شعر عن الوناسه , اشعار وعبارات عن الوناسه والفله , شعر عن سعه الصدر
لي تكدر خاطري..نظره من عيونك تكفّي
والله اني بعدها..انسى الزمن واهله وناسه!
لو تقوم صفوف ضدي وانت ياعمري بصفي
يشهد الله للمواجه ..تشتعل فيني الحماسه!
يا رعى الله ليلة ٍ فيها انقضى في الحب شفي
يوم قلبك ضم قلبي واستلم خده وباسه
هو صحيح ان الوناسه لا غدا كفك بكفي!
بس ليمني حضنتك ! لعنبو جد الوناسه!
يالي خذيت الهوى وناسه وفله
تضحك على نوره و تلعب على منيفه
خل التلاعب ياميت القلب خله
لا وفق الله من هذي سواليفه
حب الرهيفه قبل ماتحب خاف الله
خل النوايا بضميرك دايم نظيفه
وش ذنبها حبتك من قلبها كله
ماتدري انك عديم احساس ياجيفه
البنت دمع الهوى من نسمه تهله
كما الفراشه رقيقه حيل ورهيفه
احساسها احساس شاعر حاضنن خله
واشواقها اشواق من ودع مواليفه
جرب اذا فيه يومن صابتك عله
شوف الوفا كيف عمره لجلك تعيفه
تملك مشاعر تنش القلب و تبله
الله على حبها لا صار من كيفه
حرام في هالبراءه سيفك تسله
ارحم قبل لا يجي من يعدمك سيفه
و خل التلاعب ياميت القلب خله
لا وفق الله من هذي سوواليفه
