شعر عن جيش الوطن , اشعار عن الجيش , قصائد حب الجيش للوطن , عبارات شكر للجيش العربي

ليتني جندي مرابط علـى حـد اليمـن
آخذ اسلاحي واشارك مع ارجال الجنوب
لو تروح الروح فدوه على شان الوطن
اقصف اللي معتدي لين ماغيره يتـوب
عادة الجيش السعودي الى العايل فتـن
وقفته بالفعل ترهـب قوييـن القلـوب
مانسلّم بالشدايد وفـي وقـت المحـن
من يشوف افعالنا مانوى غير الهروب
واقفينٍ قلـب واحـد ونعلنهـا علـن
جيشنا من ينوي الشر شبو به شبـوب
راية التوحيد تبقى على طـول الزمـن
…………… مسلمين ومانهاب المواجه والحـروب
ياملكنا كان ناديـت لبّـت لـك مـدن
…………… كلها تعلن لك الحب واتحظّـر شعـوب
مانهاب الموت والحرب نلبس له كفـن
………………… ماتـرادا عزمنـا لويزيـدنّ الكـروب
قلتها وانا اعتبرني علـى حـد اليمـن
…………. جنديٍ ينقل سلاحه مع اجنود الجنـوب
ياقصـيـد أرســل صـواريـخ الـدفـاع ومدفعـيّـه
جهـز جيـوش القتـال وهـاجـم الظـالـم بــداره

مــن نــوى داري بــلادي بالمـضـره والأذيّـــه
مـن بلدنـا جـاه غيـم(ن) يمطـر النـار بـغـزاره

البلـد لـه شعـب مايـرضـى بــذل(ن) أو رديّــه
والله إن يـمـوت دونــه مايعـرفـون الخـسـاره

الصدور دروع والأيـدي علـى الباغـي شظيّـه
كلنا حصـن البلـد سـور (ن) ولايهـدم سـواره

الشجاعـه فـي دمانـا سـيـل يـجـري بالحمـيّـه
مانـهـاب المعـتـدي لــو ثــار بركـانـه ونــاره

والرضيع يفز لـو يسمـع جيـوش(ن) معتديّـه
وده يدافـع عــن ديــاره وأهـلـه فــي جـسـاره

ليـه يالحوثـي علينـا نــاوي(ن) بالـشـر نـيّـه
مادحرت إبليس وأعطيت الجوار حقوق جاره

ماتعرف إنا بوقـت الحـرب ريـح(ن) سرمديّـه
نقتـلـع جــذر المـعـادي ندفـنـه فــي ذل عــاره

من دخل بيت الأسد صابه هلع وأصبح ضحيّه
والثـعـل يبـقـى ثـعـل مـكّـار مايـومـن جــواره

والله إنك خاسر(ن) في كل حال(ن) أو قضيّـه
البلـد دونـه رجـال(ن) تنتـظـر بــس الإشــاره

يـامـلـكـنـا يـاولــيّــه يـــاوزيـــر الـداخـلــيّــه
كلنا نفـدي الوطـن والمـوت مانخشـى مسـاره

اطـلـبــوا مــنــا نـلـبــي ونـتـبــادر بالـتـحـيّـه
السعـوديـه عـزيـزه واسمـهـا يـبـقـى مـنــاره

فالبلـد لـه شعـب مايرضـى بـذل(ن) أو رديّــه
والله إن يـمـوت دونــه مايعـرفـون الخـسـاره