شعر عن الفقر والجوع , اشعار حزينة عن الفقراء , قصائد حزن قصيرة عن الفقير

شعر عن الفقر والجوع , اشعار حزينة عن الفقراء , قصائد حزن قصيرة عن الفقير

يمشي الفقير وكل شئ ضده
والناس تغلق دونه ابوابها
وتراه مبغوضا وليس بمذنب
ويري العدواة لا يرا اسبابها
حتي الكلاب اذا رات ذا ثروه
خضعت لديه وحركت اذنابها
واذا رات يوما فقبر عابرا
نبحت عليه وكشرت انيابها
وقال الشاعر
ان الدراهم في الاماكن كلها
تكسو الرجال مهابه وجمالا
فهي اللسان لمن اراد فصاحه
وهي السلاح لمن اراد قتالا

الفقر قهر النفس وأذلال محتوم
يسلب عزيز النفس طهر الكرامه .

. كم حرّ منّه ما اهتنا لذّة النوم
يلقيه عايش فالكدر والسقامه .

. وكم ناس منّه تنّجبر تسمع اللوم
لو عمرها ماجات فيها ملامه .

. مافيه رحمه لو على سيّد القوم
لا شبّ نارة وش يطفّي ضرامه .

. يحرمك مما تشتهي غصب ملزوم
علّه ورا علّه وطعنات سآمه .

. تبقى ماْ بين الناس ضايع ومظلوم
كنّ الفقرّ ملوي براسك عمامه .

. ياخوك بيّن لي به الفقر مهموم
لو مرّ دربن معتليه الغمامه .

. استغفر الله تنكشف عنه لغيوم
ألين نار الشمس تحرق عظامه .

. وان مرّ ربعه قاصد اخبار وعلوم
ابصم بعشري مايردّو سلامه .

. منبوذ مابين الخلايق ومذموم
ماله في اوساط العشاير أقامه .

. حتى رعابيب الحسنّ لو بغى يوم
لا ما يبنّه لو يشفن اهتمامه .

. حظه معثّر قرّب أو بعّد الزوم
كن المشاكل مغرمه في غرامه .

. تلقاة من كثر العنا دوم مصدوم
الهمّ شربه والمصايب طعامه .

. لا ويش ذنبه دامه الفقر مقسوم؟؟
مكتوب له من قبل يخلق عظامه .

. مافي يدة حيله على أمر محسوم
لكن تفكير البشر صدق … طآمه .

. والا الرّجل ياللي عن العيب محشوم
ينقاس في طيبه وطروة كلامه .

. مش من غدا مرّيش ولو كان معدوم
من الطباع اللي تخص الشهامه .

. نقول عنّه شخص فارس وزيزوم
وننصّّبه… لو ما درى بالزعامه .

. واللي به اوصاف الرجوله وموسوم
باخلاق ترفع دايمأ من مقامه .

. نقول عنّه شخص ضايع ومشئوم
والسبّ نقص المال نعطب حسامه .

. تبّت يداة الفقر لا صار مزعوم
أنّه لملآكه جعلهم علامه .

. حتى لو انّه بعضهم كفّر الصوم
عند الملا.. لا ماتناقص جرامه .

. ياهل العقول النيّرة حق معلوم
مدام شي واضح على الناس عآمه .

. لتقارنون احرار شقرا مع البوم
عمر الفقرّ.. ماهان راع الكرامه .

. يبقى الاصيل ولو من المال محروم
اصيل شامخ لين يوم القيامه .

الشاعر محمد علوي عبدالله

ـ (الفقر).لذه.في.عيون.الهوامير.ـ
ـ شوفو.وشلون.بفقرنا.شاركونا.ـ

,,,,*
ـ .دينارهم.يستـنسخونه.دنانير.ـ
ـ ولـو.هـو.طلـبناهـم.ماعـطـونا.ـ

,,,,*
ـ حسرة.قليل.المال.بكفوفهم.غير.ـ
ـ ولو.هو.ذهب.يمدي.خذوه.وخذونا.ـ

,,,,*
ـ الله.لايجزى.هاك.الطالع.بخير.ـ
ـ اللي.علـيه.بعافيـتنا.حسـدونا.ـ

,,,,*
ـ تجمعت.شرابة.الماء.على.البير.ـ
ـ ًياحليلً.عنه.الجماعه.حدونا.ـ

,,,,*
ـ جونا.(شتات.أصفر).تلقفهم.الطير.ـ
ـ بلوى.ياليت.بشـرهم.مـابـلونـا.ـ

,,,,*
ـ طاوع.معاهم.من.لقى.دهنة.السير.ـ
ـ والا.وش.اللي.سـكته.يـوم.جـونا.ـ

,,,,*
ـ ذقنا.على.يديهم.*هوان.المشاوير*.ـ
ـ ظيعهـم.الله.مـثلمـا.ظيـعـونا.ـ

,,,,*
ـ وش.صار.وش.بعد.باقي.يصير.ـ
ـ يـافاهمين.السـالفه.فهمـونا.ـ

,,,,*
ـ المشـ.ـكله.ياحـبـنا.للمعـاذيـر.ـ
ـ والناس.وصلو.للقمر.وسبقونا.ـ

,,,,*
ـ دايم.نسـوي.للخيـانـات.تـبريـر.ـ
ـ والظاهر.الخاين.طلع.كل.أبونا.ـ

الشاعر عبدالرحمن الشمري

الشاعر حمد بن هادي المسردي القحطاني

شبح يطاردني ولا ادري وين بالاقي المفر
اهرب واحاول ابعده عني وهو بعدي يسير

يعذب قلوب الصبا يدمر احلام الصغر
يمزق اعروق الامل ويعسر الدرب اليســــــير

شبح تجبّر في دموع اطفال في عمر الزهر
وثيابهم رثه بدون ازرار في العيد الكبـــير

وابوهم المسكين بين انياب همه منكسر
وعيال جيرانه امامه يلبسون اجمل حرير

شبح يهدد شاب اعزب عوده الراوي ضمر
بدت تجاعيد الجبين تشوه الوجه المنـــــير

يرى ندا عمره على رمضاء اشواق انهمر
ولا معاه الا النظر للورد او شم العبيـــــــر

شبح منعني عالج امي يوم زاد بها الضرر
اشوفها تبكي الم وتعظ اطراف الحصـــــير

وتجر خيتم عرسها ودموعها مثل المطر
وآخر ابوس اقدامها واصيح يمّه ويش اصير

الله يصيب الفقر ليت الفقر يتحول بشر
باموته جوع وعطش كي يشعر بجوع الكثـــير

ويلاه من ليله بكت عيني من سيوف القدر
ويلاه من ضحكة غني تعبث بدمعات الفقـير

الشاعر طلال العولقي

الفقر لادك الرجال أشد مـن حكـم القصـاص
كم من يمينـن طايلـه قـل الدراهـم قصهـا
يثني عزوم أهل الوفاء ويصير للعزم أمتصاص
عزيمت الوافي كذا من غـي رحـق أمتصهـا
اللي لهم بالمرجله قسمن ومرجع وأختصـاص
الفقر من بين العرب من دون عطف أختصهـا
يوم الردي عن دربهم عاجز ويبحث عن مناص
وحمر الدراهم بالبنوك أليـا جمعهـا رصهـا
لأهل السخاوأهل الكرم ينظر بنظرات أنتقـاص
مالـه جـدا ياغيـر عينـه بالكـرام يبصهـا
بعيد عنهم بعد شاطي حقل عن ظلع النمـاص
مسافتن يبطـي عظـم مـارح يقطـع نصهـا
هذا يسامر ضحكته مابين صن وبيـن هـاص
ومابيـن ديمـن ونتبـه قـدام تلعـب قصهـا
وهذا يسامر عبرته والهم وابل مـن رصـاص
واللقمه اللي في فمه من جـور وقتـه غصهـا
مكتوب له قصة شقى عن دربها ماله خـلاص
الموت في صفحاتهـا والفقـر يقـراء نصهـا
كرامته ماداسها لو يشتغل مـن فـوق بـاص
نفسها كريمه مادنت عن مـد غيـره شصهـا
ماهوسوات اللي دنى ويقول أبي رنجن وشاص
وأريد ساعه من طويل العمـر يلمـع فصهـا
صابرعلى فقره لون الفقر أشد مـن القصـاص
مايطلـب العالـم لـون الفقـر يـده يقصهـا

الشاعر بـــــكر السناني

الفقر مشكلة العصر يشبـه لفلونـزا الطيـور
وياهل عملنا له حسابٍ في السنيـن المقبـلات
ولانفكر بالمواتـر والتطـاول فـي القصـور
والكوره اللي للعرب صارت هي ام المشكـلات
لستك ومنفوخٍ هواء يطرد على الملعب يـدور
احدٍ يشوته بالقـدم واحـدٍ رفـع لـه لافتـات
لكن هوامير البلد ماعالجـت وضـع المهـور
ومن بينهم ماله مجـال ولالـه اي مناقشـات
واللي يفكر بالزواج يشوف مـن دنيـاه جـور
ساكن ايجار وساكت وفوقـه ديـونٍ جايـرات
وتشوف هامور البلد دايـم يقـدم لـه بخـور
وبين الدواير مااشتكى تعطيـل اي امعامـلات
وماعاملات اهل الفقر تاخذ لها عـدة شهـور
ومعاملات الاغنيـاء تنجـز وفيهـا توصيـات
واللي بليا واسطه يمسـك علـى الشبـاك دور
يمسك سراء بالدور والابواب عنـه امقفـلات
ومن كان عالي منصبه تفرش له انواع الزهور
والارصفه له نوروهـا والـدروب المظلمـات
ونعمل حساب مناقصه في زخرفة بعض الجسور
ونرضي هوامير البلد في كل شـي مناقصـات
وفي كل شي مناقصه حتـى الحواجـز للعبـور
والله يوفقنا القناعه والرضـاء قبـل الممـات
واللي ضعيف ومستحق وتعسره بعض الامـور
محدٍ نشد عن حالته في فقـر ولا فـي غنـات
وأن جاك زاير للبلد مايندعي ضمن الحضـور
تلقى العزايم كلهـا لااهـل الفلـل والماركـات
وان حاخ شرهه طيبه تخاشرت فيهـا النسـور
قدام تقضبها يـده تجـرى عليهـا الجمركـات
تغير اطبوع الملاء واستمهنو دهـن السيـور
تبغى اتمشي حاجتـك خـل الدراهـم طارفـات
وحنا ولآة امورنا تدخل على الشعب السـرور
مير البلاء من دونهم فيه اوكلاء مامـن ثقـات
أهل النذا له والحسد سوات شرطـي المـرور
أمـا يوديـك السجـن ولا عطـاك امخالفـات
وأنته تداري خاطره خايف يـوردك الشـرور
واليا هرج فيك الحكي عنك العلـوم امصدقـات
ويالله طلبناك العفو وأنت القوي انـت الغفـور
ويالله عفوك في نهار الحشر وأطلـب الثبـات

الشاعر فلاح بن عريج