شعر عن نجران , اشعار مدح أهل نجران , قصائد نجرانية روعة , قصيدة عن منطقة نجران
ديرتي نجران داري والكرامة***ديرتي نجـران تستاهـل وسامـي
ابشري يادارنا بعـز وسلامـه***والله انـك سالبـه كـل الهيامـي
يرقص العصفور بك ويا الحمامه***دار حب ودار خير وبك كرامي
اعصبي راسك مع بيض العمامه***دام ربعي بالوغى صبيان يامـي
والتحايا لك يامشعـل والسلامه***كلنـا ويـاك بالـدرب العظامـي
والله لاناصل حدود اعلى الغمامه***والايادي في بعض طول العوامي
الــــشـــــاعـــــر الانــــســـــانـــــي
ديرتي ياديرة العز والفعل الجميل
ديرتي نجران دار الوفا والمكرمه
ديرتي من عاشها يعرف الماضي الأصيل
من ربى فيها ربى والشهامه محزمه
الجبل فيها وحَش لاهلها حرٍ كفيل
والنخل من هو لفى .. من ثمرها تطعمه
والشجر منهو جلس تحتها صوبه تميل
والثرى كنها سهم .. والثريا محكمه
من نوى شر ايعرف بأن آخرته قتيل
والله ان الموت في ذمتي مايسلمه
الشجاعه ثوبها مايواطنها ذليل
من لفاها تكرمه واتحميه وتحشمه
الفتى فيها شلي والشجاعه له سبيل
والكبير يعين منهو نصى له وازهمه
مابه ابها لا نذل يتبع القول النقيل
ومن طلع فيها نذل قامت امه ترجمه
شعبها وافي دبل ساميٍ خلقه نبيل
ذاك تاريخ العرب والزمان مترجمه
ذا شريف وذاك يامي وذيا من بكيل
قولة ارحب عندهم في الشفاة معلمه
القنا والسيف والليل وانغام الصهيل
والشعر والهيل والقبيله والمرسمه
شعب يفدي للوطن بالكثير وبالقليل
وقالوا اللي ماغبر شاربه مادسمه
ياطيور استامـني شعبنـا سيفٍ صقيل
الرعون نحاكمه .. والردي نسفك دمه
الهواء نسناس والليل ابتداء والشعر دوبه
يا قصيدي لا يروعك الزمن والليل ساري
وان مدحت امدح رجل ذكره الي منهم حكوبه
ثارت البندق وسال الدم من روس الشباري
يا عرب نجران صيحوا من شماله لي جنوبه
ومن علوه لين حدريه وانا ما اثني قراري
وصلوا للمكرمي سلام فيه من العذوبه
ما يداوي علة المرضان ويرد اعتباري
هيبته تذكر ووقفاته مع الناس محسوبه
يا شذا العود المعتق يا هوا البن الهراري
ما نسينا يوم جدك ناصر عجيم بحروبه
تدري العجمان وابن الذيب يا العجمان داري
يكفي ان يمناك في الصكات ما هي بمعطوبه
وشاربك ما يدسم الا من ظهر ذيب المساري
انت جدك مرجع الديره ولا خيب شعوبه
لك مثل ما له فعول وفيك من جدك مواري
احتزم بإسم الديانه والعقيده والعروبه
وانت تدري كل غمر من ضنى يام انتحاري
والقصيده في حسين ابن اسماعيل العجوبه
تجبر الشاعر يطوح غترته والضغط ناري
جل همه: كيف تفهم كل ذا العالم اسلوبه
ما طمع في مال بنك الراجحي ولا التجاري
كل دعوه من فمه تستحظر الغيم وهبوبه
وكل سجده منه ترسل لي من الايمان طاري
من طهارة قلبه تشوف النظافه وسط ثوبه
أي نعم ذا رأيي الشخصي ولاني باستشاري
في جبينه هيبة الأقصي وعشرين الف توبه
وفي كيانه هيبة اليامي وعزي وانتصاري
انت كنك بارد النسناس في عز الرطوبه
تبتسم وتندي الازهار وتهب الذواري
كل مامريت قصرك قمت ألد العين صوبه
كنك القصر المبين بمعركة ذات الصواري
في ضلال الدوله اللي عزها عز العروبه
يحفظ الله الملك والشيخ والصرح الحضاري
