القسم الادبي
شعر عتاب قوي , شعر عتاب صديق , شعر عتاب الحبيب
مو وكت ألعذر متأخر وجاي
تشك جروحي وأدريك تهجرهم
أعرف من كلامك مصلحة ويآي
عمي هواي مثلك روح عاشرهم
………………………………………
.استحقرت العشگ من شفتك شسويت
كلت معقوله هذا انت الي تمنيتك
صفنت هواي بعدك ماصفنت عليك
صفنت اني علئ روحي شلون حبيتك…!!!
………………………………………….. …..
اعاتب لو بعد ماتسوه لعتاب
يتعاتب بالوجه بس الوفي الزين
صح العين صلفه ووكحه مرات
بس مرات موقف يكسر العين
وبعتني بموقف اليحتاج وكفات
ألبي حته الشمر يوكف للحسين
بضحكتك تشتري وبالثانيه تبيع
وضحكتك بيك منك عدهه وجهين
الشجرة المايغطي افيايهه الروس
جريمه اضوك من ماي البساتين
امس ملكاك جنه وهسه أحس نار
وأحس كلمه هلا بحلكك سجاجين
