شعر عن مدح الصديق , اشعار وخواطر عن الصديق , قصايد عن الخوة والصداقه , قصيدة فخر بالصديق الوفي

الجود شيخ تملكه عدة اطراف
بس المراجل حالفه انك ولده
عريب جد وحاوين كل الاعراف
دنياك جنة بس فعلك رغدها
كن العلوم الطيبه عندك اهداف
صارت فريسه وانت كنت اسدها.
ذهبت للسوق حتى أشتري ساعة غالية ………
بس ما لقيت أغلى من الساعة الى شفتك فيها
انت ياخوخه انت يامشمش!!
انا بدونك حاجه توشوش….!!
سلام يا اهل الجود والطيب
ياللي لكم بالصدر قدر ومعزه
القلب من فرقا الاجاويد يهتز
مثل الشجر يوم العواصف تهزه
في قربكم كل المخاليق تعتز
وعيني لكم تشتاق في كل حزه…
لوسمحت لاتتصل على جوالي
اتصل بقلبي
فتحت لك خطة مباشر
خذ الرقم
أ
ح
ب
ك
أنا من دونك عيش بلا دقوس وأنامعاك أحلى مجبوس من حبك صرت متين و متروس
كتبت أنا في تالي الليل بيتين
لعيون من يسوى جميع الخلايق
اللي معاهدني على الزّين والشّين
واللي بشوفه يصبح الفكر رايق
الصاحب اللي منزله داخل العين
هو الخوي وقت السّعة والضوايق
____________________________
يا سائلاً عنّي من القلب لبيه..
صوتك عزيز وغصب عنّا نلبيك..
مثلك من الأجواد لا شك نغليه ..
ونفتح لك أبواب الخفوق ونحييك ..
واشري رضى من يشتريني وارضيه..
واقول له بالرّوح والعين نشريك…
____________________________
سر يا قلم واكتب من المدح ما طاب
في الّي جزيل المدح يستاهلونه
ناس مزايين والرّجا فيهم ما خاب
الرّوح و القلب فدى لهم لو يطلبونه
و اكتب لهم شيك محبّة مفتوح الحساب
يسحبون من رصيد الغلى و أبد ما ينقصونه
____________________________
اكتبه شعري عسى شعري يجود
بالحروف اللي حلاها من حلاك
كل حرف ما بلغ وصفك حسود
لعنبو قاف عجز يلحق مداك
____________________________
لو أكتب إحساسي بالأشعار وأبديه..
فيك المشاعر كيف بس اختصرها..
قدرك كبير ويعجز الشّعر يوفيه..
كل القصايد فيك ينضب بحرها..
أرفع يديني واسأل الله وأرجيه..
ينجيك من شرّ الحياة وكدرها..
____________________________
من رافقك والله حشا ما يخليك
لو عاشرك كل الدّهر ما يملك
أنا أشهد إني حرت مدري ش سميك
كل الخصال النادرة ينتمن لك
الطيب كنّه شابك ايديه فيديك
إن كان له صاحب فهو صاحب لك
____________________________
والله ماني على مدح الرياجيل بخيل
خاصه لا جيت امدح في زحول الرجال
المشكلة مدحهم حمل لا شلته ثقيل
من ثقلها ما يقدر عليها كبار الجمال
حتى لو تحاملت على حملها لا بد يميل
مال الجمل حيله على حمل الأثقال
اجل وش حيلة قلم بالقصايد يخيل
في معانيها صدق من مزون الخيال
قصيدة ما هي غزل فالطرف الكحيل
ولا هي عتاب وشكوة حال دون حال
قصيدة مدح في ذاك الشهم الأصيل
ابو عبدالله اللي يشهد له فوح الدلال
سلام يا أبو عبدالله يا زحول الرياجيل
سلام عد ما على الصحاري من رمال
سلام عد ماهل المطر وسال المسيل
سلام عد ما أشرقت الشمس وطل الهلال
سلام ياللي له في قلبي مقر ومقيل
فداك العمر لو ان العمر للفنا والزوال
قالوا عن حاتم ماله في الكرم مثيل
ومن ذيك العصور تضرب به الأمثال
وأنا أقول أبو عبدالله حاتم هالجيل
قولوا لهتان الكرم عندنا للكرم زلال
فديت كل حرف من اسمه به خصل نبيل
ويا حي الحروف اللي لها فالقلب منزال
الصاد (صدقك) فالكلام من دون تأويل
ويا حي الرجال اللي تثبت أقوالها بأفعال
الألف (آهاتك) عطنياها لو توريني الويل
ما همني غير شوفة بسمتك ياطيب الفال
اللام (لومك) فالحياة على كل شخص ذليل
عاش في هالدنيا وتطبع بطبع الأنذال
الحاء (حبك) للمساكين وعابرين السبيل
وشموخك في هالدنيا كنّه شموخ الجبال
شوف حالي مال السعادة بحياتي دليل
وفي غيبتك مال الصبر عندي أي مجال
النهار أسود ما عاد به فرق مع الليل
أسهر عيوني ودمعها على الخد همال
واتجه للقبلة واطلب من الله الجليل
يالله يالله ترد من بغيابه علينا طال
تكفى تراني دخيل الله ثم عليك دخيل
مال السهر والصبر عندي أي احتمال
عطنا من باقي عمرك ووقتك القليل
ودي أدفى بك وأحس ان للعز ظلال
ليه لا شفتك تقتل فرحتي بالرحيل
ما مداني أقولك وشلونك وكيف الحال
طلبتك تدور لأسلوب حياتك بديل
ما عاد أطيق بهالدّنيا سالفة التّرحال
وعيني ما عاد لها على السّهر حيل
ما تدري انت فالجنوب ولا فالشمال
هذي نظم حروف قصيدي جاتك مقابيل
تشكي عليك من همووم الليالي الطوال
____________________________
الصّداقة كنز معنــــــــــاها جميل
من ملكها اشهـــــــــــد انه ملك
تعرف أوصافك من أوصاف الخليل
والصديق أحيان أقــرب من هلك
من كلام المصطفـى سقنا الدليل
الجليس اثنين واحـــــــدهم هلـِك
حامل المســــــــــك طبـّن للعليل
صاحب ٍ للخيــــــــر بدروبه سلك
لو تحس بضيق للضيقــــــــة يزيل
لو تغيب شوي عن الحـال سألك
والجليس السّوء النــّــــذل الرذيل
نافخ الكير من الكيــــــر شعلك
مايعين بخير خيــــــره مستحيل
ما وراه إحسان يجهـــــل بجهلك
لو تمر بســـــــــوء دور لك بديل
خايـن ما شال هم ٍ لزعلك
الفضل لله والشكـــــــــر الجزيل
يافؤادي خير من المـولى شملك
البداية عيــــــــن وآخرها سبيل
والوســـــط إبرة وفكـربمهلك