شعر عن الصوت, قصيدة مدح الصوت, شعر عن الصوت المبحوح
ياحي البحه اللي كنها صوت الوتر والناي
———————- ياحي البحه اللي من نغمها يطرب العصفور
هلا يا بحتٍ تفرد حجاجيني وتهز اعضاي
————— وتـشرح صدري الضايق و تجبر خــاطري المكسور
صباح الـخـير من ثـغـرك تـلـون بالــزهـر دنـيـاي
————— مع النسمة وشعاع الشمس لي تنثر رحيق عطور
وش النسمة وش النغمة وش الورقه وخـريـر الماي
——————— إلا ذوبتي المبحوح في سمعي حروف شعور
ليا منه رشف سمعي حروفك يرتوي مضماي
——————— ويخضر الهشيم وتصبح ضلوعي غصون زهور
واحس ان الخزامى والنفل بسمك تبوس شفاي
——————– وجسمي كنه الروض اللي توه بالوسم ممطور
حروفك في شتاء عروقي تـتـل البرد من اقـصـاي
—————– وكل مافي الجسد من عرق من دافي دماي يفور
حروفك صبح ما اسمعها تبعثر هاجسي ضوضاي
——————– واضيع بزحمة الأصوات وصوتي يكشف المستور
وأنادي بسمك المقفي على دربي وأنادي الجاي
—————– ويرجع لي صدى صوت أمس كني الشارع المهجور
واحس الروح بردانه وشرياني جمد بدماي
———————- واشوف الناس من حولي نصايب والبيوت قبور
حروفك هي عناويني بها اعرف دربي ومعناي
———————- بها نبضي بها انفاسي وشرب وقوة وظل ونور
يـا زيـن ذاك الصـوت هـادي ومبـحـوح
مـن روعتـه ذاب آخـره بـيـن الانـفـاس
كــن الجًُـمـل تلـمـس شفـايـاه وتـــروح
وكن الحروف من الخجل لبسـت لبـاس
لا جـا يداعـب مسمعـي عـانـق الــروح
وان غاب عني غاب صوتي عن الناس
اشتـاق لـه واحـتـاج لــه جــد ومــزوح
واشعر معه باحساس ما مثله احسـاس
سكـر عسـل والا مـن الملـح ممـلـوح ؟
والا ذهب مصنـوع والا مـن المـاس ؟!
احترت كيـف اوصـف مزايـاه بوضـوح
واحترت كيـف ارسـم خيالـي بقرطـاس
لله دره لــــو مــلــى قـلــبــي جـــــروح
ولله دري كـلـمــا اطــرانـــي أحــتـــاس
