شعر حزين عن الصدمة بالصديق , اشعار خواطر عن الصدمه بالحبيب, شعر عن الصدمه في القريب
صدمه تجيك من ابعد الناس تجرحك
يمكــن تعــديهـا بحـسبـة ثــــوانــي
،،،،،،
لكن لاجتك من اقرب الناس تذبحك
عـشـان تنسـاهـا تـبـي عمــر ثـانـي
،،،،،،
ياقـلب انا كـم لـي اعاتبك وانصحك
واقــول لـك ياقـلب وانت تعصــاني
،،،،،،
اتعب على اللى كل ماجيت يفرحك
لاتضيـــع ايامــك تــرا العمــر فاني
،،،،،،
اللـي يبي يخسـرك ماراح يربحــك
واللــي يبــي يربحــك لجلك يعــاني
،،،،،،
واللى يبي يسترك ماراح يفضحك
يفضحك من يرضى عليك الهواني
،،،،،،
واللى يبي يشتمك ماراح يمدحك
حتى لو انك مجنى تصير جاني
،،،،،،
واللى يبي قربك لو ابعدت يسبحك
حـتى لــو انك بحـــر مابك مــواني
،،،،،،
واللى يبي بعدك لو يدل مطرحك
ماجــاك لــو كنتم قراب المبــاني
،،،،،،
اتعــب على عيون اذا جــات تلمحك
تلمـــح بنظــرتهــا وقــدرك معانــي
،،،،،،
ولاتـقـــرب مبعــد القلب تلـفحـك
هبايـب الصدمــات ســـم المحاني
،،،،،،
صدمه تجيك من ابعد الناس تجرحك
يـمكـــن تعـديهــا بحـسبة ثـوانـــي
،،،،،،
ياقـلــب ريحـني علشــان اريحـــك
بيـت الصحيـح ولا بيــوت الامــاني
ياصدمتي في أكثر احبابي .. وياخيبة ظنوني
ياضيق صدري .. لاذكرت انّي عليهم ما كذبت
ياطعنةٍ خلّتني انسى من سبايبها .. طعوني
ياجرح ماله طبّ .. حتى لو أقول: اليوم طبت
البارحه .. والله يكون بعون احاسيسي .. وعوني
أحاول اهرب من عمايلهم ولكن ماهربت
ماكنت احسَ انّي أنا .. وهذا الكون كوني
أمُرَ في حالة ضياع . .وشبه غيبوبه .. وكبت
أحباب .. أي أحباب ذولا اللي على موتي خذوني
الظاهر اني شبت .. ياعالم .. وانا مابعد شبت
اللي لهم مُدّه وهُم في داخلي .. واستغفلوني
ياما استغلّوا طيبتي معهم وكل اللي وهبت
وهبتهم قلبي .. وشعري .. وكل ماحولي .. ودوني
تعبت معهم بس ماكنّي رغم هذا .. تعبت
شعرت فعلاً بالعذاب .. وغصّة الدمع بعيوني
قرّبتهم منّي .. وانا اللي كنت احسبنّي قربت
عشانهم قررت ابيع اللي من العالم .. شروني
لو ادري آخرها كذا .. من أوّل الدرب انسحبت
أحبابهم واجد .. ولا ادري ليه بالذات اخدعوني؟
مع انّ عمري ماخدعت انسان أوحتى قبلت
يا قوّها صدمه .. وانا لون الغدر ماهوب لوني
مصدوم خِلقه .. لين مات الحب فيني وانعطبت
الله يجازيهم على استنزافيَ .. وحرقة جفوني
ما كنت حاسب يبيعون الغلا .. يومي حسبت
ما عاد لي رغبه أجدَد في علاقتهم طعوني
خسرت في هذا الطريق اضعاف ضعف اللي كسبت
أحسن لي ابعد واشتري نفسي ولا خيبة ظنوني
إن طبت من جرحي .. وإلاّ .. جِعلني ما يوم طبت
يقول الشاعر
صدمة شعوري بالبشر ماهي غريبه
بس الغريبه ليه انا ماتعلمت .. ؟؟!!النفس البشرية اذا خرجت عن السيطرة تظهر وجهها القبيح
هناك بشر يستمتعون بالعبث بالآخرين
يستمتعون بالأيذاء .. لأنهم لايستطيعون العيش بدون أن يشعرون بلذة طعن الآخرين ..
يقتربون منك بأسلوب الأفاعي
ثم ينقضون عليك بسمومهم وأنت في مأمن !!!!
اصعب الحياة أن تخدع من شخص كنت له الأوفى والمخلص
والمؤلم أن يأتي خداعك من شخص منحته كل شيء من اخلاصك ومحبتك ؟!!
ياكثر مانشعر بإحباط من تجني الناس
وماأن يطيب الجرح حتى ننسى ونعود نصافح الجاني
ثم نعود ونأخذ جرح جديد
فنعود لنفس بيت الشعر ..
صدمة شعوري بالبشر ماهي غريبه
بس الغريبه ليه انا ماتعلمت .. ؟؟!!
ولكن مع تراكم الأوجاع واتساع رقعة خداع البشر تعود الى نفسك وقد ايقضتها
من أثر الكذب والتلاعب !!.. تعود بعد أن تحطمت لتعلن للملأ توبتك من أن تكون غبياً
كفئران التجارب !!تصحو من هول الصدمة لتصافح الشاعر الذي يقول :
ودنا بالطيب بس الدهر جحـاد طيـب
كل ما تخلص مع الناس كنك تغشهـا
يدك لامدت وفاء لاتحرى وش تجيـب
كان جاتك سالمه حب يـدك وخشهـا
كل ماشبيت نار المحبـه مـع حبيـب
قام يسحل فـي مشاهيبهـا ويرشهـا
وكل ما واجهت لك فالزمن وجه غريب
مثل ماقال المثـل دام تمشـي مشهـا
وذمةٍ ماهيب تندار للحـق المصيـب
جعل قشاش الحطب لاسـرح يقتشهـا
في حياة كل واحد منا كثير من هذه المواقف التي تكشف قبح البشر
الذين يأتون كعصافير الصباح حتى تأمنهم ثم يتحولون الى وحوش تستمتع بلحومكم
كم مره تتعرض لمواقف محزنة .. مؤسفة .. من انسان (كان) عزيزاً على قلبك
وتكتشفت بعد عمر من حسن النية والولاء أنه (عابث) حتى بمشاعرك !!..
بالتأكيد سيقتل كل شيء جميل في عيونك
وسيفقدك ثقتك بالبشر
حتى ينقلب تقديره في داخلك الى كره فتعلنها للعالم شعراً :
ابكرهك وان رفض قلبي يطاوعني
ابكره القلب وان ماطاع قطعته ..!!
مافات ليس موضوع ادبي ولكنه رصد لحالة فقدان الثقة في البشر
رصد لمواقف تحكي القبح الخفي القابع خلف بسمات القريبين منا
لذا انا اسألكم جميعاً ..
كم مره انخدعت ؟.. وكم مره جرحت من قريب تظنه الصاحب ؟
ماهو اقسى جرح وكيف تعاملت معه ؟!!
الموضوع دعوة لسرد قصصكم مع صدماتكم بالبشر
اسردوا قصصكم حتى لانعود ونردد
بس الغريبه ليه انا ماتعلمت .. ؟؟!!
