عبارات وكلمات عن الطلاق , اشعار وخواطر عن الطلاق , بوستات ومنشورات عن الطلاق

عقب البطا لاقيت ظافي الجديلات = ياليتنا عقب البطا ماالتقينا
سلمت وقلت لنور عيني سلامات = وش غيًرك ويش السبب ما تبينا
دنق وقال ارجوك إنه العلاقات = شيٍ حصل ماعاد هو في يدينا
طالعت فيه وهلت العين عبرات = في ساعةٍ غصبٍ علينا بكينا
حاولت اعبر عن همومٍ خفيات = بس الحكي شيفيد مهما حكينا
كتمتهن بالجوف لوهن قويات = راضي على ماصار لو مارضينا
وآخر كلامه قال لي كم كلمات = لاتسيء ضنك في غصبٍ علينا
ولف العباه وراح وانا بحسرات = فرقاًجرت من غير ذنبٍ جنينا
وقمت اتذكر كل شيٍ لنا فات = قبل ايتغير بالمحبه حدينا
ياما سهرنا بأظلم الليل ساعات = وياما طلع نور الفجر مادرينا
وياما لنا فوق المراقيب ذكرات = وعلى جبال الزور ياما رقينا
وياما تحملنا الصعوبات مرات = وياما على سود الليالي شكينا
على زمانٍ فات جريت ونات = لو هن على ضلعان مكه تلينا
اقرا الموادع بالقصص والروايات = لاشك ماضنيت بيصير فينا
وارجع واكرر كلمةٍ لي بسكات = ياليتنا عقب البطا ماالتقينا
ومنشورات 37456hlmjo.gif

لي بنت عمٍ ماوطت درب الأدناس

مادنست يوم النساء يدنسنّي

ضربتها وأنا أحسب الضرب نوماس

وطلقتها يوم أفخت العقل منّي

يا ناس كيف العين تبكي على ناس

وكيف العيون بلا رمد يسهرنّي

لو ينشكي حبه على ذيب الأخماس

يسرح مع الطليان ولا يجفلنّي

ولو ينشكي حبه على الطير قرناس

أضحى الضحى بموكره مستكنّي

ولو ينشكي حبه على قب الأفراس

عيّن نهار الكون لا يفزعنّي

ولو النجوم اللي مع الليل غلاس

يدرن ما بقلبي لقلبه يكنّي

تلقى سهل جُبَّة هضاب ومنحاس

وحتى الجبل بالقاع صار متثنّي

ولو البيوت مشددينه بالامراس

عيّن مع الخفرات لا ينبننّي

نطيت راس ضراس من فوق الأطعاس

ولا لوم طراد الهوى لو يجنّي

وهليت دمع العين وأوميت بالراس

ورافقت كور العيس ياما ابعدنّي

وممن كان الطلاق عليه ضيقاً لا سعةً الشاعر المعاصر علي الحميدي، والذي صادف أن رأى مطلقته مع أخيها في مستوصف يدعى بمستوصف ” القمة ” فقال أبياتاً حزينة مطلعها:

صادفتها صدفة بمستوصف القمة

بالعين راعيتها لحظة وترعاني

إلى أن قال متوجعاً على أيام سلفت:

قمت أتذكر زمان فات وألمه

لا عاده الله نصيب يوم وداني