شعر عن عدم التقدير , اشعار عن عدم الاحترام , عبارات عن عدم التقدير والاحترام

سيرت أبا سليك يانفس وبلشت

تخارجي يا نفس لا من بلشتي

اطلب من الله عزتك طول ما عشت

يعزك يا نفسن على العز عشتي

من لايقدرني وانا ما علي بشت

فلا يقدرني على شان بشتي

اللي مثل هذا اليا شفته انحشت

لو هو على بيبان رزقي نبشتي

بعطي على فرقاه جميع ما حشت

واذبح ولد ملحاً لفرقاء مشتي

وكم نشمي لا جيتله فز ثم ششت

شواش لا جيناه يا نفس ششتي

القدر للرجال ما هوب للبشت

مالي بتقديرن على شأن بشتي

ودك ليا من جاتك الغلطة من الناس القراب,,,,,,,,,, ,,,,,,,,,,الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب,,,,,,,,,, ,,,,,,,,,,والطيبة اللي زعزعت صوت الخطيب ومنبره

كل الزهاب اللي معي ذكرى من أصحاب الزهاب,,,,,,,,,, ,,,,,,,,,,واللي بقا لي من عذاب أشرس طريقي وأخطره

لأني تجنبت الغرق, عديت من فوق السحاب,,,,,,,,,, ,,,,,,,,,,لأن أكثر أصحابي ورق ماشفت للطيب ثمره

أثر المصايب ماتجيك إلا من الناس القراب,,,,,,,,,, ,,,,,,,,,,وبهالزمن حتى الخوي اللي تثق فيه إحذره

لابارك الله في رقيقٍ تزعله كلمة عتاب,,,,,,,,,, ,,,,,,,,,,ولاجمع الله الرجال اللي تفرقهم مره

الصاحب اللي مايجي من صحبته غير العذاب,,,,,,,,,, ,,,,,,,,,,نذرٍ علي إن ماهجرني أنا اللي بهجره

من يفتح لفرقاي باب أفك له عشرين باب,,,,,,,,,, ,,,,,,,,,,وإذا خويي مايقدر خوتي ما أقٌدره

إن روٌحو فأنا بريء منهم ليوم الحساب,,,,,,,,,, وإن جرٌحو قولو لهم ماحركو فيٌ شعره

أحسن دوا للي يستفزك تحقره

,,,,,,,,,,الصاحب اللي مأذخره لليوم الأسود ما أذخره

شفني جمٌعت أوراقهم بكتاب وأغلقت الكتاب,,,,,,,,,, ,,,,,,,,,,ياوقت لم اللي تلمه وأنثر اللي تنثره

عقب إكتئاب البارحة ماعاد أنا حمل إكتئاب,,,,,,,,,, ,,,,,,,,,,أنا كسرت بخاطري قبل الصداقة تكسره

أنا خسرت اللي غيابه غير عن كل الغياب,,,,,,,,,, ,,,,,,,,,,أنا غفرت لعالم ماتستحق المغفرة

أنا أكثر إنسان تعلم من كثر ما أخطا وصاب,,,,,,,,,, ,,,,,,,,,,أنا آخر لسان يتكلم في زمان الثرثرة

ماصرت ذيب إلا لأن اللي تحدوني ذياب,,,,,,,,,, ,,,,,,,,,,ماكنت أغيب إلا لأن العفو عند المقدرة

ترا حلاتك لاحملت لصاحبك كلمة عتاب,,,,,,,,,, ,,,,,,,,,,إن مانطقت بها بوجهه, ماتذمه بظهره

ودك يامن جاتك الغلطة من الناس القراب,,,,,,,, ,,,,,,,,,,الصاحب اللي ماكسبت محبته ماتخسره