رسائل حزن ووداع ، رسايل دموع توجع القلب
إذا في يـوم نبهـك الضميـر وهاجسـك صحـاك
وحسيـت بألـم فرقـى ولاتقوى طـواريها
إذا في يوم حنيـت لهوى الماضي
ولاخلاك زمان تطوي أيامه
ولاتدري بتاليها تذكر واحد مهموم
من يأسه ومن رجواك
فلا هو يائس ينسـى ولا الرجوى يخليها
********
ياااه..كل هذا الموت فيك وانت حي؟..
ليه ساكت؟ياخي قل لي اي شي..
قبل تتقفل في صوتك كل ابواب الكلام..
وينفتح جرح في قلبك يستفزك للسلام..
السلام اللي يودي ومايجيب..
غير نفس كل مااشرق همها..عيا يغيب!!
********
اخطيت يوم اني طلبتك حنانك لا صرت فاقد شي وشلون تعطيه ..
مهما نطق لي بالمشاعر لسانك شي بدون احساس ماأقتنع فيه ..
احساسك المصنوع خنته وخانك جاملتني به وانت تجهل معانيه
مني نصيحه تنفعك في زمانك إلا شعورك لا تبيعه وتشريه ..
********
كانك تبين الصدق والصدق يرضيك …
لا عمري حبيتك والا لك موده …
وما قد طلبتك حب والله يخليك …
وماقد فتحت الباب حتى اسده …
هذا انا طبعي إن كان يرضيك …
قلب مغرور ما رضخ لأي وحده …
وكانك تبيني صدق فالله يحييك …
انتي مثل ضيفٍ صعيب ارده …
وكوني اكيده لا قفيتي بخليك …
وشهو المفارق غير كفي امــده..
********
هذي خاينها حبيب..
هذي عاشقها هجرها..
هذي ميته في هذاك..
ماحكت له من خجلها..
هذي مسكينه طعنها..
الف طعنه في ظهرها..
قدمت كل غالي..وللأسف..
راح وخذلها..وهذا مجنون بهواها..
بس محتار بأمرها..لو طلبها يرفضونه..
وإن تركها ضاع أملها..هذي تشكي..
وهذا يبكي..يلعـن ابوعشقن قهرهم.
********
جات بعد عامين تنشد كيف حالك
قلت طيب بعدها غمضت عيني
خفت لاتلمح بعيوني شخص هالك
اهلكه طول الغياب ومات فيني
الله لايوفق عدوك وش طرالك؟
ليه صدقتي الكذوب اللي حكالك؟
وليه اصلا مارضيتي تعلميني؟
صدقيني يالجواب الي في بالك
مايعوض مافقدته من
سنيني كل هذا وتسأليني كيف حالك!
مايخصك زين يالله فارقيني.!!
********
لو فرضنا الكون في كفي اليمين
لو فرضنا الجن في كفي الشمال
لو فرضنا البحر في جوفي اسير
لو فرضنا الشمس تطلبني السؤال
لو فرضنا خادمي ذاك الامير
لو فرضنا امتلك ذاك الجمال
لو فرضنا كل ما قلته يصير
وامتلكت الكل في كفوف الخيال
صدقيني ارميهم مثل طفل صغير
رمى العابه يوم صحتي له تعال.!!
********
انا اذكر يوم جيتيني وبصدرك نزيف طعون
سحبت السيف ابفزع لك وبسيفي طعنتيني
********
ابي اشوف بفراقي شلون حالك؟
وش صارلك ووش جاك؟
احلى لحظه عندي لحظة غيابك..
ولو تظن اني برجعلك ظن بس بخيالك!!
ولايهمك يا روح الروح اذا ناوي على النسيان
تناسى يا عسى البسمة تزورك يوم نسياني
وخذ فرحي معك تكفى وعلمني على الأحزان
مدام الهم جاني منك أكيد بتحلى أحزاني
واذا جرحي يسلي النفس عن وقت يهز ابدان
فداك الجرح يا عمري تسلى بنزف وجداني
ولكن قبل تظلمني وتجازي ودي بالنكران
حبيبي افهم احساسي لأنه حيل أشقاني
أبيك وما أبي غيرك ولو هل المطر خلان
أنا مالي سواك انت ولو غيرك تبلاني
******************************
يمه حزين أبغيبتك واشكي الهم
يمه فديتك لاتغيبين عني
يمه الحياة أبغيبتك شكلها غم
يمه ضحكت وجامل الضحك سني
يمه سكن حزني على حافة الفم
لاجيت اسولف دمع عينيي سبقني
يمه ترى هالبيت موحش ومظلم
في غيبتك يا( يمه) سوره خنقني
******************************
على متن الجبل هذا جلست اذكر حكاياتي
جلست استرجع الماضي وصدري ضاق بهمومه
تعبت وكل مافيني تعب من كثر وناتي
عنا الذكرى جروحٍ عايشه بالنفس مرسومه
يذوب ابداخلي صمتي تذوب ابداخلي ذاتي
صفير الريح في صدري يصحي الجرح من نومه
نحت الصخر بدموعي وثرت بفيض عبراتي
تفجر في ثرى نفسي شجن واهات مكتومه
تجرعت الالم بدري وخاوتني معاناتي
مشاعر ضمها صدري من الافراح محرومه
*****************************
ابي اسرق من همومي
هموم تجرح الأبيات
واخاف اكشف عن الخافي
واتيه بوسط اهاتي
حزين وباين بعيني
واحاول اخفي الدمعات
كثر مااخفي الدمعه
احس تزيد عبراتي
امد الكف كم مره
ويصفعني الردى مرات
ردى هالحظ قاعد لي
يعكر كل لحظاتي
يسافر بي ورىالدنيا
لديره شعارهاالآهات
ترحب بي وتهلي بي
وتدفن كل ضحكاتي
تمد بساطها الداكن
وتنثر شوك للخطوات
وانا امشي رغم هذا
واخاف تقل خطواتي
*************************************
طمنوني عن حبيبي كان مريتوا عليه
وعلموني كيف عايش طمنوني كيف حاله
يا ترا مرتاح ولا صار بعدي شي فيه
واسألوه ان كان حبي لين ها اللحظه في باله
يعلم الله ما نسيته واني اتألم وابيه
وان ما ليلة و مرت الا داعبني خياله
وان لين هالحين وقلبي واقف له يحتريه
نادر في حبه ونادر في غلاه وفي وصاله
حالف ان شفته لا ضمه وسط قلبي واحتويه
**************************************
أحبك ذا ترى أول كلامي .. وآخره كله
ولكن وش يضر اليوم لو تدري عن احوالي
وخذ ما جاز لك من هالحكي واللي تبي خله
انا لا قلت ما في خاطري والله ما بالي
ظلال العاشق جروحه ومن ما يتبعه ظله
أمانة يا شعاع الشمس لا تغضب من ظلالي
***************************************
حسمت المسأله والحين .. ابصدرلك قراراتي ..!!
وهي حاااصل ( تشاورنا ) بعد تكرار غلطاتك
( أنا ) ( وجروحي ) ( وقلبي )
تعاهدنا على ….. الآااتي :
“” نحب حتى الغلط منك “”
لانه جزء من ذاتك…..!!!!!
**************************************
رفعت الرايه البيضا..نعم ..سلمت واستسلمت
رفعت ايديني الثنتين..سو اللي تبي فيني
فداك الطاعه العميا..عليها ي****** اقسمت
اطيعك لو تعذبني.. وتظلمني وتشقيني
انا بلياك يالمحبوب.. يجرحني رهيب الصمت
احس اني وحيد بعالمي.. لاغبت عن عيني
***********************************
اببتعد واهجر شوارعك والبيت
قلة ادبكم عجلت بالنهاية
رح في طريق في دروبه تماديت
تحت الثرى شيعت نهاية عنايا
اقسم قسم لوشفتك بيوم حنيت
لأدوس قلبك بالقدم من قسايا
آخر سؤالي كان بالحق رديت
قلي بربك وش سبب هالسوايا
************************************
وووينك انت يا وله روحي عليك
وووينك انت كل ايامي تبيك!
في بعادك صارت اوقاتي عنا
اكتب اشواااقي خواطر واحتريك
ما احتمل احساسي اني مو معاك
ما بي هذا الكون انت اللي (( ابيك ))
***********************************
نسيت الناس والدنيا ولكن ماقدرت انساك
ولامني ذكرتك رجعت وقلت لعيونك
انا لعيونك الحلوه احبك واعشقك واهواك
ولاتسأل عن احوالي انا بسألك وشلونك
ترى ماهمني غيرك ترى كل البشر تفداك
ترى موتي وميلادي حبيبي داخل عيونك
***********************************
خلني
قصة هوى تسكن كيانك
خلني صورة مسافر في سماك
وخذ حياتي خلها شمعة زمانك
وخذ عيوني ماسكن فيها
ولمني ثم “ضمني ” بأقصى حنانك،،
لمني يا جعلني كلي
فدااااااااااااااااك !
*************************************
هويته طفل ٍ صغير وعلمته وربيته…
……. عشقته لعنبو جده وسواها ورباني؟؟؟
*********************************
مات الحكي واحرجني الموقف احراج
وعجزت اعبر عن هواي اعذرني
ماغير جملة حطها الخوف بسياج
قلبي يحبك حيل لا تتركني
كتبتها اخشى اسبب لك ازعاج
ولولا الغلا ما قلتها صدقني….
*******************
والله اني كنت الوم الي يضيق ان غاب خله ,,
لين جربت المحبه
والفراق وقلت
“توبه”
لعنبو جد المفارق فيه هم وذله ..!
اثر كل الحب لذه..,
والفراق
((اكبر عيوبه))
*******************************
رح فمان الله
وجه ابيض و طيب بشاره
لا تراعيني بعينك لين ما تخفيني
واعرف انك لو تلف الارض
حاره.. حاره
وين ما تلقى ملامح طيب بتلاقيني
واعرف انك لو تضيق
بدنيا دوّاره
ما تشوف الا ويدينك وسط يدّيني
********************************
يأأه يادمعه طاحت على خد المواجه
ما عرفتي تصبرين الين ما عينه تروح ؟
و الله اني ما قصدت بدمعتي يا قلب حاجه
بس فاجأني بغلاهْ .. و صممت عيني تبوح
