شعر عن العطر , قصائد عن العطر , اشعار رومانسية عن العطر والليل , شعر عن العطر والحب
ليلك نثر عطره على شاطي النيـل
وأنا ضواني ليل نجد و سريتـه ..
يا مطول الغيبات ياما أطول الليـل
توي دريت إنه سـواد و جفيتـه..
أثر النجوم أكثر من الجدي و سهيل
نجم كتب همي و نجـم محيتـه ..
يا صاحبي عطشان عطشان لك حيل
مظمي و همال السهر ما قويتـه ..
رد السـلام لـمترفـات المناديـل
كحل العيون و دمعك اللي نسيته ..
الدرب ميـت و الخطـاوي مقاتيـل
وإن لاح طيفك مت فيه و حييتـه ..
الله على الضحكة نهار المواصيـل
هاك النهار اللي بـعمري فديتـه ..
قبل أتقهوى مـن كسـالا مظاليـل
قبل السلام و قبل جاني و جيتـه ..
ضم الحشا و أكسر جمود التفاصيل
ما عندي أغلى من خفوق كويتـه ..
لـمصافحك كف و قصيد و هلاهيل
إما زبنـك القلـب والا خذيتـه ..
لو يغري القمـرا ذبـول القناديـل
بعت النهار لـجيتك و إشتريتـه ..
يوم إنتثر عطرك على شاطي النيل
أنا ضواني ليل نجـد و سريتـه ..
مــســــــاعــــد الـــرشـــيـــدي
انتظرتك بالوعد كلي عتاب
………….. ويوم شفتك صرت انا كلي عذر
صاحبي واللي خلق يوم الحساب
………….. مالقيت الا انت لي منك مفر
لي سؤال ٍ في عيونك له جواب
………….. وفي عيوني من عيونك له قهر
ليه أحبك ؟ وانت لي هم وعذاب
…………… ليه قربك نار وفراقك جمر
ليه أشوف الكون من دونك خراب
………….. ليه اشوف اليوم بغيابك دهر
ليه اصدقك ومواعيدك ..سراب
………….. ليه أكذّب جيّـتك لي وانتظر !!
ظالمي حلـّفتك بـ ربّ الكتاب
………….. ليه كل ماجيت اعاتبك ..اعتذر ؟!
السمـا لاجلك تغـار من التراب
………….. كل نجمة ودهـا بـ ارضك حجر
كل زين ٍ من حلا زينك يهـاب
………….. وكل عطر ٍ وده انك لـه عطـر !
وكل عمر ٍ لك يبي عمره شباب
………….. وكل درب ٍ منك يتمنـى أثر !
الحضور ان غبت غار من الغياب
………….. والغياب ان جيت رافقك وحضر
علّ قلبي لانسيتـك للذهــاب
………….. وعلّ عيني لاسليتـك للسهـر
ليتني مابين كفـّك والخضـاب
………….. وليتني أبعد عليك من القمر
وليتني لك جرح وازيدك صواب
………….. وللعذاب اهديك من عمري عمر
كيف افسّر لك شعوري في خطاب
………….. كيف احسسك بعذابي بالشعر ؟!
كل حرف ٍ لانزفتـه منك ذاب
………….. وكل قاف ٍ لاصرخته يـ نـ كـ سـ ر
صاااحبي .. بموووت من كثر العتاب
…………… إلتفت لي , واعتبرها لك عذر !!
هلا باللي , متون النسائــــم , جابتــه
………. آسـتـقــبلـــه , والدمـوع الوافـــيــه , تـنـتـــــثــــر ..!
اللي , زهـــور الربيــع .. ب ْجيتـه نابتـه
………. وسرب الحمام إيتـغـــنـآ , في غصـون الشـجــر ..!
مع ريحة العطــر , قلبــي يأخــذ أطــرابـتـه
………. و ريحة احبـابـي , تـنـعـش كــل روضٍ خضـر ..!
كـنـه مع الصبح مّوعــد , والليالـي هابتــه
………. مع ضحكـةٍ , في وجّـيـه الحـزن , ترسـم ثغــر ..
تـنـفسـته المشاعــر, والصـدر في رحــابتــه ..
………. حتى نسيــت : الجروح , وكثر نوحـي , والسهــر ..
لبيه ياللـي , متـــون النسائـــــم , جابتــــه
………. استـقـبـله , والعــيــــون الوافـيــــه ,, تـنهـــمـــر ..!
إنهزعت بكف يدي .. ما دريت
ولمس كفي راس [ كمّه ] قال
:
( من حضك لمست أكمام ثوبي
كفك اللي ناش كمي ….بس شمه )
ويوم أشمه… موت … !!
موت يعني موت … !!
و دار راسي …
ريح عطره بالفعل أكبر خُرافة .. !!
لآ هو مسك …. > لا وربي
ولا هو عنبر …. > لا وربي
أو دهن عود ؟ لالا… لا.. !!
{ والله أحلى }
قلت :
وش عطرك حبيبي … ؟!!
~~ العطر واحد بس الأذواق شتان~~
العطر واحد بس الأذواق شتان
مـاكل شــي لا عـجبكم عجبني
أنا أتعطر بالوله بعض الأحـيان
وأحيان عطري شوق قلبِِ غلبني
أتنفسه وأغمض إحساس وأجفان
وأبني وأهد،،وأرجع أهد وأبني
أعيش وحدي كن ماحولي إنسان
ولا أنخلق إنسان فـعلا جذبني
أستطلف أصحاب وحبايب وخلان
وفي لستتي عشرين قلبِِ طلبني
وأنا طبعي أفدي فلان وفـلان
وأقول يكفي طيب قلبه وهبني
لكن بكون أصدق دقايق علشان
ماحـد يظن إنه بحبه سـلبني
أنا أجامل وأعتبر حولي إخوان
ومحـظوظ قلبِِ بالموده كسبني
ما أحبك وأعترفلك و ولهان
ماعاد تغـري هالزمن روح يابني
حبيت لي مره وإلى اليوم ندمان
كبوة جـواد وطهر قلبي نكبني
وأرجع أكرر تجربة حب غلطان
جربتها ماحد على أيدي ضربني
وشلون تقنعني إذا منت خوان
وإذا قدرت تجيب راسي فجبني
ولاتحـس إنك بالأبيات تنهان
تـرى شعوري ماكتبته كتبني
وأظن ماترضى أراعيك إحسان
وإن كان حكيي ماعجبك إجتنبني.
أنا غريب داخلي عدة أوطان
وذوقي غريب وجد أحسه تعبني
العــطر واحد بس الأذواق شتان
مـاكل شـي لا عجبكم عجبني
