عبارات عن مرض الاحباب , ابيات شعر عن المرض , كلمات قصيرة عن المرض
ياعين وين النوم وانتي حزينه
وين السعاده بس وين السعاده
هلي دموعك في هدوء وسكينه
وان زاد دمعك لجله اخذيه عاده
يوم الرسايل جاتني بالغبينه
قالوا مريض وبالعنايه رقاده
حبيبك اللي بالوفا خابرينه
اصبح على فراش المرض والوساده
ضاقت بي ايامي وعفت المدينه
والجوف ناره تشتعل في زياده
واحزان قلبي زودت في ونينه
الله واكبر شوف حظ القراده
قبل امس انا وياه عيني بعينه
ويقول عمري معك حقق مراده
حبك يالغلا في يدين(ن) امينه
حافظه في قلبي ولاله اباده
واليوم خلي وسط غرفه وشينه
يرثى لحاله والدوا ماافاده
وانا همومي في خفوقي دفينه
اقضي دقايق ليلتي في نكاده
ضاع الفكر والصبر ويني ووينه
اظلم نهاري بعد خيم سواده
واجر صوتي والعرب سامعينه
جمر الفرح طفى وباقي رماده
عمري بدونه ناقصات(ن) سنينه
احسن لي اطلب من بعده الشهاده
لكن ياربي طلبتك تعينه
ادعيك وارجي من دعاي استفاده
يارب عبدك رافع(ن) لك يدينه
يطلبك وانت اللي عليك اعتماده
يالله تشفي من لقلبي ظنينه
ويلبس يارب الطيب لبس القلاده
يا العين هلي صافي الدمع هلي~~~ماكنبك يا العين ولع حــــراره
والعين من كثر البكاء ما تملي~~~تبكي علي الغالي وتكفي الأشاره
يا العين لا تبكين حياً مولي ~~~ مالك جدي يا العين خوذي عباره
جيلٍ رحل والجيل الأخر يحلي~~~ياكل مواريثه وينزل ادياره
اسنين وشهور وليالي تزلي~~~موج السراب اللي علي راس قاره
حليت انا الدنيا علي موج ظلي~~~ لو طال فيها مايكمل نهاره
والاجل مطوي والليالي تهلي~~~ولابد من عقب السناد انحداره
ستين حجه من الليالي مضلي~~~في معتلجهن بين ربح وخساره
يالله ترحمني لقرب اللي~~~ اربع علي اربع يم حيد الزباره
صلو عليه مع صلاه المصلي~~~ لابه سجود ولا سلام يساره
والطيب اللي من ربوعي نزلي~~~ عقب المخده وسدوني حجاره
طلع وخلاني وحيدٍ لحالي~~~سلم وودعني بعزم وجباره
وهلو عليه من الترب هلي~~~ ومشو ولا عادو عليه انتظاره
لا باس يا مضنون عيني حبيبي
جعل ربي يا هوى البال ياقاك
من كل شر وكل جرح عطيبي
يا لتني خذت المرض عنك ما جاك
وتصير من بدى الخلايق طبيبي
ترى حياتي ما تهنا بلياك
ليتك دوى من عند عيني قريبي
او ليتني نسمة صباح بدنياك
ألثم جبينك عقب طول المغيبي
أو ليتني طيف يزورك بممساك
واشاهدك واقول يا نفس طيبي
بالحيل أحبك واعشقك واتمناك
يشهد على ما اقول دمع سكيبي
