ ومن المــدينه لين تــاصل عبيده
كلن يغني يــــاهلال الاصــــــــايل @ كلن يقول المــوج منهو ضــديده
والكابتن اللي دوم للكاس شــايل @ اصــبح طبيعي شـــوفت الكاس بيده
مــاهي غريبه لعبكم كـــــل فايل @ اصــبحت دكتور الــنوادي العنيده
انت الــزعيم اللي تــوفي الجمايل @ وانت اللذي منك البلد مــستفيده
جـــمهورك لحبك يســوي الهوايل @ وانا لحبك كاتب هــــالقصــــــيده
عن آسيا لاننشغل بالتفاهات @@ وإعلامنا مع الأسف ممتحنا
يشهد لنا تحقيقنا للبطولات @@ ويشهد لهم وش كثر يحكون عنا
امجادنا ماتنحصي بين الابيات @@ كم مرةً نرز رايه وطنا
رح نرتفع عن ناقلين الأشاعات @@ ولاعندهم ياكود كنا وكنا
عزي لهم لو ثرثروا بالمحطات @@ مالومهم مبطي يغيرون منا
هذا الهلال ان صار للجد حزات @@ جمهورهم صفق وشجع وغنا
غنى لهم بأحلى الجمل والعبارات @@ أنا وخلي كل دار وطنا
