شعر دلع بنات , اشعار قصيرة عن الدلع والغنج , قصائد غزل ودلع للبنات
شعر دلع بنات , اشعار قصيرة عن الدلع والغنج , قصائد غزل ودلع للبنات
ياجميل الروح ياسيد الدلع
في عيوني انت سلطان الجمال
نظرت اعيونك تولعني ولع
يافريد الحسن لك عين الغزال
نورك اللي من ضيا خدك سطع
يسلب احساسي يسويبي خبال
وشعرك الاسود ترا منه لمع
بارق زلزل خفوقي ولا يزال
يالخجول اسمك وسط قلبي انطبع
ابختم طيبك وحبك والدلال
انت وحدك في عيوني مُجتمع
ممتلي بالحب مافيه احتيال
عاشقين البعضنا كل خضع
بالمحبه فقنا آفاق الخيال
مانسمع حكيك عذولي منسمع
لا تحاول لا تكثر بالجدال
طيب قلبي بطيب قلبه اجتمع
وحدوا شمل المحبه بلا سؤال
من مشا فدرب الهوى مر بخدع
والخطا خبره تنمي لك مجال
آقول أحبك حيل وتقول (مابي)
وآقول انا اهواك وتقول لا لا
الله يازين الدلع ياصحابي
فيها وياحلو الغنج والدلالا
جمالها من دون مدري سطا بي
غرامها صال بْخفوقي وجالا
وان جيت اباعبّر لها عن عْْجابي
تعجز حروفي عن وصوف الجمالا
وآقول ردي لي بردٍ إيجابي
تكفين مالي عالصُدود إحتمالا
حبيبتي رفقاً بحضرة جنابي
كم مرةٍ دمعي على الخد سالا
مازلت ناطر يالغلا للجوابي
مدري متى القى جواب السؤالا
متغلية .. في حبها .. تلعب على حبال الغرام
متغلية .. وفقلبها .. تحشد لي أشواق وحنان
ماقد خطر في بالها إن الهوى ماهو كلام
وإن الحقيقة واضحة .. فعيونها كل شي يبان
متغلية .. لكن نست .. لا تسدل ستار الظلام
يمكن تشوف بقلبها أيش اللي سواه الزمان
يمكن تحس وتنطفي شمعة تغليها وتنام
وإلا تسولف للقمر .. حتى تعيفه المكان
متغلية .. وإذا حكت تحيا لكلمتها العظام
أحس قلبي يرتعش بين الضلوع بلا كيان
متغلية .. تضحك دلع وتطير أسراب الحمام
وإن سلهمت بعيونها .. لعيونها أطلقت العنان
متغلية .. حظ التغلي محتويها بالتمام
لايق بها إسلوب التغلي .. وطبعها المغرور زان
تبغى تشين أطباعها .. الزين زين بلا كلام
دلوعة الجيل .. تغريني نعـومتها
أذوب لـ سلهمت واذوب لـ أبتسمت
سبحان من زادها حتى بمشيتها
سميتها تاج عرش الزين وأستسمت
دلوعة الغيم تزهى يومها الزاهي
متخالط احساسها بـ الغيم والعفه
فنجالها لالمحها تشرب الشاهي
يشره على كفهاويعاتب الشفه
الروج والمبسم ونظراتها فتنة
دلوعة والدلع أجمل هوايتها
والشعر شلال تحدر على متنة
تغار من الدلع حتى مرايتها
دلوعة ماهمها فالبشر حد
والعالم يراقب مشاعر غلاها
في قلبها من طيبها للعرب ود
لو العرب تضرس يا ويلي علاها
دلوعتي / عين المها / يالبها
قامت تهادى دوبها يادوبها
قمة حسن ذات الجمال الأوبها
أهبها / يا حلوها / يا عوبها
دلوعتي وحدي انا ( بنت حلوه)،
تحب تبدا كل … يوم بهداوهـ،
اذا صحت سوّت لها كوب قهوه،
وتاكل شفايفها. عليها حلاوه!”
ياأخضر الشارب تكفى لا هنت ,,لاهنت
داوي جروح القلب قبل الشتات
أنت عزمت الرحيل وانا بعد عزمت
ياللي بحبك تحسدني كل البنات
بس قبل لا تروح ابكلمك لو تكرمت
ابعترفلك بشئ بخافقي عيا يبات
أنا ياصاحبي بفرقاك اشهدني تندمت
وترى غيبتي عنك يسمونه دلع بنات
وانت الله يهديك يوم شفت مني اللي شفت
كان جيتني واعاتبتني وهات ماعندك من الغضب هات
وأرسلت لي رساله من بعدها توطت شياطيني ولنت
ودقيت بالحال وكنت بقول ياصاحبي مافات مات
لاكن لقيتك انتظار ومن الغيض بكيت وعصبت
وانت قبل ماتبطي الدقه الا وانت تقول لبيه ياعذب الصفات
وأضحك وانا طايره من الفرح واقول لبيك انت
وتقول :لأ ,,انا اللي لبيك ياسكر نبات
وأرسلت لك رساله من معه الانتظار,,وبحسره تبسمت
ورديت برساله مع اللي ماتعرف دلعكم يالبنات
وأرسلت وقلت لو سمحت امسح رقمي لو تكرمت
وابيك تنسى حتى اسمي وكل مافيني من صفات
لأن حبيبي يغار علي وأدمن حبي وانا بعد أدمنت
اللي اذا دقيت رد وقال لبيـــك يامعسول الشفات
وابيك تعرف يازين اني من حبكم عزلت
وروح لخويتك اللي ماتعرف دلعنا يالبنات
ودق بسرعه وبضحكه قال وش فيك يابنت!
ترى الامر ماتعدى المزح ياكل الحيات
انا ياصاحبي على حبك انت بذات تبرمجت
ولا يمكن بنت ابوها تجي محلك انتي بالذات
ياللي بحبك اتسحر وافطر ولاكن عنه ماصمت
لآنك تطري على بالي في كل الحزات
وانا يابنت احبكـ واحبكـ وعن حبك ماتبت
ماأتوب الين يتوب قلبي عن النبضات
ومن بعد كلامك ماطب النوم عيني ولا نمت
كيف انام وخاطرك متكدر بسبب اتفه الحاجات
بس من سمعت طاري حبيبٍٍ(ن) تجننت
وانا ادري انك مالك سواي في هالحيات
وادري انك تشرقين باسمي وانا بعد باسمك اشرقت
وروحي فدوة مواطيك الين الممات
يابنت يابنت يابنت يابنت,,يابنت
رديت لبيـــكـ وضحك وقال لبى دلعكم يالبنات
