شعر عن الفزعه , اشعار وخواطر عن فزعه الصديق , ابيات شعر عن النخوه والفزعه , قصائد عن الفزعه عند البدو

سلام يا فزعة المضيوم يالحادي…….من راس رجلن هل الفزعه يقدرها

تعبير عن بعض ما كنه لك افوادي…….والمرجله والمروه بك نبشرها

فزعتك تسوى مفازيع ابن شدادي…….عنتر ليا قيل يا عنتر تصدرها

انا اشهد انك على سلمن للاجدادي…….هاك السلاله عسى تسقى مقابرها

والنار ما تستعر يا كودبزنادي…….ون كان به ناس تجهلها نخبرها

والا الرماده رماد ولا انفخ ارمادي…….منفخ رماده ولا اجاور مجاورها

والحر يظهر لهد بوقت الاهدادي…….افعال الاحرار ورثن عن مذاخرها

يا جعل ما ينقد اهل الطيب نقادي…….اقوال وفعال ثابتن مصادرها

ما يجحد الفزعه الا خبل وهبادي…….خبلن ونفسه عن اهل الطيب حاقرها

فزعتك حلت محل الملح والزادي…….اهل الوفى مكل من ذرع يخاشرها

مثلك وشرواك نمدحهم بلا قيادي…….نعلن للاشهاد صاغرها وكابرها

موقفك مشهود ما يحتاج مشهادي…….الماقف اللي جبرني يوم اصطرها

والطيب في ساحة الاقلاع يزتادي…….كم من صبين ليا صيحت ينحرها

حادي يا حادي تراكم كلكم حادي…….بالفعل والا الاسامي ما نفسرها

سجلت كلمة وفا يمناي ومدادي…….يالله لفعل الوفا نفسي تسخرها

وليا حصل نقص مالمقصد تعمادي…….المعذره والسموحه كان قاصرها

وعن الخطا ما عصم غار ابن عبادي…….ون سندت لخو دعجه ما يحدرها

وختامها المسك والريحان والكادي…….والطيب والعود الازرق في مكاسرها

وصلوا على اللي بعثه الله بالارشادي…….اطاف بالبيت والاصنام دمدرها

سلام ياللي تدرك الطيب يمناك= ياللي على فعل الجمايل تربيت
يالنادر اللي كاملاتٍ مزاياك= حييت يالعوفي على العز حييت
ابوك من صغرك على الطيب رباك= ومن جود يمناه الكريمه تقهويت
حيثه على فعل الجزيلات وصاك= وانا اشهد انك في وصاته توصيت
من طيب وقفاتك ومن طيب مجناك =شيدت في روس الطويلات لك بيت
مبني على حسن البصيره والادراك=عانقت نجم الجدي وسهيل بالصيت
يابوفهد كل الرياجيل تنصاك= واللي نصاك ابلازمه ماتوانيت
تمسح دموع اللي من الضيق ينخاك= لك وقفة ٍ منها تهاب الخراتيت
جيتك وقلت ابشر وتسبقني اخطاك= عجزت اميز فزتك يوم فزيت
عجلان في علمك وعجلان ممشاك=فزت شجيعٍ يطلب الثار في ميت
جعل الردي واللاش يالقرم يفداك=راعي جمايل بالعرب ماترديت
اطلب من الله يبيض الوجه يحماك=ياللي على فعل الجمايل تربيت