شعر مدح الجد , اشعار عن جدي الغالي , خواطر وكلمات حزينه عن الجد , قصيدة حزينه عن جدي
سلّم على اللي عطاني شي مايعطى
الشايب اللي رهنت العمر له كلّه
هو تاج راسي وهو ساسي ونبراسي
وهو بعد ظل الله اللي ظلني ظلّه
من غيره اللي يقدمني على نفسه
ويرفع خمالي ويدمح عنّي الزلّه
سلّم عليه اربعه مليون تسليمه
وقلّه يا هوجاس قلبي بعدها قلّه
يلعنّي الله وتلعنّي ملائكته
ان كان عمري ما سقته كلّه ارضا لّه
اكبرها نطحة عدو يبغي الضدّه
واصغرها لو انفعه في صبّة الدلّه
نذر علي ماافتخر فيها ولا اجامل
أبـــوي عزّي وانا لا جيت عزّله
ما هي بكلمة ضعيف ما يثمنها
والهرج كل يبيه ان جاء على حلّه
انا لبوي اثقل من طويق وجباله
واسرع من البرق لا من جاء لزوم لّه
بالله وشني بعد حي على شانه
ان مانفعته خساره اطلع ابن لّه
انا معه فأوّل الدنيا وتاليها
وماني بناسي كلامه لا حشا لله
حتى لو اروح وامشي لاخر الدنيا
انا على اللي عليه ودربي ادلّه
ما ني بخاوي من الشلاّت ضايعها
انا على العود ماني من هل الشلّه
اللي تبيع الشرف والدين والشيمه
وتخلّي العقل فيه اربع مية خلّه
انا على عز ابوي وما بنى جدّي
والطيب والمرجله صارت لي جبلّه*
الطيب آرافقه لو تبعد دياره
والفرصه اللي تجيبه تبري العلّه
واللاش ماارافقه لو هو ولد عمّي
ماهو بكفو لّي وماني بكفو لّه
وان ابتلاني عدو رافع خشمه
بسل سيفي وليش السيف ما سلّه
دامه عدو بلاني ويش اسوي به
مثل اختي ان كانها تدخلني الذلّه
بابيع نفسي لو ان الموت قدامي
والموت واحد وانا ديني على الملّه
وان ابتلاني ضعيف ماعلي منّه
مادام يجهل دقاق الهرج من جلّه
وانتم يا حساد قولوا ماتقولونه
اللي بقلبه غليل يبطي بغلّه
سلّم على اللي عطاني شي ما يعطى
الشايب اللي رهنت العمر له كلّه
سلّم عليه اربعه مليون تسليمه
وقلّه يا هوجاس قلبي بعدها قلّه
في ذمتي ماعلي من صكّة الدنيا
مادام حي لي ومادمت حي له
أبشتكيلك دامك أعز الأصحاب
شكوى جريح يبتسم في ونيـــنه
جرح أحسبه طاب وأثره ما طاب
خلا دموع العين تنزف حزينــــه
جرح مع القلب حاضر ولو غـاب
خلا همومي بقلبي سجينـــــــه
ماهي جروح الحب وآلام الأحباب
ولا أمراض بجسمي مستكيـــــنه
شكواي لك يا أعز الأصحـــــــــاب
فرقى العزيز اللي غلاته ثميــــــنه
جدي اللي عن البال ما غــــــــاب
مالكٍ قلبي ونبضة حنينــــــــــه
عايشٍ اليوم لكنه عن العين غاب
وقلبي يحن لتراب ذيك المديـــــنه
كان شمسي واليوم أصبح سراب
صبحي حزين وتوالي الليل شيــنه
والقصايد في دفا الجمر تنســـاب
ترثي الغالي وتقبّل يديـــــــــنه
شهم عزيز وفزعة للأغــــــراب
لا بغيته أعطاك وشمّر يمينـــــه
يفعل الخير ويوصل الأقـــــــراب
أنا أشهد إنه عاش رافع جبينــه
رجل وتبقى له بقايا وأســــــباب
غاب بس تبقى سمعته حيّه رزيــــــــنه
أدعوك يا رب الملك والحــساب
ترحم كريم ٍما أخفى الضغيـــــنه
جاني خبر اليوم ياناس يهز الجبالي …
وقلبي من صدمته صار يشتعل نار…
راح العزيز الي علي القلب غالي…
وماترك لنا غير الحزن والاصبار…
راح من غير رجعة عسامقامه في الجنة عالي…
وحنا مالنا الاالصبر والرضا علي حكم الاقدار…
لكن فرقاه علي ياناس شتت لي افكاري…
وصرت بين العرب هايم ومحتار…
افكر عقبه وش بيصير في حالي …
مات الحبيب السنافي وافي الاشبار…
مات . مات . مات جدي مات الغالي…
ليت قلبي وقف بدل قلبه وافديه بالاعمار…
ليت روح بروح تنفدى كان فدوته روحي …
ليت جسمي بدل جسمه وانكفن بين الاقبار …
ليتني انا الي مت وظليت يالغالي …
كيف العمر يصير بعد فرقاك اشهدانه ماصار…
لكن مااعترض علي حكمة الله الوالي…
كلن بيجية يومه وهذي حكمة الله الجبار…
واطلب الله عالم الغيب وعالم بالخوافي …
ياعسي مثواه في الجنة مع الابرار …
وياعسي قبره روضة من رياض الجناتي …
وياعساه يبرد عليه ويغنيه من عذاب الاقبار…
وبدعيلك ياجدي كل يوم وفي صلاتي …
ان الله يسكنك الجنه ويبعدك عن النار…
……………………….
