شعر غزل في غمازات البنات , قصيدة الغمازتين , اشعار قصيرة عن الغمازات والخدود
فديتها من لها غمازة على الخد
تبسمت تخربطت معالم وجهي..
لا ضحكت بضحكاتها يخجل الورد
بدلعها تبعثرت وضاع حسي…..
كلامها شكثر عدل لاوربي تنحب
تمنيت تكون اميره على نفسي..
.
.
قصيدة الغمازتين
اللى عليه الغنج …طبق راحتيه
والغنج خصلة .. تحتوي خصايله
دايم مفضح بي .. وأنا ما قول ليه ؟
فضيحته .. ستر الهموم الجايله
صغير .. ومدلع .. ومزيون .. ونبيه
أخذت لي عامين .. وآنا آحايله
جيته .. رجل عاقل .. معه خافق .. سفيه
ما لوثه .. دم الحياة الزايله
أنا فدا الغمازتين .. بوجنتيه
وا ذبح قلبي .. وا كبر غلايله
والموت .. لا سولف وعضض .. شفتيه
أيقنت بحظوظ .. العباد .. المايله
هذا وهو .. ملقوف .. وعناده كريه
ليا ركب راسه .. وقام يشايله
ليا زعل .. حتى إتصالي .. ما يبيه
وليا رضى .. يزعل على .. موبايله
وإن شافني زعلان .. والخوف يحديه
تشبع الجوال .. من رسايله
بزر .. قسم وجه الدلع .. عشرة وجيه
وتعددت على الدلع فضايله
مدلعه .. جده .. برغبة والديه
تدليع جد .. وتختلف وسايله
وأنا الضحية .. والبزر .. ماله شبيه
عنده لرفع الضغط .. قدرة هايله
لا شافني مقبل .. يسلهم ناظريه
سلهام خبث .. ونيته متحايله
لأنه يعرف إني .. بسلهامه .. أتيه
توهة دليل .. وتاه عن دلايله
وإن قلت له بشويش .. شب الله عليه
قام يتكسر .. وأسبلت جدايله
وسمعته يتمتم .. ويشر لي .. بإيديه
والله لا أطلع لك ..نجوم القايله
دلوع ما همه .. وانا مجبور فيه
ومسامحه .. مهما تكن .. عمايله
دامه يعرف إني .. على أية حال أبيه
وشلون ألومه .. وأتقي حبايله
حفيت سباريت القدم .. منه وإليه
ما غير أقابل بيتهم .. وآآخايله
وانا عشان أجيه .. لاحبيت أجيه
صاحبت منشانه .. جميع العايلة
( مطلق النومسي)
غمازة الخـد الايمـن تـش؏ـل الغيـرھْ
وتـغـار منـھْـا م؏ـآنـي خـدّگ الثـانـي
وال؏ـين ؏ـين أشقرٍ تَشبر مشآبيـرھْ
أشقر وحـش ما قنـاھْ فـلان وفـلانـي
من شافھْا شاف حتف الموت ومصيرھْ
إن مات قالو .. سبب مد؏ـوج الأ؏ـياني
والحآجب اللي تقـوّس خـآن ت؏ـبيـرھْ
مـاگنـھْ الا جـفيـر الـسـيف شـآمـاني
منتـي طـويلـھْ ونـذرٍ منـتـي بقِـصِيـرھْ
والخصـر ضامـي و؏ـودگ ؏ـود رويانـي
وإن شفت زولگ أجي بأول جمـاھْيرھْ
لامـن تـمــايـل أمـيـل بـگـل وجـدآنـي
والردف لامـن مشيتـي ياللھْ الـخيـرھْ
گـنّـھْ يــضـايـق فـوادي ويــتـحـدآنـي
والساق مدموج ودمجھْ دمج تجبيـرھْ
من فوق مقْـدم وگنّـھْ راس ث؏ـبانـي
ولا جيت بآصف جديلگ جيت للحيرھْ
غطى ردوفگ وظھْـرگ ..گل ما بآنـي
ي؏ـني ترا تلبسين الشَعْر .. تصبيرھْ
دامـھْ يــغـطـي مـلامــح گـل فـتانـي
ولاّ نتاج الجـمـر قشـطـھْ م؏ـ شيـرھْ
واللولـو مصفـوف .. گنـھْ حـب رمـآنـي
مدري وش اللي بقى بالوصف وآثيرھْ
وٱن̷ــٌـأا الـذي گـل شـيٍ قالـھْ لسـآني
غمازات تهبل بخــــــدوده
يارب الحلــــــــوه اعجبها
الملح تعدى حــــــــدوده
بيضـــــــا واسود حاجبها
ماشي يتمايل عــــــوده
من كوكب ثاني حاسبها
فـــــــرحان ورايق موده
كـــــــــلاَ يبغى يناسبها
جيد جداَ ياجــــــــــــوده
قـــــــلوب كثيره ملهبها
علقتـني بالضحكة اللــي تسبــق الغمازتين
وتركت لي شاعـر كـتب فيــك القصايد وانتحر
سيلت دمعــك واستبــاح الدمـــع ستر الياسمـين
وعلمتني كيف الندى يجمل خـــدود الزهر
الله يسعد مسااء غمازة خدودك
اليا طرت لي يهز الشوق وجداني
والله يسعد مسا حجانك وسودك
ياكثر ماقرا سوالفها وتقراني
