شعر معايدة للزوج , قصيدة للزوج في العيد , ابيات شعر تهاني للزوج
كل عام وانت بخير وايامك بخيـر
لايابعـدهـم كلـهـم ياغنـاتـي
انت بحياتي شي ثاني عن الغيـر
تقدر تقول : اجمل حدث في حياتي
انت الفرح انت الوفا والتباشيـر
انت امنيه لا والله كـل امنياتـي
دايم افكر لو خسرتك وش يصيـر
وقول دايـم جعـل قبلـه وفاتـي
من قبل اعرفك ماحسبت المخاسير
واليوم شفني ماخسرتك واحاتـي
اذا افترقنا بطلبك مطلـب صغيـر
لاتزورني بين النعـاس ومباتـي
اخاف لاجوني طيوفـك مساييـر
قلطهـم قلبـي تعشـوا ممـاتـي
ماقلت لك طبع الوجيه المسافيـر
ماتغيب وان غابت ليالـي وتاتـي
يعني اذا بتغيب من غير تفكييـر
ارجع قبل لا ينكسر لـك ثباتـي
ولا اخذني معك من وين ماتسيـر
مدامك الدرب الطويـل بجهاتـي
لو نفترض اني وصلت السما طير
احوم حومة حر والريـح عاتـي
المشكلـه انـي بليـاك ماطـيـر
لانك جناحـي للمطيـر ونجاتـي
الطيحه منك تترك اسنيـن تأثيـر
من قال لك ماراح تشمت عداتـي
لا والله الا طيحة الدلو في البيـر
ياكبرهـا منـك الملـم شتـاتـي
وصيتي ان قلبك يذكر الحب بالخير
ولا انـا والله لأقضـب وصاتـي
امانتك .. في داخلك شوفني غير
وامانتي .. لأقربك قـرب ذاتـي
من كثر ماخانت غـلاك التعابيـر
معاك احس اصدق كلامي سكاتـي
لكن تعال وخـل عنـك المعاذيـر
شفني شسوي وسو عقبي سواتي
ارفع يديك لمـن يـرد المقاديـر
وردد ورايـه ماتقولـه شفاتـي
كل عام وانت بخير وايامك بخيـر
وانا معاك اعيـش باقـي حياتـي
