شعر عن الهياط , اشعار عن المبالغ في المدح, قصائد عن الهياط والشخص المهايط , عبارات عن المدح المبالغ فيه
ما ينفع الفقران كثر المهايط
لابد له يومٍ يكمل هياطه
لان الفقر صعبه فتوقه تخايط
يعني على الفقران يصعب خياطه
ولامن كثر حكي الخبل قل تلايط
و اخير من كثّار حكيه لياطه
كانه زعل يطق راسه بحايط
أما فهم و الا البلاطه بلاطه
——————————————————
بخربـــها:
ما صار بالضبط لك يومين مرضيني
خربتها ! ما أعجلك مسرع تخربها
لو إنك ناطر على الأقل يوميني
أرتاح و أجلس مع نفسي و أحاسبها
لكن ما ظنتي ما عاد يمديني
دامك علي تبحث الغلطه و تنسبها
غشيم وكنت أحسبك بالحيل تغليني
غلطه و نفسي حرام إني لأدبها
عشان لأنته و لا غيرك يعنيني
عقرب و جازت لعقرب من عقاربها
ماني بلعبه على كيفك تمشيني
و لاني مسيّب و لا نفسي مسيبها
وش لي بدربٍ على الذله يوديني
لا خير في لحيةٍ ذلت شواربها
بلقى بدالك ملايين و ملاييني
مدامني حي و أسعى في مناكبها
و مدام لي نفس تامرني و تنهيني
حرام للقى رفيقٍ ما يعذبها
قلبه علي لا جفيته ما يجافيني
و من طيب قلبه غدى للروح صاحبها
جعلك فداياه ياللي ما دانيني
ماخوذ و مجحود و ظنونك بخيبها
و عندي خبر بأنك عقب أيام بجيني
لكن تقـــلع و فـــارق قــــبل أخربها
احضـرك و اتلـوا عليـك البسملـه
و الفاتحـه و الغاشـيـه و الزلـزلـه
و أعلمـك وش الحديـث المنطقـي
من شان تعرف كل شـي تجهلـه
خدمه .. بقدمها بـلا شـرط و ثمـن
يا صاحب آفـاق الخيـال الممحلــه
و ما هيب من بـاب المـوده و الغـلا
لكن من بـــاب إحتـواء البلبلــــه !!
كنت أحسب ان سود الليالي ربتـك
و أثرك على نفـــس العلــوم الاولـــه
موسـوس و حالتـك حالـه مزريـه
الحلـم قدامـك و عاجــز توصـــلـه
على مدار العام مـن قــل الثقـــه
بينك و بين الشـك و الريبـه صلـه
ذكائك المزعوم حاجـه مؤسفـه !!!
تضحك علـى تفكيـرك و تستغفلـه
سويت نفسك فاهم الوضـع و ذكـي
و كليتها يا بـو الشبـاب مفلفلـه !!!
ما احـــد جبـرك تضيع وسـط المعمعه
و تستصعب الموقـف و لا تستسهلـه
القصد واضـح و المعانـي واضحـه
ليه اتمادى فـي الحكـي و أتؤلـه ؟؟
طويق ثابت و الجبـل يبقـى جبـل
فلنعتبـر هــذا ســؤال و علله ؟!
شفت ان مالك بالثقـه موطـأ قـدم
كـب الغـرور المفتعـل و لا اقتلـه
و ان عودت نهـج و قناعـات و فكـر
الاجوبه ترضـي غـرور الاسألـه
المرجله لا صارت هياط و شعـر
مـا عـاد ابيهـا لعنبوهـا مرجلـه
و ان كانهـا مواقـف و قـول و فعـل
ما عندي الا : تـم و ابشـر و ازهلـه
خذ لك نصيحه كانت تسـام بجمـل
يا مسيلمه أو بالأصح يا عبهلـه !!
لا عاد تخطب في شبـاب المجتمـع
ريح .. و خل الدين و النصـح لهلـه
و لا عاد تشهد زور في أرجـاء البلـد
و تبقى كذا مـن مرحلـه لــ مرحلـه
حتى إبليس بيستحي من كذبتـك !!
من كبرها ما هيب من ضمن عملـه
و اليا بغيـت الجـد سجـل ما يلـي
و استحملـه و استوعـبـه و اتقبـلـه
ما هوب عيب انـك تغيـر منهجـك
العيـب و أنـواع الخطـأ و المهزلـه
إنـك تجـي كـلـك و تستنقـد فئـه
على فعل وإ نت أول اللـي يفعلـه !!
راجـع حساباتـك و فكـر و إتعـض
و اضرب على نفسك جميع الأمثلـه
إن كان ما انت بكلهـا مثـل مثـل
مـا و الله اقـول الشعـر و استرسلـه
خلاصة الموضوع كله ( من – إلى )
بيت يوضح لك غموض المسألـه :
أنا .. لو إني مـا لعبـت بحسبتـك
ما كان يسبب لك قصيدي مشكله !!
الوضــع يبغــى لـه ثلاثيــن روقـــي
ويحـتاج من برقـــا حـدود الثلاثيـــن
يجـون فالحديــن قبل الشروقـــي
ولا يــذن المغـرب وبشار له عيــن
ــــــــــــــــــــــــــــــــــــــــــــــــــ ـــــــــــ
رد عليه قحطاني :
ان كانكم ستين والعد فوقي
الوضع يبغى له ثلاثة قحاطين
وتشوف شي للنواظر يشوقي
ونحرر اهل الشام ومعها فلسطين
ــــــــــــــــــــــــــــــــــــــــــــــــــ ـــــــــــ
رد عليه المطيري :
الوضع مايبغى امهايط وروقي
يبغى من المطران عشرة وراعين
يغزون بشار اللعين السلوقي
وفي دربهم نبا نحرر فلسطين
ــــــــــــــــــــــــــــــــــــــــــــــــــ ـــــــــــ
و رد عليهم الحربي :
الوضع مايحتاج نذل وسروقي
يحتاج لليوثن تضد المعادين
يوم المهايط بين بومة ولوقي
ربعي ترى هم فزعة الدين
ــــــــــــــــــــــــــــــــــــــــــــــــــ ـــــــــــ
رد الشمري :
ارتاح يا الحربي أخبرك ذروقي
ابعد مشاوريك يجي حول مترين
دام الشجاعه جاريه بالعروقي
أصغر ولد من شمّر يسدد الدين
ــــــــــــــــــــــــــــــــــــــــــــــــــ ـــــــــــ
رد الدوسري :
هذي دول يامزينين الطروقي
وكل القبايل والنعم مير غادين
حنا الكواسر نحضره بالحقوقي
انتم قبايل مير حنا سلاطين
ــــــــــــــــــــــــــــــــــــــــــــــــــ ـــــــــــ
